یانە پەیلوای با مەرۮەی دوکتر هەورامانی چڵاکنوٙمارە

با مەرۮەی دوکتر هەورامانی چڵاکنوٙمارە

109

با مەرۮەی دوکتر هەورامانی چڵاکنوٙمارە( 2).
گرۮما لاو خوۮایوە ئامێنمێ و هۆر مەگێڵمێوە پەی لاو وێش.
وەڵێو گرۮ چێویەنە با ئینەی بواچمێ ئێمە قەرار نەبیەن پەی ئی جۆرە کەسا کە ئانە ئایدۆلۆژیشان حەرەکەتێو بکەرمێ، ئینە تەنیا جوابوو ئا مەتڵەبیەنە کە جە وەڵاوگەو هەورامانینە بە قەڵەمو شەوقی شەیدای نیابیەنشارە.
هۆرامان گلێرگاو ئێنسانی مۆتەدەیێن و مۆتەمەدێن کە بە درێژایی تارێخی، نەک تارێخێو هەزار ساڵە بەڵکووم تارێخێو چن هەزار ساڵە ئێنسانێ گەورێ، ژیرێ و با ئاوەزێش گەورێ کەرۮێنێ. ئی ئێنسانێ تاوانشا خزمەتوو وێشان و مێللەتەکەیشان و دمایی کۆمەڵگای جەهانی بکەران. مەڵا خێۮروو رواری، مەڵا حەسەنوو دزڵیێ، مەحمووۮ خانوو دزڵیێ، سەلاتینوو هۆرامانی، شاە عۆسمان و شاە عەلائەدین و دوکتر مادێح، مامۆسا سەیدی و بێسارانی و فرەو فراوان کەڵە پیێ چی مەحاڵەنە گەورێ بیێنێ کە هەم تاوانشا خزمەت بە وێشان و دمایی کۆمەڵگای جەهانی بکەران جە ئایدۆلۆژیە جۆراوجۆرەکا، سیاسی، دینی و مەزهەبی و ئەدەبی و زوانی و پزێشکی.
ئایا ئی کەڵە پیێ جە تارێخوو هۆرامانی و جەهانی یاگێشا هەنە یام نا؟

وەلێ دوکتر حەمەۮەمین هۆرامانی کێن و ئایا جە تارێخەنە ماندێگارەن؟

دوکتر حەمەۮەمین هۆرامانی ئێنسانێو هۆرامی و خەڵکوو شارە دەگاو بیارێ بیەن، وەلێ دلێو ژیوایشەنە تەنیا چیوێ کە نە پێویان هۆرامی بیەی و ئێحساسوو هۆرامانی بیەین.
گرۮوو ئا کەسا کە سەرۆ ئاماژەما پەنە کەرۮێ ئننەو دوکتر هۆرامانی کتیبێشا نەبیێنێ، ئی پیا تاوانش 25 کتیبێ بنویسۆ و وەڵاوێشا بکەرۆوە، تاوانش یەک قەڕن خزمەتوو کورۮینە بۆ، خزمەتوو زوانوو کورۮی، زوانوو سلێمانی، سنەی و مۆکریان، پەوکی خەڵکوو کورسانی داخەش ئاما وەنە.

