یانە زانای فیلمێوی تازە جە”یوفۆ”ی

فیلمێوی تازە جە”یوفۆ”ی

96

فیلمێوی تازە جە”یوفۆ”ی

ئی فیلمەکۆتا موبایلیە جە ڕاسەرو گوزەرگاو”مانش”ی(English Channel)و جە لاینو مەسیرو پەروازی دوبلین(پایتەختوئیرلەندی)-پاریسیەنە گێریان و ئا کەسە فیلمەکەش گێرتەن ئیدعا کەرۆ کە ئینە”یوفۆ”بیەن.
هەرپاجۆرە کە چی فیلمەنە دیارەن، دوکەڵێ سیاو ئیناشۆنی ئی یوفۆیە و کرژی جمایچش چەنی ئا هواپیماموسافێریە فره نزیکا و ڕێکو یۆینە پەرواز مکەرا و دماجار مەسیرو هەردوەی فاڕیو و جیای باوە و جە یۆ دورێ مگناوە.
فیلم هۆرگێرو ئی یوفۆیە کە حەز نمەکەرۆ نامێش بدا، پیایو ۲۹ ساڵەن و ماچۆ وەڵێو ئانەی دوربینو موبایلەکەیم ڕۆشن بکەرو پەی فیلم گێرتەی، ئا باڵەندە بە شێوەوبازنەیی جە ئاسمانەنە خولیای خولیێوە و دماجار جە جمای کەوت و ڕەنگا جمای ئی یوفۆیە هامزەمان بیەبۆ چەنی جماو هواپیماکەی و ئی بابەتە بیٛ ئەو نیا.
ئی پیا جوانە چانەی کە چی باڵەندە ئاسمانیەی فیلمش گێرتەن فرە وەشحاڵا و ئینەی بە چێوێو هۆرکەوت و نایاب مزانۆ و ماچۆ دیەی و فیلم گێرتەو یوفوی دلێو هواپیماینە پەی کەم کەسی دەس مد٘ۆنە.
ئاژانسێ دەوڵەتی و”گلێرگای میان نەتەوەیی گوزارشتو یوفۆی” بە تازەیی هەواڵش دان کە چی چن مانگە ویەردێنە ژمارو سەبت بیەی و وینای باڵەندێ ناشناسێ ئاسمانیێ کەم بیەن.
چنها ساڵێن بابەت و قسەکەردەی جەبارەو یوفۆی جە دلێ مەردمو جهانیەنە فرە بیەن و بە باوەڕو فرەکەسیچ باڵەندێ ناشناس و گیاندارانی ئاسمانی، بابەتێوی ڕاس و حەرەقەتینا و ئەوەجەش بە هەرمانیٛ زانشتیێن و موازۆ زانشتگا و فێرگای ئاسمان شناسی چینەی کە هەن فرەتەر پەیجۆرێ ئی مەوزوعیە با.

یوفۆUFO٫ باڵەندێ ناشناسی ئاسمانی

تەماشەو ڤیدۆکەی بکەریٛ با باڵندەو یوفۆی بویندیٛ:

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…