یانە گردین ئانجل؛بەرزتەرین وەزەنەو جهانی

ئانجل؛بەرزتەرین وەزەنەو جهانی

299

ئانجل؛بەرزتەرین وەزەنەو جهانی

ئانجل بەرزتەرین و کەم وێنەتەرین وەزەنەو جهانینە کە ئینا کۆساڵانو وەرهۆرزو پانیشتو وەڵاتو ونزویلای جەئامریکای پانیشتەنە.
ئی قەڵوەزە جە بەرزایی مای ۹۷۹میتری(۳۲۱۲فوت۲۲٫بەرابەرێو وەزەنەو نیاگارای)مجیونە دلێ دۆڵێ کە دەورادەورش پۆژیانەرە بە جەنگەڵی فراوان و پەڕدار و درەخت، دماجار ڕوەو پاناوو”ئەتلەسی”مکێشیۆ و مجیۆنە دلیٛش.
ئی تافیٛ بەشێ جە پارکی نەتەوەیی”کانایما”و ساتراپو بولیوارو ڤنزویلاین.
وەزەنە،بەشێ چا ڕۆخانەیەنە کە شۆنەو ویار جە ڕاگای هەموارەنە،و نزیک بیەی بە یاگێ نزم و وارتەریش،جە تاش و بەرزایەنە وەزورە و ڕوەو واری مجیۆ و بۆنەو قۆرسی و هازەی فرە سەنگینو ئاوێ جە پایینشەنە،چاڵی گەورەگەورێ وەشێ مکەرۆ.
وەزەنەو ئانجلی بەرزتەرین وەزەنەو جهانیەن. وەرو ئانەی وەختو وێشەنە دوردەسەیاو و نادیارە بیێنە،هەتا ساڵەو ۱۹۳۰عیسایی،کەسی نەڎیێبیٛ وناشناس و گمنام مەنێبێ و جگە خەڵکو بومی و ئەسڵی دەوروبەریش،کەسێو ئاگاش جە بیەی ئی تافێ نەبیەن تا ئینە کە چی ساڵێنە(۱۹۳۰) باڵەپڕوانێ ئامریکایی بەنامێ”جیمی ئانجل”ی(James Angel)کە پەیجۆرو ئێستەیەو زەڕ و تەڵای بێ،هۆرکەوت چەمش مگنۆ پی وەزەنێ.
ئانجل جە وینای ئی تافە بەرز و بوڵەند و زەریفێ خافلگیر بۆ و پەشۆکیۆ و پەنەش وەشا جارێو تەر بلۆوە پەی وینای و ئەشناسای خاستەریش و جا دماتەرۆ چەنی هامسەر و ڕازانێ کۆساڵانی ملۆوە پەی تماشاو ئی تافێ و هواپیماکەش وەزۆرە دلێ زەلئاوێ و پیجۆره جە پیمای زیاتەرو ڕاگێشا گنا و نماتاوا دیسان هواپیماکەی ڕاس بکەراوە و بلا بەرزایی تافەکێ.
ئانجل و هامڕاکێش دوێ حەفتێشا پەنە مشۆ و دماتەرۆ بە پای و پیادە و بێ هواپیما مگێڵاوە پەی پایگاکێشا.
ئەشناسایی تەمیز و کامڵو ئی تافێ ۱٤ ساڵێش خواینا،شۆنەو چواردە ساڵێ دەسێوە بە نیازو وینای و تاوتوکاری فرەتەرو بەروبومو ئی تافێ بە قایەقێ ماتوری ملا پەی ئاگەی و ڕوەو ڕاسەرو ڕۆخانەکەی هۆروەزا و هەرپاسە که جیمی ئانجلی واتەبێ،چەمشا مگنۆ ئەو بەرزتەرین تافەو جهانی و وینای ئی بەرزاییە و هاژەو ئاوێ فراوان و بەشکۆ کە ڕوەو واری مجیۆ،پەیشا زەریف و سەرسام ئاوەر بێ.
ئاوەو تافەو ئانجلی جە مانگێو پەڕوەشت و وار و وارانی،میاوۆ ئەوپەڕو فرەیی وجاروباریچ قمەو(حجم) ئاوەکێش ئننە زیادٚەنە کە خودو تافەکێ ئەسڵەن نمەپیویۆ.
جیمی ئانجل جە ساڵەو ۱۹٥٦ی،وەنەش قۆمیۆ و بە هۆو مەقەدەرێ هوایی،گیانش بەخت کەرۆ وپەی گەورەگێرتەی و یادئاوەری ئی کەسایەتیە،بۆڵەی گڕدریاو لاشەکەیش شانا سەرو وەزەنو ئانجلی و هواپیماکەیچش ئیسەتێ ئینا موزەو وەڵاتو ونزویلای.
ئێژاو واتەیا کە تافەو ئانجلی بە زوانو خەڵکو ئا سەرزەمینیە[کرپاکوپای] مواچیو کە بە زوانو ئاڎیشا یانی:”مجیا و خوڕەو ئاوێ جە بەرزتەرین یاگێوە”.
ئی قەڵوەزە ئیسەتێ یۆ جە یاگای دیدەنی ونزویلایەن و جە ساڵێەنە هەزاران کەسێ پەی وینای ئی ئافەریدەو بێ وێنەو خوایە ڕوانەو ڤنزویلای با و ئیجا چنڎ ساڵێ چیوەڵی جە لیستو شۆنەما سروشتیەکاو یونسکوی سەبتی جهانی کریا.

وەزەنە: قەڵوەز: تاف،هەریەری یەک مانا مڎانە، وەلیٛ بە پاو بەرزو نزمی یاگەکیٛ فەرق مکەروٙ 

وەزەنەو ئانجلی جە دیدگایٛو تەرەنە
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…