یانە پەیلوای کوڕ و تاتە

کوڕ و تاتە

67

کوڕ و تاتە

تاتە زەڕم گەرەکا

تاتە جلیٛم گەرکیٛنیٛ

تاتە کتیٛبم گەرەکا

تاتە ماتوڕەم گەرەکەنە

تاتە ماشینم گەرەکا

تاتە ملو سەفر زەڕم دە پەنە

تاتە زەڕم دەپەنە پەی مانگانەو”ساڵانە” زانگای

تاتە… تاتە… تاتە… تاتە…

وەلیٛ پەی یەکجاری نەواتم هە ئیٛنڎە ئینای وەرەچەمامەووەسیٛن، تاتە بیەو توٙ پەی من گردو دنیاین

هەمیشە پەی ئا چیٛواهەکە نەبیٛنیٛم داواکەریٛنیٛ یام ئا چیٛواهەکە دڵم پۆشاوە بیٛ قسیٛ کەریٛنیٛ چەنی تاتەیم.

وەلیٛ هیچ وەختیٛ نەپەرسام تاتەیم هەکە توٙ چیٛشت جە من گەرەکا؟

زاڕوٙڵە بیٛنیٛ وەنەم پەرسیٛنیٛ، تاتەت فرەتە وەشت مسیوٙ یام ئەڎات؟ واچیٛنیٛ هەردویشا،وەلیٛ وازناریٛنیٛ و واچیٛنیٛ نمەبوٙ یوٙشا زیاتەر وەشت مسیو، منیچ بە شەرمۆ چیٛرو لچاوە واچیٛنیٛ “ئەڎام”.

تاتەی داماگ بزێوە تاڵ میٛو سەرو لچاش، ڕەنگا خەجاڵەتی کیٛشوٙ وەردەمو گردینە !!!!

ئیسا یاومیٛنە هەکە تاتە چن زەحمەت کیٛشوٙنە و مانیوٙ تا ژەن و زاڕوٙڵەکەش بە وەشی ژیوا.

**************************

کوڕێوە تاتەش بەردش چاشتخانێوە پەی نانواردەو ویٛرەگای، تاتەش فرە پیرو کەلەلا بیٛ، نەتاویٛ واردەکەی بە دروسی وەرو، مجیٛش ویٛشەرە و جلەکاش پیسیٛ کەریٛ، گردو نانوەرەکاو دلیٛ چاشتخانەکەی بە چەمیٛوی سوک دییٛنیٛ پەی پیا پیرەکەی، وەلێ کوڕەکەش فرە بیٛدەنگ بیٛو جیاتی واردە مجیاکەی هەمدیسان واردە کەرێوە دەمو تاتەیشەو.

دماو ئانەی نانواردەکەیشا تەمامیا، کوڕە تاتەش بەرد دەسشوری و دەسو پلش پەی شوٙرت و جلەکیٛش پەی پاک کەردەو، قژێش شانە کەردو،چەمیلەکیٛش پاک کەردەو لوێ بەرۆ.

گردو ئەرەنیشتەکاو دلیٛ چاشتخانەکەی پەی ئی دووەکەسا دیێنیٛ، بە چەمێوە سوک واقیٛ بیێبێنیٛ پۆرەشا، کوڕەکە پوڵو چاشتەکیٛش دا و چەنی تاتەیش لوا جبەر.

چا وەختەنە پیرە پیێوە تەر دلیٛ جەمو چاشتخانەکەینە بەرزەپا راس بیەو قیٛڕناش: واتش کوڕەکە! تو بزانی هیچت جیا ناستەن چیٛگە؟ کوڕە جوابش داوە خەیرا جەناب… باوڕ نمەکەرو هیچم جیا ئاستەبوٙ !!

پیرە پیا واتش … خەیر کوڕم، ئیشتبا کەری، چیٛوێت جیا ئاستەن !!

کوڕە بە سەرسامی پەرساش چ چیٛوێم جیا ئاستەن !

پیرە پیا واتش: توٙ دەرسێت پەی گردو کوڕا و تەمامو تاتەکا جیا ئاست !!

خاموٙشی و بیٛدەنگی تەمام چاشتخانەکەش پۆژنا !!!

 

هوٙرگیٛڵنای: د.ناجح گوڵپی 22/11/17

 

 hewraman
  • چەمە زەخم

    چەمە زەخم چەمەزەخم عادەتیٛوە قەدیمین دلیٛ میلەتو هەورامانی و کوردەوارینە  بیەن و هەن، دیار…
  • دیاری (جەژنەو ھەناری)

    دیاری (جەژنەو ھەناری) ئاکۊ_مارانی ٢٥و نۆڤەمبەرو ٢٠١٨ ڕەنگا پەی ئی سەردەمەیە (جەژنەو ڕۊگنار…
  • هەورامان کوٙگەن؟

    هەورامان کوٙگەن؟ هەورامان: یاگیٛ بەر شیەی شەکەتی شەکەتا و مانیایی مانیاکان. هەورامان:سەردۆ…
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…