یانە زوان ئەجوٙ، ئەجوٙم، ئەجیوٙم، ئەجیام

ئەجوٙ، ئەجوٙم، ئەجیوٙم، ئەجیام

43

ئەجوٙ، ئەجوٙم، ئەجیوٙم، ئەجیام

ئەجوٙ، ئەجوٙم، ئەجوٙما، ئەجوٙت، ئەجوٙتا، ئەجوٙش، ئەجوٙشا .نام( ئەجیوٙ، ئەجیوٙم، ئەجیوٙما،ئەجیوٙت، ئەجیوتا،ئەجیوٙش، ئەجیوٙشا)

ئەجیٛ، ئەجیٛم، ئەجیٛما، ئەجیٛت، ئەجیٛتا، ئەجیٛش، ئەجیٛشا، نام (ئەجییٛ، ئەجییٛم ئەجییٛما، ئەجییٛت، ئەجییٛتا، ئەجیێش، ئەجییٛشا)

ئەجیام، ئەجیاما، ئەجیات، ئەجیاتا، ئەجیاش، ئەجیاشا

ئەجیانم، ئەجیانما، ئەجیانتا، ئەجیانشا

ئەجیٛم، ئەجیابیٛم، ئەجیابیٛما، ئەجیابیٛت، ئەجیابیٛتا، ئەجیابیٛش، ئەجیا بیٛشا

بنەڕەتنە جە چەمەو ئەجیای هورشاگیٛرمیٛ، ئەجیا: کەردەی ویەردەن، ئەجیٛ: ڕیٛخەو چەمەکەین، پاسەبوٙ بنەرەتنە (ئەجیوٙ)مەن ڕاستەرن تا ئە(جوٙم)، بە نونگەو  قورس ئامای سەرو زوانی سویان.

ئی واتیٛ ڕوانە چنڎ جاریٛوە مەی سەرو زوانی و ماچمیٛش وەختو قسیٛ کەردەینە، ئی واتیٛ کەردەی یاردیدەرن، هەرپاسە یاگەنامیٛ لکیێ دەسەو یوەمی تاکو کوٙی هوٙرگیٛرا .

( ئەجوٙ هەشەی پیٛکیێنە هەر بوٙڵەش مەی)، ( ئەجوٙ کتەی پا سوٙتیٛنە )،(ئەجوٙ خەرارا و تەویٛڵەیا گیٛرتەن)  (ئەجوٙ داهوٙڵەن )،( ئەجوٙ دوٙش مجیان)، ( ئەجوٙ ڕات گمە کەردیٛنە ). چی نمونا سەرینە، ئەجوٙ پیٛسەو ” کردیٛوە یاردیدەری بەرگنوٙ، کەوتەن بنەڕاو ڕستەی و ماناو ڕستەکەی ڕازنوٙوەو تەمامەش مەکەروٙ، ئەگەر ئەجوٙ لابشوٙ  ڕستەکەنە ماناکیٛش لارەسەنگە بوٙ، پاسەبوٙ  ئەجوٙ کردەی یاردیدەرەن، ملوٙنە دلیٛ ڕستەی پەی زیاتەر مانادار کەردەی ڕستەکەی، جاری چامنەیچ هەن تەنیا ویٛش ماناو ڕەستەکەی تەمامنوٙ .

تاومیٛ  واچمیٛ ئەجوٙ ماناو وەنەشیەی. ئەویوٙی شیەی”تەشبیە” بەخشوٙ، ئەجوٙ: پەی کەسو دووەمی تاکو کوٙی بەکار مەی، هام ماناو “دەڵێی، ئێژی” سورانین، ئەجوٙم / ئەجوٙما: ئەجوٙ+م : کەسی یەکەم و قسیٛ کەریٛ تاکو کوٙ ی، ئەجوٙت/ ئەجوٙتا: ئەجوٙت دنیا بەپوش سەرگیریاینە، ئەجوٙش/ ئەجوٙشا: ئەجوٙش شاری بیٛحاکمەن_ ئەجوٙش مەمروٙ.

 ئەجیٛ /ئەجیٛش، ئەجییٛش/ ئەجیٛشا / ئەجیٛم / ئەجیٛما: ئەجیٛ دوٙش مجیان، پەی کەسی دووەمو یەرمیٛ تاکو کوٙی بەکار مەی، جە ویەردەی دوور و تەمامنە، ئەجیٛم /ئەجیٛما  توشو کەسیٛوە خاسی ئاماینمیٛ .

ئەجیام: ئەجیاما/ ئەجیات/ ئەجیاتا، ئەجیاش/ ئەجیاشا پەی ویەردەی،  کەسی یوەمو دووەم یەرەمی تاکو کوٙی. ئەجیام سەیرانت کەردەن، ئەجیاما سەیرانتا کەردەن …هتد.

ئەجیابیٛم، ئەجیابیٛما، ئەجیابیٛشا لواناوە پەی کویٛسانی … پەی ویەردەی ئینشائی _ ئەرەنیای

ئەجیٛت بلی، نمەیۆ. ڕستێوە کەردەی ئەرەنیاش چەنەن( بلی کەردەی سەرینی ڕەستەکەین، ئەجیٛ کەردەی یاردیدەرەن.

بڕێ جاریٛچ  ماچمیٛ: ئەرەجیوم، ئەرەجیام، ئەرەجیاما، ئەرەجیوش، ئەرەجیاش، ئەرەجیاشا، ئەرەجیات ، ئەرەجییٛت، ئەرەجیاتا، چیٛگەنە وەڵگیٛرو “ئەرە” ی کەوتەن وەڵیٛش.

دماجار ماچو ” ئەجیای چەمیٛوەی سادەی نادیارەن، ئەرەجیای چەمەی ئەرەتاشیای نادیارەن. ئەجوٙ(ئەجیوٙ) کەردەی یاردیدەرەن مەلونە سەرو ڕستێوە هەکە کەردەی نەویەردە و ویەردە و ئەرەنیای و ناتەمامش چەنە بوٙنە.

 

د.ناجح گوڵپی   23/3/2018

 

 

 

 

 hewraman
  • خاڵبەنڎی

    بابەتیٛوی تیٛرو تەسەل سەرو خاڵبەندی،ئومیٛڎوارنا نویسەرە هەورامیەکیٛ بواناشۆ تا کەلکش چەن ه…
  • کەردەی یاردیدەر

    کەردەی یاردیدەر  helping verbs – auxiliary verbs ئاکەردەنە کە ڕستەنە چەنی کاریٛوی سەرینی و…
  • ھۆرامی-نۋیس Horami-nṽis

    ھۆرامی-نۋیس Horami-nṽis   یەکەمین ھۆرامی-نۋیس کە بە بېیەی و بەبۍ بېیەی پەیوەندی ئینتە…
Load More In زوان

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…