یانە هەواڵیٛ یاڎێ خنجیلانەو هونەرمەنڎ حەمەقوتووی

یاڎێ خنجیلانەو هونەرمەنڎ حەمەقوتووی

123

یاڎێ خنجیلانەو هونەرمەنڎ حەمەقوتووی

ئارۆ شارو هەڵەبجەی میٛمانداری یاڎێ خنجیلانەیش کەرد پەی بەرزگیٛرتەی هونەرمەنڎی ڕەحمەتی حمەقوتووی. ڕاوەبەری لاوانو هەڵەبجەی بە هەمکاری کۆمەڵگەیی پەروەردەیی مارگرێتیٛ، یادوٙ هونەرمەندی گورانی واچی محەمەد ئیبراهیم عەبدولیش کەردۆ جە گەورە داڵانەو ڕاوەبەری لاوانو هەڵەبجەی.

ئارۆ دمانیمەڕۆ یەرەشەممەی 22/8/2018 دەمژمارو یەرێ، یاڎەکە دەسش پەنەکەرد، با ئامادەبیەی جەمێوی فرەی جە هەڵەبجەیەکاو هونەر دوٙسا.

حمەقوتوو ساڵەو 1939 جە هەڵەبجە پەیڎا بیەن، ویٛش بە بنەڕەت هەڵەبجەیی زانان و جە سیٛزە یانەکەو هەڵەبجەین، فرە خەڵکی دورۆ ئەجیانشا حمەقوتو هەورامین، بە حوکمو گورانی واتەیش بەهەورامی هەرپاسە سیپاڵیٛ هەورامی پۆشانیٛ، فەرەنجی مشکی دەمو گورانی واتەینە.

حمەقوتو هەر دەمو هەرزەکاریشنە خەریکو گوٙرانی واتەی بیەن، تا ساڵەو 1954 عسایی لوان ڕادویٛ بەغدا دەنگو ویٛش تاقی کەردەنۆ و بەرشیەن، ئتر جە ئیزگەو بەغداینە نزیکەو شش گورانیا توٙمار مکەروٙ.

ساڵەکاو حەفتای چەنی تیپو موسیقاو سلیٛمانی و ئەنوەرقەردەخی چنڎ گورانیێوە هەورامیش بە مۆزیکۆ پەی تومار کەرۆ، ئتر دماو ئینەی حمەقوتو نامی بی دلیٛ خەڵکینە، دماتەر چەنی تیپو موزیکو مەولەوی سلیٛمانی گورانییٛ ماچوٙ، دماتەریچ ساڵەو1983 تیپو موزیقاو شنرویٛ هەڵەبجەی دوویٛ گورانیش پەی تومار کەرا.

هونەرمەنڎی کوچ کەردە فرەو گورانیەکاش هەورامییٛ بینیٛ و هەمدیسان واتینیٛشۆ وەلیٛم بە موزیکۆ، تاومیٛ واچمیٛ پەی هەوەڵجاری حمەقوتو دەقش ماڕاو گورانییٛ هەورامیش چەنی موزیکی واتیٛوە، تا خایەتیٛ تامو لەزەتی هەورامیشا پۆ بەرگنیٛ، هەرپاسە گورانییٛ کوردیچش واتیٛنیٛ.

حمەقوتو ساڵەو 1992 جە شارو سلیٛمانینە عەمرە خوای کەرۆ و پەی هەتا هەتای هونەرو گورانی واتەی جیامازوٙ و یانە ئاوایی جە دنیای کەروٙ .

د.ناجح گوڵپی 22/10/2018

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…