یانە هەواڵیٛ هیندستان گەورەتەرین پەیکەر سازنوٙ پەی “فالابهای باتیٛل” ی

هیندستان گەورەتەرین پەیکەر سازنوٙ پەی “فالابهای باتیٛل” ی

50

هیندستان گەورەتەرین پەیکەر سازنوٙ پەی “فالابهای باتیٛل” ی

ئاروٙ چوارشەمە 31/10/18 وەڵاتو هندستانی پەرەدش لادا سەرو گەورەتەرین پەیکەری کە پەی یوٙ جەسەرکەردەکانو ویٛسەری هیندی سازیابیٛ، ئی پەیکەرە 400 ملیون دولاریٛش شیەنەنە، دریٛزیش ئننەو پەیکەرو ئازادی بونە جە نیویورک وەڵاتو ئەمریکای.

ئی پەیکەرە نامیٛش (پەیکەرو یوگیٛرتەی)ن، دریٛژیش 182 متریٛن، وەشکریان جە پوٙڵای و برۆنزی، ئینا ولایەتو غوجاراتی نیشتگاو سەروەزیرانو ئیسەو هیندستانی “ناریندرا مودی”.

ئی پەیکەرە بە هەوڵو تەقەلاو نەتەوە پەرسەکاو هیندوسی و ئەنداماو حزبەکەیش پەی حورمەت گیٛرتەی و زینڎە ئاستەی یادو سەرکردە گمنامەکاشا ئی گراڵەشا بەرد ڕاو بە نامیٛ حورمەت نیای ئەو سەرکردە گم نامەکان.

مودی فەرمانش دا بە دروسکەردەی ئی پەیکەریە پەی باتیٛلی، سەردەمیٛ کە سەروەزیرو ولایەتو غوجاراتی بیٛ، بە نونگەو واتە واتیٛوی کە هیندستانەنە کەوتەبیٛرە پەی ئانەی حورمەت نەگیرا ئەو سەرکردەکاو شوڕشو ڕزگاری هیندستانی و گم کەردەی بەشداری و قوربانی ئی سەرکردا جە ویەرین و هیندستانینە.

باتیل هیندستاننە ئەشناسیان بە پیای ئاسنین، کوٙمەکو هامکاری یوٙگیٛرتەی ولایەتەکانو هیندستانیش کەردەن کە 562 ولایەتیٛنیٛ، یوەم وەزیری داخلی بیەن دماو ویٛسەری هیندستانی ساڵەو 1947 چیٛرچنگو بەریتانیانە.

زەڕو ئەرەنیای ئی پەیکەریە کە ئینا کەراخو ڕوٙخانەو نارماداینە، جەلاو حکومەتی فیدراڵی هیندستانیوە و شرکەتە ئەهلەیەکیٛ و دەزگاییٛ تەرێوە دریان، ماوەو 33 مانگیٛش پەنە شیەن تا ئی پەیکەرە دروس کریان لاو کوٙمپانیاو  لارسن توبرو پەی ئەرەمەرزیای ئەندازەیی.

پەیکەرەکە پاسە مڎوٙ چەم کە سیپاڵیٛ هیندیش پوٙرەنیٛ،  250 ئەندازەگیریٛ و 3400 هەرمانبەریٛ هەرمانەشا چەنە کەردەن،  سەروەزیرو هیندی ئی پەیکەرشە کەرد بە سەوقاتی  پەی گەلو هیندستانی جە یاڎو  142 ساڵەو پەیڎابیەی “باتیٛل” ینە.

سەروەزیر ئاروٙ دوا پەی خەڵکی و ئاشکراش کەرد کە پەی دروسکەردەی ئی پەیکەریە، هەزاران هیتیاریٛ و کاڵیاریٛ جە کیسەو ویٛشا و زەمینیشا بەخشانشا، تا تەڵانێوە گەوریٛ دەورو پەیکەرەکەینە وەشە بوٙنە.

د.ناجح گوڵپی 31/10/18

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…