یانە ئەدەب و هونەر ئەلکین و مەلکین

ئەلکین و مەلکین

63

ئەلکین و مەلکین
لالوٙ جافر خەریک بیٛ گیانکەنەشت کەریٛ، قەومو کەسوکارش دەورشەنە یەواش و ئارام قسیٛ ملائیکاو حوریاو بەهەشتی کەرەینی . لالو جافر چەمیٛش قوجیە بینی بەڵام ڕوحش هەڵای تەشریفش بیٛ و گردچیٛو ئەژنەویٛ . قەرەباڵق بی یانەکەشا، چیلاو چەولاوە قەومو کەسو کارو و خەڵکو دەگاکیٛ گرد جەمەی بیەبینیٛ، یانەکەشا قانگ دابیٛ چەنی دوکەڵو جگەرا، سەرەشا کەردەبیٛنە دلیٛ یەکترینی بە چفە، تەکلیفیٛو تەکبیٛریٛ کەرەینی.

 با وەڵیٛ ئانەیە هەوا تاریک کەروٙ، مەحمولەو ئەجیٛ چەنی خولەو حەمقوڵیٛ بلا دەسکەرا قەبر کەندەی، با هەوا تاریک نەکەرو. دەرویش مەجید دەنگێش بەرزکەردۆ ماچوٙ هەر چنڎ مزانمیٛ لالو جافر بغەیرەز خاسەی چی دەنیانە هیچ خرابەش چنە نامان، خوٙ مزانمیٛ یاگیٛش بەهەشتەنە، بەڵام با یاسین وانیٛو بارمیٛ کوچیٛو یاسینیش بوانوٙ با چەنی ملائکەکا روحش پیٛسە پەپولیٛوی سوکتر باڵیٛ گیٛرو تا بیٛاوناش دلیٛراسەو بەهەشتی.
یوٙشا کیاست شونەو ئیبرەمو مەتی غونچیٛ زەرشا دا پەنە بلو زاوەر شونەو مەڵا سەحڵای باروش یاسینەکیٛش بوانو و هەم بەروٙشۆ پەی زاوەریٛ. 
زمسان بیٛ ۉەرۉێوە قورسە وارێبیٛ، ئاماو لوای ئیٛبرەمی دەورو چوار سەعاتیٛ تول کیٛشی. 
ئیٛبرەم جمارە هەڵای نەیاوابیٛ دەورو پیٛچەکا جادەو ملەندوی، لالو جافر گیانش دا بە شمەو و کەسوکاریش .

 ئا زەمانە تلەفونو چیٛو نەبیٛ. واتشا چیٛش کەرمیٛ خەبەر دەیمیٛ ئیبرەمی مەڵا سەحڵای نارو. گیٛڵنوشوٙ پەی چیشیٛ ئی خەرجە ئزافیچە دریوٙ دەسو خانەوادەی فەقیریشۆ، خوٙ تازە جافر مەرڎەن ئتر دەنگو یاسینەکیٛ مەلوٙ گوششەرە و حەیف وەسیەتەکەیچش بەیاگیٛ ناما. جەنازەکەش مەوجێوەشا پیچنا پۆ نیاشانە دلیٛ تەرمێوی بەرڎشا پەی مزگیە قوڵەی. لاشەکەشا شتو، حازرشا کەردەبیٛ تا بەراش پەی سەرو قەبرا.

 هەر ئیٛندەما زانا مەڵا سەحڵا زیانە دلیٛ مزگیٛەکەی، خەڵکی وات مەڵا سەحڵا گیان لالوٙ جافر عەمرەو خوڎایش کەردە نەیاوای پەنە یاسینەکیٛش بوانی حەیفش(یانیٛ مەڵا داواو نیمو زەڕەکەی کەرە) مەڵا سەحەڵای روان شاڎ هەمیشە بە دەنگیٛ بەرزیٛ قسیٛ کەریٛ،  ماچوٙ دەی خوڎا عەفوەشکەروٙ، بەڵام ۋەڵیٛ ئانەیٛە بەردیٛش با کوچیٛو رانمونیش کەرو ، با چەو دنیا توشو گیچەڵا نێ. لۋا سەرو تەرمەکەی مەوجەکیٛش لا دا،  بە دەنگێ بەرز ماچوٙ ئاها جافر ئیسە دۋی نەفەریٛ زلیٛ و زەلامیٛ مەیا پەی لایت،  هەرچیشا فلتنا گوششا نەدەیٛ پەنە، هیچکارینی، هیچکامیٛ گو وەریٛ نیەنیٛ، دەی لوە .
منیٛچ دڵو ویٛمەنە واتم مەڵا هەرچی زەڕشا دانی حەراڵت بو. خوٙ ئافاقەت دا بە مەرڎە و زینڎەیما،  ختورەو من ئی دوە زەلامیٛ بیٛنیٛ وەختیٛو مەنیام دلی قەبری، ئەجوٙ ئاڎیٛچیٛ بە تەڵەکە وەشیٛ با، باقیش خوڎا کەریما.
قادر هامنو 2015

 hewraman
  • جەجە

    جەجە خەڵکی گردی نامێ نیابێ جەجە. ئەسڵەنە نامێش جەجە نەبێ، نامێش “ئەوڕەحمان” بێ…
  • ویەردەو ویٛم” کوڵەداستانە”

    ئی کوڵە داستانێ ڕاسەنە ویەردٚەو وێما: وەهاروو ساڵەو ۱۳٥۰ی ئاخر ساڵوو مەدرەسەیمبێ ئێتر پەی …
  • زەماونڎە

    خاس خاس هۆشما مامای مەرحوومەم واچێ ئانە مزاندێ چێ خەڵک زەماوندٚەکا لاو “پیرمحەمەد…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…