یانە گردین بابەتێوی تازە جەبارەو”نیاندرتالا”

بابەتێوی تازە جەبارەو”نیاندرتالا”

116

بابەتێوی تازە جەبارەو”نیاندرتالا”

دوکتر”پنی سپیکێنز″ و هامکارێش جە زانشتگاو”یورک”ی شۆنەو تاوتوکاری زانشتی یاوای پی باوەڕیە کە پارێزنای تەندروستی و ڕاوچار ئێستەیەو سەرو گرفتیٛ زایمانی دلێ نیاندرتاڵانە بیەن.
دوکتر سپیکێنز واتش:[“”‌”نیاندرتاڵیٛ جەژیوایشانە،دوچارو گرفت و ئەمانیٛ فرەی بیەنیٛ، تایبە جە لاو حەیوانیٛ گەورێ و وەحشییٛ. باوەڕی گردی جە نیاندرتالا،وێنێو فرە وەحشی و توڕە و سامناکش چەنە وەش کەردێنیٛ!! کە بیەن نونگەو دروس بیەی جۆرە تەرسێ بێ مانای تا جە کەردەویٛ تەریٛشا بێ ئاگای بیمێ، ئێمە سورێنمێ سەرو ئانەی کە ۱٫٦میلیون ساڵێ چیوەڵی، بیەی تەندروستی و وێ پارێزنای و ساقی و سڵامەتی جەلاو نیاندرتالا چیٛوێ سەلمیان و حاشا نمەکریۆ.””””]
شونیەرەدوکترسپیکێنز و هامکارەکێش سەرو ئیسکلێتێو(کەڵڵە سەر) ۳۰کەسێ کە دوچارو بڕێ ناوەشی و شپرزی ئەندامی بێ مەرگی بیەبێنێ، وردەکاری و هەرمانێ زانشتیشا کەرد کە سەلمیا نیاندرتالێ سیستمێ پارێزیای گیانی و ئیستراتیژی تایبە و جیاوازشا بیەن یانی ئەر نیاندرتالێ توشو پامەڕیای بیەبۆ، نیاندرتالای تەری ئاماینیٛ دەمشۆ و تیمار و دەرمانشا کەردەن و دەمو یوٙیوە بیەنێ و پێوەرە کامیانێ و هامکاری عالشا بیەن و هەرپاسە کومەک حاڵو یۆترینی و هامبەشیٛ بیەنیٛ پەی ژیوای دور جە دشواری و جەنگیای چەنی مەرگی.
وەروئانەی گرو و کۆمەڵو نیاندرتالا، کەم ئەژمار و کەم جەمعیەت بیەن، مەرگو هەرکام چینیشا زەرەر و خەسارێش ئاردەن وەرۆ پەی گردٚی. ئێژاو واتەیا نەبیەی”پاتوژن pathogen”ێ جە ژیوگەو نئێاندرتالا, یۆتەر جە تایبەمەندی کومەڵگەو ئازەمانەیە بیەن.
بۆنەو ئانەیوە تەشکو لەگەن و ئەنازەو سەرەو زاڕۆڵێ تازە بەدنیا ئامای نیاندرتاڵا شێوەو ئانزانو ئارۆی بیەن،پیجۆرە مایینێشا وەختو زاینە توشو بڕێ گرفت و دەرد و ئێشی بیەنێ، و جە ڕەوشتێ یاریدەری مامایی کەڵکشا گێرتەن هەرپسەو ڕۆزگارو ئارۆی.
بە واتەو دوکتر سپیکێنزی،ئاڐێ (نئاندرتال)هەر شێوەو ئێمە جۆرە ڕەفتارێ خاسێشا ئەنجام داینێ، دەس گرویی و کومەک بە یۆترینی جە وەختو سەختی و ناوەشیەنە و ڕۆڵەپەروەردەی و بەش کەردەی خوراک و نەچیری و هامدڵی و سۆز و وێبەخشای جە وەختو تەنگیەنە دلێو نیاندرتالا باو بیەن و بەجۆرێ و تایبە بەردەنشا ڕاوە.
ڕێزەکاری و پوختەو ئی بابەتیە جە ژورناڵو”Quaternary Science Reviews”چاپ و وەڵاو بیەن.

ئانزانی نیاندرتال,
Homo neanderthalensis

پاتوجین pathpgen هوکارو نەوەشی

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…