یانە ئەدەب و هونەر ویەردەو ویٛم” کوڵەداستانە”

ویەردەو ویٛم” کوڵەداستانە”

58

ئی کوڵە داستانێ ڕاسەنە ویەردٚەو وێما:

وەهاروو ساڵەو ۱۳٥۰ی ئاخر ساڵوو مەدرەسەیمبێ ئێتر پەی هەمیشەی مەدرەسەم جیا ئاست تەقریبەن ۲٥و چێڵ کڕی بێ چەنی تاتەیم و لالۆ حەمەلاوی و لالۆ حەمەڕەحیمی برایش،ئاوەختە هامسەی بێنمێ، جمایمێرە پەی مەریوانی بە نیەتوو وردٚەواڵە ورەتەی ئێمە بیللاتەژبی هەرێومابێ تاتەم هەرەکەش گورج کەردٚەو کتری و پیاڵەو نانێوی فرەو بازێو هێڵێ گریەی چەنی کەرێ وەهاری و قەندٚوو چای،لالو حەمەلاو و ئادٚێچێ هەر عەینوو چێوی. بازێو گوندٚی خەت کەوێ و دوێ یەرێ دانێلێفێ جاجمینێ و هەریۆ دەسێو جلەشڕێ زیادٚێما پێتێوەو تەنگوو تیکلوو هەریمادا، ئێتر تا کەوتیمێ ڕا کۆچێو دێرش کەردٚ لوایمێ
نۆدشەنە شوێ تا هەجێج بڕمادا مزگیەنە وتیمێ نەلایمێ یانەو کەسی وێما تفاقی عالوو ئا زەمانەیما پەنەبێ .

ساحبێو زوو هۆرسیمێ، نماشا کەردٚە من نما نەکەرێنێ، ساحبێ زوو کەوتیمێ ڕا ڕەنگێدٚارەنە لوایمێ بڵ . کاکە چەمتا ڕۆی بەدٚووتاڵ نەوینۆ بڵ تەقابێ تۆغیانش کەردٚەبێ پردٚێوەی تەسکەی دارینەش بێ ئاساوێوی ئاوی پاسارشەو بێ، ئی ئاۆێ چا
کۆرەوڵەنە زیێرەو بە چرپە چێروو پردٚەکێنە هەکە وەرەچەموو من فرە خۆفناکەبێو حەیبەتیێنە ڕەنگم پڕەی بێ ویەرێو بازێوش پژگیێ سەروو دارەکانەو دارکێش ژڵۆقێ کەردٚێبێنێوە ڕاسەکێش من و هەرەکە پیس سڵما کەردٚبێوە بەڵام خۆ بە زەحمت و چەڵەمەکێشێ پڕنایمێشاوە، لوایمێ مەزانوو چکۆوەبێ هۆشمنیا، ئاوێرما کەردٚەو چایما نیاسەر نانووچایماواردٚ کەوتیمێوەڕا شەوێ لواێمێ ئەگەر درۆێ نەدٚەو شێرەدەرەبێ وێرەگاما ئاماملەرە بەرەو کەوێڵێویەنە هانێو نزیکەش بێ بارما وست کەوێڵەکەنە گوندٚێما یاوەیرەو پەساما وستە پەی نانووچای واردٚەی ساقە زەڕاتێ فرێ چاگە بێنێ ئاوێرما کەردەو ئادٚیشا نماو مەغریب وعیشایشا وانا نانووچایماوار وتیمێ، ئیجا پادلێ کەماوبەناو لۆیەنە قەبرێ فرێ بێنێ کێلێ بەرزە بەرزێشابێنێ چێوشا پەو نویسیابێ .
فرە مانیەیبێنمێ من هایم نەبیەن ئادٚ هۆرسێنێ نماو ساحبیشا وانەینەو دیسان وتێنێوە،ئیجا قسێ مەی قسێ بڕۆ شەوێ ئاسمان هەورووسابێ پەڵە هەورێ سیاوێش بێنێ. سەعات هەرچندٚ بێ مەزانوو جایێومانیاسەر واردماو بارماکەردٚ کەوتیمێ ڕا ڕوو بە کەماڵا وەروو وەیسیای دەرەنە پڕایمێوە دەرەو چێشی قرمەوە ڤەرڤاوی گۆشێ کەڕێ کەرێ پڕایمێوە هورماکێشا سەرەوکووی وەیسیاو کەماڵاما ڕەدٚێ کەردێ. ئێسە ئاسمان خەریکا پەربۆوە هەوری سیاوو تاڵ، قەدٚرێو جە کەماڵای دوورێ کەوتیمێوە ئۆڵاخە ڕەیوە لادێ سەرەوکوی لوێوە چێروو پیرڕۆسەمی پاسە وێڵیێ ملوو دەرەوکیێرە ئێمە پاڕاورە لوایمێ سەروو هانێوی ویکۆڵێوی قرۆڵوو زلش بێ واچێنێش هانەوگەچانی، نیمەڕۆ ئامابێنە وادٚە فرە ئاورامابێ نماو نیمەڕۆیشا وانا هەوا فرە چیابێ دەسماکەردٚ نان واردٚەی ساقە تەڕینێما ئاوێر دەینێ کتریەسیاوە پەڕەئاوی خەریکا بێیوە قوڵێ ئیندٚمازانا تاوێوە سەروو تەتەیەو ئاوردٚەش پەلە پاترۆک وێما پێتەو کتریەما نوونداوە ئیسەخۆ مەتاومێ گێڵمێوە پەی کەماڵای دەرەکیێ چ فرە دوورەنە خاسیش ئانەبێ من نەزانێنێ دوورەنە یام نزیکەنە ئننام هەر چا مووم نەجمێ گیانم بەرشێ، ئیسە هەری بێچارە ئێندٚە مانیا جەڕانە لوای کەوتەن ئەجێ هەستیم مەستیم چوارپای گەستم کەرۆ.
کاکە تاوێ دایمەوەنە دوێ یرێ چێچێ لوایمێ سەر تاتە ماچۆ حەمەلاو ! براکەم شمە مە نیشدێ دیاروو من و هەرەکەوەیەو (قەیۆم)ی بیاوندی مزگی و دەرەکیێ با ڕەق نەبۆوە، ئێمە پاما هۆرگێرت تاتەم مەن جیا یاوایمێ دەموو کەلەبەرێ کۆڵیتێوی توەنین چاگەبێ دوێ یەرێ دەسەکێ و بازێو ساقە تەڕینێ و دوێ مڵوێ لۆش سەرەو بێ، بەڵام چۆڵ بێ لالۆ حەمەلاو ماچۆ ئینە قاوەخانەو تەوفێق بەگوو دەرەکیێن.

