یانە زانای پیکوڵی:  tribulus terrestris

پیکوڵی:  tribulus terrestris

233

پیکوڵی:  tribulus terrestris

پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیاینەھەن، کوردەسان و ھەورامانیچەنە ھەن، وەھارێنە چەنی گردو گیواوەکا سەوز بۆنە،چەنی گیوای پڕۆ و وشکبۆ، جۆرێش ھەن ھامنێنە دلیٛ کیاریٛنە سەوز بۆ، تەرزی پێکۆ و درێژ کێشیۆ سەرو زەمینیرە، دلیٛ بامەیەو بایجان و تەماکۆینە، یاگیٛ بیٛ ئاویچەنە سەوز بۆنە، یانی وەرگەو کەم ئاوی و گەرمای گیٛروٙ.

پیکوڵی ولێ گولانی زەردە بەر مڎوٙ دمای بوٙ بە دڕەی، دڕەیەو پیکوڵی ئینڎەو لتە نوەیێ یام زلتەرەنە و چنڎ نوکە دڕیوەش پۆ مزیاوە، فرە وەختی ملۆ قاچ و بنیاڎمیرە، پاڵا وڵە کەروٙ، خوٙ ئەگەر بە پاخروابلوٙش پوٙرە ،ئێشش فرە فرەن.

پیکوڵی بە فارسی پەنەش ماچا “خارخسک” گەڵاو  دڕەیەکاش بە سەوزی گرینی و ئاوەکیش بوەریوە پەی تاونایەو و فڕەدای تەوەنەو وڵکی فرە خاسا، دەرمانیوەش چەنە وەشکریان جەئیران پەنەش ماچا ” شنگوڵ “.

شۆنەو ئانەیچەرە بە سەرچەمێوە گرنگ نریوٙرە پەی قەوەت کەردەی سێکسو پیای و زیاد کەردەی  ھۆرمۆنو تیستۆستیرۆنی”testosterone hormone  “، چنڎ جوٙرە ” تابلێت ” “قرص،حب ” ێش چەنە وەش کریان، پەی بەکار ئاوردەی و بەهاز کەردەی پیاوەتی.

هەرپاسە ئەگەر ئاژەڵ فرە بوەروٙش توشو هەستیاری و خارشتیش کەروٙ.

د.ناجح گوڵپی 

هەورامان 11/7/2017 

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…