یانە گردین ئێستەیەو بەچکە ئوختاپوسێ گولانەی دلیٛ زویٛڵو میان ئاوەو هاوایی

ئێستەیەو بەچکە ئوختاپوسێ گولانەی دلیٛ زویٛڵو میان ئاوەو هاوایی

134

ئێستەیەو بەچکە ئوختاپوسێ گولانەی دلیٛ زویٛڵو میان ئاوەو هاوایی

زانشمەندێ ژیوار ئەشناسای دەریایی جە مانگەو ئاگوستی ویەردیٛنە، شۆنەو وردەکاری سەرو متکێ مەرجانییٛ و دلێو کۆگاو زوێڵینە، جە پارکی نەتەوەیی “کالوکو-هوناکوهائوو(Kaloko Honokohau)جە میان ئاوەو”بیگ ئایلەند”و هاوایی، بەچکە ئوختاپوسێ (هەشت پای)میچکلانەشا ئێستەو. ئی گیاندارە وردیە،جە جۆرو”ڕۆگێڵ”یام”شەوگێڵ”یا.
زانشمەندێ تاوتوکار جە زەمینەو ئیکولوژیستی دەریایی بەنامێ”سالی بیورز″جە وات و واچێوەنە چەنی هەواڵ کیانو ئەسوشیتدپرێسی واتش:
ئی ئوختاپوسە جە جوٙرو ئوختاپوسی ڕۆگێڵ(Octopus cyanea)یام شەو گێڵیەن(Callistoctopusornatus)
کە جە میان ئاوەو هاوایی ئامریکاینە مژیووٙ و هەر دوە جۆرو ئی گیانداریە تا ڕادێو متاوا گەوریٛ با، پیجوٙرە کە سەنگینی ئوختاپوسی شەوگێڵی وەختو نێرمایی چن کیلوگرەمێ زیادٚتەر بۆنە و درێژیچش میاووٙ ۲یٛ میتریٛ.
ئی ئوختاپوسە هەرچنڎ فرە گولانە مگنوٙ چەمۆ(بە ئەنازەو نوەی فەرەنگی) بەڵام ڕاوکەرێ هازدارو کرژا و تواناو ڕاوە و گێرتەی قارژنگێش هەن.
وێنەو ئی ئوختاپوسە گولانەی جە فەیسبوکەنە دەنگی فرەش داوە و تاخایەتێ جە توییتو وزارەتو وەڵاتو ئامریکاینە ئامان و باسشا کەردەن.
شونیەرە،ئی ئوختاپوسە گولانە هەر جە “کالوکو-هوناکوهائو”ی بەرەڵاشا کەرد و وسشانە دلێ ئاوێ.
هەرچن ئێستەیەو و وینای ئی ئوختاپوسە مەکینەیە پەی فرە کەسی گیرا و دیدەنیەن بەڵام بیەی زوێڵێ جە دەریا و پاناوێ جهانی جۆرە تەرس و نیگرانیو ماروٙ وەرۆ و ئینە یانی ئانزان بەدەسی ویٛش خەریکو جەبەین بەردەو بەروبومی بێ وێنە و قەشەنگو وێشا و مشیۆم چینەی کە هەن زیادٚتەر ئاگاش جە سروشتی دەریایی بۆ و جە وەراورو شێویای و شپرزبیەی ئیکوسیستمی بێ خەم نەبوٙ و پەی پاریٛزنایش هەوڵ و کۆششی فرەتەر بکەروٙ.

وەڵاوگەو هەورامانی

بەچکە ئوختاپوسێ خەریکو واردەی بەچکە قارژنگێن
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…