گەرەکشابێ بەرامەنە دلێ کۆلیتەکەی تا تاوەکێ ویارۆ دیسان پەشیمانێ بیێوە واتشا پاودیمەرە سەرەوچێرە ئازا ملمێرە دەگا،
سانیە بە سانیە واران تندٚتر بێو کەردٚیچش تەڤەرگە هەتا یاوایمێرە دەرەکیێ، بەزاتوو خودٚای مەحەلبێ ڕەقێ بیمێوە، گیانما پانەیە بێ ڕانەلوێنمێ، دەرەکیێ خۆ ئینێ نەبی ئیسە کەوتێنە سەروو جادٚەی ئانە گردٚ یەو و گەنمی دەیم بێ وێوما یاونا دەگا مزگیێوی یەک نهۆمش بێ  وەرهەیوانێوی وەڵاش بێ بازێو ئەدٚبخانێ بێ بەرێ و کیێوەی زلەش بێ ئێندٚە لاشەو زاڕۆڵەی حەوت هەشت ساڵەی ئاوی کیەکێنە زیێرە پڕێنە حەوزێوی درێژو باریک چادٚی ڕەدٚە بێ چوار دیواریێوی بێ بەرە بێ حەوزێوو مەلە کەردٚەیش چەنەبێ نیمەو ئاوەکێ پڕێنە ئا حەوزە و لوێ دەرەرە ئەو نیمەش لوێ ئەدٚبخانەکارە، ئیجا ئێسە بەیمێوە ئیلا، یەرێ چوار پیەی ماقووڵێ دەسماڵ بەسەرێ و کوڵەباڵ جە وەرێ وەرداڵانەکەنە دسێشا کەردٚێبێنێنە کیسێشا مامۆسایویچ لاشاوەبێ چێر پانتۆڵێوی هەڵاوینی چەرمەو کەواو سەلتەو قایشێوەی پانەی پۆسینە مێ شەنە بێ ئێمەیچ نەیەی وشکەما نەمەنێنە پۆرە من عەینو بزڵە ڕووتەڵەێ هەکە تەڤەرگەو وەهاری کوابۆ لەرزێنێ فرەش نەمەنەبێ پەی مەغریبی، ئێمە یوەیەی لوایمێنە پەشتەو دیواروو حەوزەگولانەکەی.
جلێماوەتێ شوارەیماو لوایمێ مزگی تاتەم یاوا وەرە کەلووپەلەکەش گێرتەرەو هەرەکەش بەردٚ پەی دلێ دەگەی کەردٚە گەوڕوو
بەندٚێوو خودٚا، ئیجا کەلووپەلوو چێشی؟
ئاوی ڕووتە تاتەم یاڕەبی خودٚا عەفوەش کەرۆ چەنی مەردٚاو حازریا، دالێو وەسواس بێ وەختێو هەرەکەش پەسارناوە ئاما هەرپاسە بە جلەکاشەو وێش کوانە دلێ حەوزو مەلەکەردٚەکەی دوێ چێرە نقمێش دەیرەو ئاماوە بەر جلەکێش شوارەیش و کەردێشەنەو لالۆ حەمەلاو ماچۆ براڕەو کاکە حەمەکەریم ئانە چی پاستە کەردٚ ؟
ماچۆ باس مەکەر حەمەلاو سەرتاپام هەرەکەوەی نما بەردٚەبێ، وەختێو سم فڕەدێ ئاوەو سماش
تا تۆقەو سەرەیم پژگیێ …

هەڵای مەنەنش

قەیۆم دانشوەر ۱۳۹۷/۸/۲۳

 

 hewraman
  • جەجە

    جەجە خەڵکی گردی نامێ نیابێ جەجە. ئەسڵەنە نامێش جەجە نەبێ، نامێش “ئەوڕەحمان” بێ…
  • ئەلکین و مەلکین

    ئەلکین و مەلکین لالوٙ جافر خەریک بیٛ گیانکەنەشت کەریٛ، قەومو کەسوکارش دەورشەنە یەواش و ئار…
  • زەماونڎە

    خاس خاس هۆشما مامای مەرحوومەم واچێ ئانە مزاندێ چێ خەڵک زەماوندٚەکا لاو “پیرمحەمەد…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…