یانە زانای جاڕنامەو کوروشی گەورەی کیٛ ئیٛستەو؟

جاڕنامەو کوروشی گەورەی کیٛ ئیٛستەو؟

257

جاڕنامەو کوروشی گەورەی کیٛ ئیٛستەو؟

جاڕنامەو کوروشی[1] جە جهانەنە بە مەنشورو مافو ئانزانی مژناساش وسەنەدێوا جە هەمژیوایی ئاشتی وازانە و یادبودێوا جە گەورەگێرتەی باوەڕ و ئاوەز و ئەندیشەو مەردمو جهانی بە گردٚ جۆر زوان،ئایین،کەردەوە و ویر و دین و…
ساڵەو ۱۹۷۱ی عیسایی سازمانو نەتەوە یۆگێرتەکا پەی یوەم جاری ئی جاڕنامەشە هۆرگێڵناوە بە شش زوانێ زینڎیٛ و فەرمییٛ جهانی.
یۆ جە باستان شناسی بریتانیایی بنەڕت ئاسوری بەنامێ”هُرمز رسام” کە چەنیو تیمێ باستان شناسیٛ ئینگلیسی ساڵەو ۱۲٥۸ی ڕوٙجیاری ۱۸۷۹٫عیسایی جە سایتەو باستانی “بابل”و میزوپوتامیاو وەڵاتو عێراقینە خەریکو تاوتوکاری و هوٙرکڵاشتەی خاکو ئی یاگێ بێنیٛ، چەمش مگنۆ تەمبوشێ (ئستوانە)هەڕینیٛ کە نویستێو بە خەتی بزماری پۆشۆ نویسان کە دماتەرۆ بە مەنشوری هەخامەنشی ئێرانی بەرشی کە یوەمین و قەدٚیمیتەرین جاڕنامەو مافو ئانزانیەن کە تا ئیسەتیٛ جە جهانەنە ئێزیانۆ.
ئی مەنشورە شۆنەو پەیمان نامێ دوەلایەنە میانو دوێ وەڵاتیٛ ئێران و بریتانیای،ڕۆدیارو ۱۹ئاوەوەرەو ۱۳۸۹ ی ڕۆجیاری بە ئەمانەت ئاردشا پەی ئێرانی و دریا بە موزەو ئێرانی باستانی و بە ماوەو چوار مانگا کەوت وەرو چەمو دوستدارێ تاریخ و فەرهەنگو ئێرانی باستانی و شۆنەو ماوەی دیاری کریاینە،دیسان کیاستشاوە پەی وەڵاتو بریتانیای،دماتەرۆ مودێلێ جەڵەبی چی مەنشوریەجە سازمانو نەتەوە یۆگێرتەکا جە شارو نیویۆرکینە وەششا کەرد و ئیسەتێ پسەو یادگارێ نەخت و بەئەرزشی چەنەش نیگاداری کریۆ.

[1] هرمز رسام کێن؟
هرمز جە ساڵەو ۱۸۲٦ی جە شارو موسڵی جە سەرنیشتو وەڵاتو عێراقی و زەمانو ئیمپراتوری عوسمانی جە ئەدٚای بیەن.
جە سنعەو ۲۰ساڵەیی(۱۸٤٦)دلبەستەو تاریخ و ویەردەشناسی بی و بوٙنەو ڕەچەڵەک و ئساڵەتی ئاشوریش، جە لاو”ئاستێن هانری لایاردی “(جهانگێڵ،باستان شناس و دیپلوماتی ئینگلیسی)پەی هەرمانێو باستان شناسی و هوٙرکڵاشتەی یاگە ژیوای ئاشوریا و پسەو مسیارێ پاڵشەنە مەرزیارە و دەس بەکار بی.
ئی دوە(ئاستن و هرمز)فرەو یاگا و وەڵاتاو جهانی گێڵای و بۆنەو زەحمەت و ئەرکی فراوان و ڕاوبەردەی و سپاردەی هەرمانیٛ،جە لاو مەلەکێو بریتانیای قەدٚرزانیش چەنە کریا و بی بە مامورو سیاسی ئی وەڵاتیە.
جە”برایتون”و ئینگلیسی نیشتەجا بی و تا کوٙتایی ژیوایش یانی ساڵەو ۱۸۸۲ چی شارەنە خەریکو نویستەی کتیٛب و ژیوانامەو و سەرگوزەشتەو چنها ساڵەی وێش بی سەرئەنجام جە ۱٦سپتامبرو ۱۹۱۰عیسایی ئەمرەو خوایش کەرد و  جەگۆڕستانو “هوو”ئینگلیسی ئەسپەردەو خاکی کریا.
هۆرموٙز رسام کەسێ بێ کە پەی یوەم جاری مەنشورو مافو ئانزانو کوروشی گەورەی و هەرپاسە نویستە هەڕینێ
“حەماسەوگیلگەمش”یش(قەدٚیمیتەرین میراسو حماسی جهانی)ئێستێوە. نامبریا جە ساڵەو ۱۸۷۹ی عیسایی شۆنەو کنوکۆ جە نماگاو مێردوکی(خواو گەورەوبابلیا)جە میان ڕوان (میزوپوتامیا)،ئستوانەو کوروشی گەورەیش ئێستەو کە دماتەرۆ پێشکەشو موزەخانەو بریتانیایش کەرد.
تاوتوکاری باستان شناسی هرمز رسامی پینەی کۆتاییش ناما و دماتەرۆ جە ساڵەو ۱۸۸۱ی عیسایی”نماگاو ڕۆجیاری” و ٥۰.۰۰۰نویستە هەڕینێش جە شارو تاریخی”سیپار”ی جەنزیکیو ڕۆخانەو فوراتی ئێستەو.

هرمز ڕسام
 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…