جەجە

77

جەجە

خەڵکی گردی نامێ نیابێ جەجە. ئەسڵەنە نامێش جەجە نەبێ، نامێش “ئەوڕەحمان” بێ و بۆنەو ئانەیوە نامێش سەخڵەتە بێ و خاس نەی سەروو زوانی و وێچش حول حولی مەزاج بێ و پێسەو خەڵکی عادی نەبێ. نامێ جەجەیشا نیابێ پۆوە.شەس تا شەسوو پەنج یاڵێ جە عەمریش ویەدەبێ.

زیارەتەڵەڵانیە وەروو دەگاینە بێ و تفیە شۆخە و شەنگە جە پاڵشەنە سەیەش وستێبێنە دلێ زیارەتەڵانەکەی و سۆح و وێرەگا سەیەش چەنە نەبڕیێ، “جە جە” هەر ڕۆ بیایوە تۆشیە پێچێوە و دەفیە خاسەش بێ کەرێش شانەش و جە یانەو وێشاوە کە چەو پەڕوو دەگایوە بێ، ئێ پەی بنەو تفەکێ نیشێرە و دەس کەرێ بە دەف ژەنەی.

جوانێ و هەرزەکارێ دەس کەرێنێ شۆخی کەردەی چەنیش و تانە ئەزیەت و ئازارش دێنێ و تانە لاونێنێشوە.
.
” جە جە ژەنێوەت ناردە؟ جە جە واتەنشا تۆ زوو عاشق بیەنی، ئەرێ؟ ئەی ئیسە عاشقوو کێنی؟ کورە هەڕە سەرەو ئانەیرە ژەنی مدۆ بە تۆ! “.

“جە جە” جە جوابشانە تەنیا دەس بەرزکەرێوە و هەنگووسەو ئانارەیش تاکە وزێ و نیشنێش سەروو دڵیش، یانی دڵ هەر یەک دڵەن و تەنیا پەی یەک کەسی مەبۆ.

زاڕوێ هەر جە یانەو وێشاوە گنێنێ شۆنیش و گنێنێ شۆنەو دەفەکێش و چەنیش ئێنێ ڕارە. ڕیشیە چەرمەی شانە کریاش بێ و هەمیشەی تەڕ و تەمیس و بۆیوە وەشەش چۆوە ئی، زم و هامن و وەهار، جە جە هەر یەک بوە دێ، دەسیە چەمێ کەوێش پۆوە بێنێ، شاڵیە هەجیجیانە و فەرەنجیوە قوڵ کەرێنە و دەفەکێچ کەرێ لاو شانەیش.

یانەو باوایم فرە نزیکوو ئا یاگێ بێ کە جەجە ئێ پەی ئاگەی، جۆریە بێ کە وەختیە جەجە بنەو تفەکێنە نیشتایەرە ڕیک چەم وزێ دلێ وەربەرەکەو یانەو باوایم.

وەهار بێ، وەر دابێش ملوو دەگایرە وەرو وەهاری. مامام لەتەرەکێش گێرتێبێ دەسشوە و سەرو بانجیڵەکەیشاوە وێش دابێ وەرە قاقەو وەهاریرە.

” واتم بە مامایم، توخا ئێننە بەزەیم مێوە جەجەیرە. ”
ماچۆ: “کوره ڕۆڵە ژیوایتەنە بەزەیت کەسیوە نەیرە! ”
واتم:”پەی چێشی؟ دەی توخا جەجە چێویەن یۆ بەزەیش نێوە پۆری؟!”
ماچۆ:”کورە ئنسان پاش بیاو یاگێ وێشەنە وەرگەن.! ”

زرمەو دەفەکێش دەگاش ئاوردەبێوە دەنگێ، و هەر چی گورانیێ بێنێ قاتیش کەردێبێنێ. شێتانە و ژیرانە. ئێننە حرفەیی بیەبێوە بیە بێ به دەف ژەنێوە خاس. دەفەکێ فڕە دێ ئاسمانەرە و دیسان گێرێشوە. چەم جە یانەو باوایم کل نەکەرێ. ئاخرین زرمەش داوەنە دەفەکێش و هاواریە گەورەش ئاستەرە . هەوهەۆۆۆۆۆ “دێوانێ” هەۆۆۆۆۆۆۆ.

مامام ئاخرین خولەش دانە لەتەرەکێ دەسیش. بەنەکەش قرتنا و نمەد‌ٚیە شڕ چیریشەنە بێ تەکناش و بۆڵیەش چۆووە ئاما و لواوە دلێ یانەکەیرە.

سەعدوڵڵا خوونخام (شەهریار)

 hewraman
  • ویەردەو ویٛم” کوڵەداستانە”

    ئی کوڵە داستانێ ڕاسەنە ویەردٚەو وێما: وەهاروو ساڵەو ۱۳٥۰ی ئاخر ساڵوو مەدرەسەیمبێ ئێتر پەی …
  • ئەلکین و مەلکین

    ئەلکین و مەلکین لالوٙ جافر خەریک بیٛ گیانکەنەشت کەریٛ، قەومو کەسوکارش دەورشەنە یەواش و ئار…
  • زەماونڎە

    خاس خاس هۆشما مامای مەرحوومەم واچێ ئانە مزاندێ چێ خەڵک زەماوندٚەکا لاو “پیرمحەمەد…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…