یانە هەورامانی بشناسدیٛ ژیوانامەو مەجید٘ بەگوو داریانی”عەدەمی”

ژیوانامەو مەجید٘ بەگوو داریانی”عەدەمی”

51

ژیوانامەو مەجید٘ بەگوو داریانی

مەجید٘ هەدایەتی کە دلێ دنیاو ئەدەبینە بە “عەدەمی” مشناسیۆ، کوڕوو عەباس بەگوو داریانین. مەجید٘ بەگ ساڵەو ۱۳۰۹ کۆچی ڕۆجیاری جە پەناو سیروانی ژیوادەرینە و جە دامانوو شاهۆی سەربەرزینە و جە دەگا وەش و دڵوازەکێ داریانینە، ئامان دنیا. مەجید٘ بەگ پا حەزە گنۆ گڕ و گاڵ (ساڵێ جە عەمریش مەویەرۆ)، دەوڵەتوو ڕەزا شای تاتەیش (عەباس بەگی) چەنی فرێوە جه بەگزاد٘ەکاو هەورامانی یاساخێ کەرۆ و ڕوانەو زیند٘انوو داموغانیشا کەرۆ.
عەباس بەگ شۆنەو ماوێرە زیند٘انەنە ڕەمۆ و مێوە پەی داریانی، بەڵام دیسان قۆڵ بەسش کەراوە و تا ساڵەو ۱۳۲۰ زیند٘انە بۆ.
مەجید بەگ هەر بە زاڕۆڵەی (حەوت ساڵینە) منیاش وانای و لا مەللا فەرەجۆللای هەدایەتی و مامۆسا فەتاح موتڵەقی (نۆتشی) و مەللا ئەحمەد٘ی نۆتشی – مەرام جە مەللا ئەحمەدٚی گەورەی نیا و مەللا ئەحمەد٘ براو مامۆ هێدٚەری گۆرانی واچی و شوو واڵێ مەجید٘ بەگی بیەن – فێروو قورئانی و ڕۆڵەبزانی و ورد٘ە کتێبەکا بۆ.
مەجید٘ بەگ ئینسانێ ساحیب زەوق بیەن و پاڵوو هاژەو سیروانینە و شنەو شاهۆینە تاوانش وێش یاونۆ پەنە و دلێ دەریاو ئەدەبینە مەلەوانی کەرۆ.
مەجید٘ بەگ ئینسانێ ڕۆح سووک، وەتەن وەشەویس، بەرز تەبێعەت، ناسک خیاڵ، ئەدەب دۆس و ئەدەب پەروەر بیەن.
مەجید٘ بەگ جە ساڵەکاو چلیوە بیەن ئەندامی نەهێنی (ح د ک ا) و تا ساڵەو شەسی کە قاچش مەڕیان و پەی هەمیشەی کۆڵەوار و زەمین گیر بیەن، ئی عەلاقەشە مەنەن.
مەجید٘ بەگ ساڵەکاو پنجایەنە بیەن مامۆساو “پیکار با بی سودای” و دەرزش واتەن بە خەڵکوو دەگاکێش.
لالۆ مەجید٘ی تەبێعەت بەرز و وەتەن وەشەویس ئاخرش شۆنەو ۸٦ ساڵا عەمری شەرافەتداری، ۱۹ مانەگەو گەڵاخەزانوو ۱۳۹۳ (۱۹ ؍ ۸ ؍ ۱۳۹۴۳) کۆچی ڕۆجیاری جە نەوەش یانەو ئیمام حسەینوو شاروو کرماشانینە پەی هەمیشەی چەمێش منیۆ پێوەرە و یانەئاوای جە دنیای ڕۆشنێ کەرۆ و جە زەیارەتەڵانوو دەگاو داریانیە ئەسپەرد٘ەو خاکی کریۆ.

ڕۆحش شاد٘ و یاد٘ش بەرز

ئینەیچ دوێ نموونە شێعرێش:

“وەسیەت”

ڕۆڵە! وەسیەت بۆ نەبی پووازی
لاشە و باڵوو وێت ترەکنی، نازی
هەرگیز نەگنینە شۆنەو بێگانەی
زەرەری گەورە میاونی یانەی
پەی مەراموو وێش کەرۆت بە برا
کارش تەمام بی، ڕیشەکات بڕا
بە زەڕ و دۆلار، دینار و تمەن
چەنی براو وێت نەکەرۆت دژمەن
بە پووڵ و پارە نەبۆت دڵ وەشی
حەیفەن پەی پووڵی وەتەن ورەشی
ڕۆڵە! وەسیەت بۆ نەبی ژەرەژی
پەی براکوشی بەرات پەی کەشی
هەرگیز نەوەری دانەو قەفەسی
پەنەت واچانە کوڕوو ناکەسی
واتەو عەدەمی قبووڵ کەر بە دڵ
هەتا سڵامەت یاوی سەر مەنزڵ

*****

جۆخ جۆخ جەم بەستەن جوانان پەی چەم
چوون تیپی سپای جەمشید شاهی جەم

دوو هەفتە ساڵێ پاڵ دان وە چنار
چنار شەرمەسار بیەن سەرەو وار

چناران بەرزەن تا چەم دیارەن
ئیسە شەرمەند٘ەی لای باڵای یارەن

چەمەکەم بد٘یە چناری چەمەن
پێسەو باڵاو من چوون چۆگان چەمەن

چناری چەمەن نە چەم چەم وەرد٘ن
لەولاو نە دەورش پێچ پێچ چەم وەرد٘ن

چەم سەیری چەمت وە چەم نەکەرد٘ەن
جە تاڵەی وێمەن، چەپگەرد٘ پێم کەرد٘ەن

ئازیز چراخان سەر چەمەن وەشەن
چەم پەی چەموو تۆ چەم و چیمەنشەن

چەم ئینتیزاری چەموو تۆش کەرد٘ەن
چەمەن و چیمەن پەیش نێشی دەرد٘ەن

منیچ پەی سەیران چەم و چەم و چەم
هەرسم چوون چەمە، جاریەن نە چەم

چەمیای چناریچ جە بەختی سیان
بەختی من چەنی وەش بەختان جیان

چەمەکەم بد٘یە چناری باخان
چەمیان جە داخی بەرزە دەماخان

وەر نە کێ دیەن چنار چەمەر بۆ؟
چناریچ جە من دەرد٘ش بەتەر بۆ!

چەمەکەم خەیلێ نەدٚیەنیم جە چەم
چەم چەمەڕاتەن پا بنیە سەر چەم

“عەدەمی داریانی”

نویستی و گڵیٛرکەرەیش: سوبحان ئەمینی 7/8/1397 ک، ڕ

 hewraman
  • دەگاو قەڵاگاو هەورامانی

    دەگاو قەڵاگاو هەورامانی (دەرەو شامیانی) ئی دەگەی ئینا 10کیلۆمتری وەرنیشتەی شاروو سەوڵاوای …
  • ئەڵماس خانو کەنوٙڵەی

    ئەڵماس خانو کەنوٙڵەی نویسەر و شاعری پایە بەرزو هەورامانی، فرەو نویسەراو ڕوٙشنویرا باسشا سە…
  • هەورامان چ وەختێ وەشەن؟

    ئۆستوار تەوفێق مرادزاد٘ە هانەگەرمڵەیی  چە وەختێ وەشا؟ شەوەی وەڵینە وەشتێ وارا بۆ زەمینی تە…
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…