یانە ئەدەب و هونەر فەتە دیپلوٙمش گیٛرتەن

فەتە دیپلوٙمش گیٛرتەن

79

مامۆژەن«عەینا»ومامۆ«عەبە» وەشیێ وەختا با ئاندٚەتەر. جەوەشیێنە پاشا ئەرە زەمین مەگنۆ. «فەتە»ی دیپلۆمەکەش گێرتەنوو و ئینە چندٚ ڕوێن چڕیەنشا پەی شاری و قەرارا ئیدارەنە مەرزناشەرە. بڕێویچ ماچا مەداڵەش مدٚا پەنا.

ماچا شای وێش دەسوورش دان کە مشۆم وەڵێ ئانەیە فەتە بۆ بە رەیس چەمش گنۆ پەنە. ڕەنگا کەرایچش خەلەبانووتەیارەی. یۆ دوێ نەفەرا فەتەشا جە شارەنە بە چەشمەکێوە دیەبێ. ماچۆ کۆتووشەرواڵی فارسیێچش پۆرە بیەن. تەنانەت وەختێو زاڕۆڵەکێ دەروێش ئەحمەدٚی شێرکەتەنە ئامێبێنێ، بە قسێ دیەبێشا بەڵام ماچۆ فارسی قسێ کەرێ. واتەبێشا ئانە فەتە چی فارسی چەنیما قسێ کەری.واتەبێش ئەی نەزانانتا ئێنسان وەختارێو ئاما شار مشیۆم فارسی قسێ کەرۆ، چەشمەکێ بنیۆ، لیباسێ فارسیێ کەرۆنە، جگەرە کێشۆ…تا هەم سووک نەدٚیاش پۆنەو هەم نەزانا کێن و چکۆوە ئامان.با نەواچاش پەنە دێهاتیەنی!ماچۆفەتەی واتەن باوڕ مەکەروو ئێتر بەوە پەی دەگێ. چوون چاگە ئێمکاناتش نیا. ڕەنگا ئەگەر بەوچۆ پەی ئانەیە مەوەو کە بزەکا تاتەیم ورەشوو دەوشا بە ماشین. ماشینم نیا بنیادٚم بێماشین مەتاوو بژیوو.

واتەنش کناچێوەم ئێستێنۆ ماچۆ تاتەم تیمساڵا، کارخانێما هەنێ.ماچۆ واتەنش ئەدٚێم یەرێ کیلوێ و نیم تڵاش هەن.کوڕە گەورەکەو دەروێش ئەحمەدٚی پەنە واتەبێ فەتە چی ئنە خەرەفیانی ئانە دروێ مدٚۆ بە خودٚا مەعلووم نیا ئادٚیچە یوە پێسە وێت نەبۆ. یام ئانە کەس مەبەرۆش، گەرەکشا ئەپێسە وێش بدۆ ملوو تۆرە. ماچۆ فەتە تووڕەبیەبێ وخەریک بیەبێ یوە بدۆ بەرەو دەمیش. واتەبێش دەفعێو تەروو بارێوتەر نەواچی فەتە. چێشا فەتە فەتەت گێرتەنەرە. ئاقەی قودرەتی!و
«
وەلی فەتاحی»
96/9/21

 hewraman
  • ئەلۆ بەختیار

    … ئەلۆ بەختیار؟ ئەلۆ! هەتیم بیە چند بەد ڕەسەنا، ئا ئؤجاخزادە، هەر وەختېۉ من هەرمانەم…
  • پلووره‌وارانێوه‌

    پلووره‌وارانێوه‌ / هاوژین جه‌میلی هه‌مامه‌و یه‌کی پله‌و9ی   دڵم تن تن ده‌ی دێ ونه‌، پێسه‌ …
  • شیٛخ شەهابەدینو کاکوٙزەکەریای

    شیٛخ شەهابەدینو کاکوٙزەکەریای شیٛخ شەهابەدین کوڕو شیٛخ ڕەزاو کاکوٙزەکەریای، ساڵەو “1…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

تاریخ باڵاو میللەتێ بڕیوٙ کە ئاوات و ئارەزووی گەورە سەرەشەنە بوٙ

تاریخ باڵاو میللەتێ بڕیوٙ کە ئاوات و ئارەزووی گەورە سەرەشەنە بوٙ، خەڵکێوە ئاوات و ئارەزووی…