یانە هەواڵیٛ مەرگو جورج بوشی تاتەی

مەرگو جورج بوشی تاتەی

101

مەرگو جورج بوشی تاتەی

جورج هربێرت واکێربوش،ڕەییس جمهورو وەڵینو ئامریکای جە سنعەو ۹٤ساڵەینە و بە هۆ عفونەتو ونێ و ناوەشی پارکینسونی مەرد.
بە واتەو کەس و یانەیش،بوش وێرەگا وەختەو ڕۆ ۳۰نوامبری جە یانەشەنە جە هوستونەنە مەردەن. هامسەرەو بوشی تاتەی و ئەد٘او بوشی کوڕی یانی”باربارا بوشە”یچ، هەشت مانگێ چیوەڵی ئەمرەو خوایش کەردێبێ.
جورج بوشی تاتە بە نام و نیشانو چل و یوەمین ڕەییس جمهورو ئامریکای جە ساڵەو ۱۹۸۹ی تا۱۹۹۳ێ عیسایی هۆرچنیا و بی بە ڕەییس جمهورو وەڵاتەیۆگێرتەکاو ئامریکای(یانی پەی یەک دەورەی)، پەی دەورەی دمایینی بیل کلینتۆن ئامانە مێد٘انو هۆرچنیای ڕەییس جمهوری و ناستش جورج بوش پەی جاری دوەمی ئی کورسیە بەدەس بارۆ.
جورج بوشی تاتە،دوێ دەورێ یاگەگیرو یوەمو ڕوناڵدڕەیگانی بێ.
جورج دەبلیوبوشی کوریچش، میانو ساڵاو ۲۰۰۱ تا ۲۰۰۹ی(دوێ دەوریٛ) بی بە ڕەییس جمهورو ئی وەڵاتەیە.
دوناڵد ترەمپ و باراک ئوباما پەرسە و سەرسڵامەتیشا دارەو و چی کەسایەتیە بە”خزمەتکارێ نەجیب ! و دوستدارو نەتەوەو ئامریکای”یاد٘شا کەرد.
جە چوار ساڵێ ڕەییس جمهوری جورج ئچ دەبلیو بوشی، سەدام حوسەین جەنگێش وست ڕا(۲ێ ئوتو ۱۹۹۰ی) و بە هوتەرە سەرو کوەیتی ئی وەڵاتە عەرەبیەشە بە ماوەو کەمتەر جە یەک ڕوٙی داگیرکەرد، کە جورج بوش دەسورو جەنگو”تۆفانو سارایش٫جەنگو خەلیج فارسی” جەساڵەو ۱۹۹۱ی دا و هەزاران سەربازی ئامریکایی و هام پەیمانیٛ ئی وەڵاتیە جە بڕێ وەڵاتاو ئوروپا و ئافریقانە کیاستێو کوەیتی بییٛ و چن مانگیٛ دماتەرۆ یانی جە ۱۷ ژانویەو۱۹۹۱ی، چەنی ۳٤ وەڵاتیٛ جهانی، ئەرتشو سەدامیشا جە کوەیت و عێراقەنە بە پەلامار و بوموارانی ماڵاڕە کە دماتەرۆ بوشی واتەبێ ئی عەمەڵیاتە پەی وەرگیری جە شیرەبیەی ئەرتشو سەدامی سەرو نەوتەو فراوانو کوەیتی پەنەواز بێ و پیجۆرە ناستما دەسو سەدامی بیاوۆ چاڵەنەوتیٛ کوەیتی، وەرو ئانەی چا ساڵێنە کوەیت بە ئەننازە و ڕێکو عێراقی سەرچەمیٛ نەوتی و پاشکەوتی فراوانی نەوتیێش بێنیٛ.
هوتەرە سەرو وەڵاتو پانامای ساڵەو ۱۹۸۹ی،یۆتەری جە کەردەوە و سیاسیەتی بەرو جورج بوشی تاتەی بێ کە وەرپێکش لابەردەی”مانوئێل نوریگا”ی جە کورسی دەسەڵاتی بیٛ.
ئی جەنگیچە چوار ڕووٙیش خواینا و هەزاران کەسیٛ بیٛتاوانێ دلێنەشییٛ کە ئەڵبەتە جە لاو سازمانو نەتەوە یۆگێرتەکاو جهانی مەحکوم کریا.

وەڵاوگەو هەورامانی

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…