یانە هەورامانی بشناسدیٛ دەگاو هەباساوای

دەگاو هەباساوای

393

دەگاو هەباساوای

زانیار هەباساوایی

دەگاو هەباساوای بەشیٛو جە هەورامانو تەختینە، سەرنیشتوو هەباساوای کڤیٛ کوٙساڵانینیٛ و دەگاگا، پانیشتش ڕوخانەو سیروانین ودەگاو نویٛنی، وەرهوٙرزش دەگا ڕوارینە و وەرنیشتش دەگاو وەرگەویەڕیٛنە، کسم وکاروو هەباساوایا بوٙنەو کەشی مشەمەریوە و هەوای وەشیوە فرەتەر حەیواندارین،ژەنیش فرەتەر کڵاش چنا و لەتەرە ڕیٛسا، هیت کەرڐەی و کاڵای گەنمیٛ و یەوا و نوەیا هیشتای فرە نەبوٙ کەم چاگەنە مەنەن، باخیٛوی فرە جە هەنار و هەنجیرو هەنگوور وتفاش هەن کە هینوو تەکیەین، هەباساوا بە قسیٛ قەدیمیا دەگیٛوە گەوریٛو گاورا بییٛنە بنکەڵیشو ڕوٙخانەو سیروانینە و دەوراوەندەوروو دەگاکیٛشا دیوار کیٛشتەن و دەروازیٛش بییٛنیٛ واتەنشا پەنەش عمارەت کە مسڵمانیٛ ئامەینیٛشا پەی و فریٛشا بە مشار سەرەشا بڕییٛنیٛ و بڕیٛویچشا بەرشییٛنیٛ پەی ژاوەروٙی، یاگیٛتەر شوٙنەو ئا یاگیٛرە ئاوڎان بوٙوە بە دەسوو هەباس قوڵی سانی کە ئیسەیچە شوٙنەما مزگی و یانەکاش و زیارەتاش و جوەو ئاویٛوی دریٛژی لوەینە پەی باخە هەنارەکاش حەر مەنیٛنە، نامیٛ دەگاکیٛچ حەر جە هەباسیوە گیریەینە. دەگاو یەروٙمی کە دەوروو 200ساڵان هەنە بە دەسو پیەیوی نامی بە نامیٛ شیٛخ احمدی دیٛوانەی وەشە کریوٙ کە چەنی بڕیٛو شوانەو ڕەنجبەرو قەوم و کەسیش ملوٙرە ئاگە کە ماچا شیٛخ حسامەدینی پەنە بەخشان و حەر پی بوٙنەوە نامیٛ تەرەو هەباساوای بەخشان.  هامنیٛنە بڕیٛو یانیٛ هەباساوای کوٙچ کەرا  هەوارو سپوٙنەی یا هەواروو ڕاسەبانیٛ جە کوٙساڵان، زیاتەر جە سەڎ یانا هەباساواییٛ ئینەی شارەکارە پیٛسە مریوانی و پاوەی و تەنیا ویس یانیٛ مەنیٛنیٛوە دەگانە، یاگیٛ گیٛڵای و سەیرانیش فرەتەر ئینیٛنیٛ هانەڕیٛزڵە، هانەو قەرەوڵەی کە پەڵگیٛوی گەورەی پەنجا گەزیش چەنەن ماچاش چنار جوٙهەر، سپوٙنە و.

نامیٛ چننە کەشاش ئینیٛنە : قەڵاو گەورییٛ، کاوە، تەلارە، پالمکیٛش، میللالوٙ، زەرڎوو سمەرا، عەوداڵان، جاڎەبان، وەزەنە کەوڵیٛ، تەڕەزەن، سەرئاوەڕە و…

هەباساوا=هەباسئاوا= عەباسئاوا

 hewraman
Load More In هەورامانی بشناسدیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…