یانە گردین هەرسیٛ ونینیٛ

هەرسیٛ ونینیٛ

105

هەرسیٛ ونینیٛ

پیایو ٥۲ساڵە خەڵکو ئیتالیای توشو نەوەشیوە سەرەگێجەی بی. توش ئامای پی ناوەشیە(هەرسی ونینیٛ)جه جهانەنە کەم ڕوە مدٚۆ و ئەژمارو توشبیاش خەیلێ کەم و تایبەنێ. جە ڕاپورتێو ژوڕناڵو”The New England Journal of Medicine”
پیجۆرە ئامان: ئی پیا شۆنەو ئانەی ئیحساس کەروٙ چەمیٛشنە هەرسیٛ ونینیٛ مجیارە، یەکسەر ملوٙ پەی ناوەشخانەی.
ڕەنگا پەی فرەو کەسی ئی ویٛنە ناجوٙر و تەرسناک بوٙ و خەڵکی نیگەران بکەروٙ کە ئینە چەنی قوٙمیان.
شۆنەو ئانەیرە پزیشکیٛ جەبارەو ئی ونیٛ چا پیایە پەرس کەرا کە ئایا ئینە ئیٛش ودەردش هەن یا نە؟ ماچوٙ نا، و هیچ ئیٛشێوەش نیا و تەنیا چا ونیٛ و ئانەی کە جە”قنەو چەمی”مەیرە وار تەرسو !
وەختارێ چڕوچەمو ئی پیایە موعالجە و ئازمایش مکەرا، هیچ جوٙر بڕیەی و زەخمێش پوٙوە نەبیەن و وینایچش تەمام سروشتی و بیٛ گرفت بیەن.
مجیای ئی هەرسە” هەڵسە) سوریٛ ئننەشە نەخواینا و دماو ساعەتێو کوٙتاییش ئاما و وشکە بیە.
پزیشکی دەرمانکەرێ ئی جۆر ناوەشیە ماچا قوٙمیا و توش ئامای پی دەردێ خەیلێ کەم هۆرمگنۆ و بەشێ چا ناوەشیانە کە کەم کەسێ جهانەنە توشش مەیا.
ئی ناوەشیە؛Hemolacri”هیمولاکریا” نامێ نریان و نونگەش، لوای دلیٛ ونێن پەی هەرسگاو چەمی(قنەو چەمی).
گرفتێ پسەو عفونەت وتیومۆرو چەمی(یٛشرپەنجە)، و تاخایەتێ ئەوەگێڵای جەریانو ونیٛ جە یاگای تەریو چڕوچەمی ڕوەو “قنەوچەمی”بوٙ نونگەو توش ئامای پی ناوەشیە.
پەی نمونەی،ساڵەو 2003ێ،ژەنێو ئینگلیسیە شوٙنەو ئانەی بە فشارێو فرە دەس منیۆ سەرو لوتێش تا ونەو بڕناخێش مدرۆ، وێحەننا جە هەرسگایشەنە ونی فشقە کەرۆ و مجیۆ و مەی بەر.
تاوتوکاری زانشتی-پزیشکی سەرو ئی ناوەشیە دیاریش دان کەبیەی تیومۆری ناسەرەتانی(tumor,لکە) جە پێڵێ ئی پیائیتالیاییە بیەن نونگەو توش ئامای پی ناوەشیە و بەپاو ڕاپورتو کتێبخانەو نەتەوەیی پزیشکی ئامریکای، ڕوشد و زای ڕادەبەدەرو ڕەگێ ونی،کاریگەری فرەش هەن سەرو”هیمولاکریا”ی.
پزیشکێ پەی دەرمان و چارەسەرکەردەی ئی ناوەشیە جە جۆرێ ئاومجی چەمی(قطره چشم) کەڵکشا گێرت کە فشار ماروٙ سەرو پیٛڵیٛ ئاکەسە توش ئامایە و پیجۆرە ئا فشارە کە مەی سەرو پیٛڵا،بەزیۆ و جەریانو ونێ بەسیوٙ و قەتە بوٙ.
جەساڵەو پاری شۆنەو دەرمانو ئی پیایە،کەسێو تەری تائیسەتێ توشو ئی ناوەشیە نامان.

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…