کتیبێ کورۮیێ : 25
کتیبێ هۆرامیێ: 0

” دوکتر گیان هەقوو وێتا جە بۆکان، سەقز و هەولێر فاتێحەخانیت پەی بنیا مەواچە زەحمەتا زەحمەت نیا با بنیا. رەنگا ئیسە چا قەبرەسانەنە زانابۆت یەک قەڕن ژیوایت دژمەنی جە وەرانوەروو ئا کەڵە پیایابێ کە سەرۆ ئاماژەما پەنە کەرۮێ. بە خوۮا هەڵای نەزانانت، یەک قەڕن جەنابت ئەبزار بیەنی، وەسیلە بیەنی کە کۆرۮی و ئایدۆلۆژی ناسیۆنالیزمی چەنە کەڵک گێرتەنی. ئەبزارێو بیەنی تێژ، تێژتەر جە کارۮێ و توەرداسی جە وەرانوەروو وێتۆ، هۆرامانیوە، خاکوو قەبرەسانەکەیتۆ. مشیایێ زووتەر مەرۮێنێ تا خەڵک خاستەر و زووتەر چڵاکیێرە تا زانێوشا کە کورۮ تۆشا گەرەک نەبیەنی، باوانەکەم ئەسڵەن هۆرامی و ئایدۆلۆژی هۆرامان گەراییشا گەرەک نیەن” داخی داخانم مشیایێ 2 کتیبێش نویستێنێ وەلێ بە زوانوو وێش، ئەۮێش و واڵەکێش بە زوانوو بیارێ و لهۆنێ زوانوو هۆرامی . نمەزانوو چەنی چڕیەنیشا دوکتر و پڕۆفسۆر هۆرامانی، کەسێو کە وێش نەبۆ، نەزانۆ کێن و کۆگەین…

خاتوو مەرزیە رەزازیە عەمروو خوۮایش کەرۮە گرۮوو کورسانی تازیەبار بێ، فاتێحە خانی، گرۮوو کاناڵە ئاسمانیەکا پەی مەرگیش بەسیجێ بێنێ و پووشش دێنێ و واچێنێ کورسان دیسان کۆسش کەوتەن. مەر نەۮیتا بە مەرگوو مامۆ سا سەباحی هۆرامی حیچ ئێنسانێو و حیچ کاناڵێو کورۮیە وێشان نەچڵاکنارە، مەر فەرقوو خاتوو مەرزیەی و مامۆسا سەباحی چێشەن پەی کورۮی. ئایا مەحمووۮ خانوو دزڵیێ جە وەرانوەروو ئێنگلیسیەکاوە جە شاروو سلێمانیەنە بە وێش و سپاشەوە نەگژیان، بەڵێ. بەڵام ئایا ئیسە دڵێو تارێخی سیاسی کورۮینە نامێش هەنە، قەتعەن کە نا و نا…
وەلێ دوکتر گیان کتیبێوت نویس، دوێ، یەرێ … ویروو زوانوو هۆرامی و ئەۮاییت نەکەرۮۆ ئیسەیچ مشیۆم ویروو ئانەی نەکەریوە چا قەبرەسانەنە چی هۆرامان جە وەرانوەروو فۆتیایتۆ حیچ هەڵمەتێو حەرەکەتێوش نەکەرۮ. نا نمەکەرۆ چی مشیۆم کەرۆ بە درێژایی ژیوایت گژیانی چەنیشا، کوشتێنێت، حەقت وارۮێنێ، حەقی زوانی، ئەدەبی و فەرهەنگی دماییچ گرۮیما مەبەراوە هۆرامان.
ئێمە جە هۆرامانوو ئێرانی فرە پەنە وەشحاڵێنمێ کە خەڵکوو هۆرامانوو ئەودیمی چڵاکیێنێرە و مزانا، چەنی پەی دوکتر حەمەۮەمینی زاناشا و لەمسشا کەرۮ کە کورۮ ئێنسانی هۆرامیش ئەسڵەن و ئەبەدەن گەرک نەبیەن و نیەن و فەقەت پەی بەرژەوەندی و شەخسی گەری وێش ئێنسانی هۆرامی لکنۆ وێشەرە، هەر چن خەتاو هۆرامیەکا وێشانەن و واز نمارا.
ئیسە ئایا دوکتر حەمەۮەمین جە تارێخەنە ماندێگارەن یام نا؟
ئاواتە وازێنمێ ئێنسانی هۆرامی راو دوکتر حەمەۮەمینی نەگێرۆنە وەر و وێش بۆ و بتاوۆ پەی وێش بژیوۆ.

ئێحسان ئەتابەک. 5/ کەڵەهەرزوو / 97 کۆچی رۆجیاری

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…