یانە هەواڵیٛ چوارەمین ئەرمانگاو هەناری و بەرهەمە کیاریەکا هەڵەبجەنە لواڕاوە

چوارەمین ئەرمانگاو هەناری و بەرهەمە کیاریەکا هەڵەبجەنە لواڕاوە

70

ئارۆ پەنج شەممە 25/10/2018 چوارەمین ئەرمانگاو هەناری و بەرهەمە کیاریەکا شارو هەڵەبجەینە لوا ڕاوە. چوارساڵیٛن سەرو یوٙی ئی ئەرمانگا کریوٙوە، توٙڕەو ڕیٛکوزیا مەدەنیەکاو شارو هەڵەبجەی هورئیٛستەن بە ڕیٛکوستەی ئی نمایشیە، چی ئەرمانگانە هیتیارەکیٛ و باخەوانەکیٛ و ئاژەڵدارەکیٛ سنورو هەورامانی و هەڵەبجەی و شارەزووری بەشداری مکەرانە، بە نیشاندای بەرهەمەکاشا، و ئیستەیۆ بازاری پەیشاو ورەتەیشا، بەرهەمە نیشاندریاکیٛ جە هەناری، هەنگوریٛ، هەنگوین، کەشکی و سیراجی و ڕوەنی ویٛمانەو کەریٛ، وامی و هەنجیری وشکی و وەزی وێمانیٛ و تفی وشکیٛ هەورامانی و ڕوٙگنار و دوٙشاوو تفا. تاخایتیٛ واردەمەنی جوراو جۆر سازکریان پەی ڕایی کەردەی میٛمانەکا، هەرپاسە نمانای دەسکارو دەسینەی ڕەنگینی ژەنانە بە شیٛوەی جوراوجوٙر یاگیٛوە تایوەتەش گیٛرتیٛبیٛرە، هەرپاسە نمایشو چنڎەها بەرهەمی سەیرو سەمەرەی تازەی کە پەی یوەم جاری بیٛ نمایش کریابیٛ پیٛسەو پەلوەرو کوڵەفڕەی و هیٛڵیٛ ئی پەلەوەری و چەنیەتی وەی کەردەیش، چەنی نمایشو وشترمەلی و زەڕاتەی ڕەنگاوڕەنگە، شونەوئانەیچرە ئەرمانای پیٛوەنو جوٙرەچایێوە تایبەی پۆ بامیەوە(چای سوور) چەنی چنڎەها هەنگوریٛ ڕەنگامیٛ .

ئی نمایشە پەی ماوەو دوویٛ ڕوا سەرەمڕەن، پەنجشەمە و جومعە. ئیسایچ جە وەڵاوگەو هەورامایوە بە وێنە ملمیٛ دلیٛ ئەرمانگاکەی.

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…