یانە پەیلوای هەورامان کوٙگەن؟

هەورامان کوٙگەن؟

204

هەورامان کوٙگەن؟

هەورامان: یاگیٛ بەر شیەی شەکەتی شەکەتا و مانیایی مانیاکان.

هەورامان:سەردۆڵەو ڕزقی کەرەم کەلاو ئاسایین  پێسە تاڤگەکەو دێوەزناوی [دێو یەسناـ ئەوێستا]، وێش ماڵۆ سینەو هەر تاشو تەوەنێرە  تا فێنکایی یاونۆ لەشو هەر تاسەبارێوە تەژنەو ژیوای لەزەتینی.

هەورامان: بە چریکە سۆزدارەکا وێش پێسە شنەو شەماڵو شاهۆی مەشە ڕاموو زەخمی کۆنە و مارانگازی دووری یاری دوور کەوتەی کەرۆ.

هەورامان: دامنە دامنە بۆژانە و گوڵە سۆسەن ، چنوور و سوورە هەراڵە ، ولی وەش بۆی جە بەهەشتە عەرەب نەدیەکەو قورئانینە وزۆ سەروو ڕاو دڵدارانش .

هەورامان: سەوقاتی سەوقاتی [ سەوەتە سەوەتە]هەنجیر و هەنار و هەنگووری جە چەمەباخە بەهەشتیەکا دەژن، زۆم، هەجیج، دەل ، دەڵە مەرز ، نۆدشە ،خانەگاوپاوە …مەنیۆ سەرو ڕاو ڕاویاری  مانیای تا قەراخو جۆ ئاوە خوڕەکاشەنە بە ئاوی چیای دەمو چەمو دڵی فێنک کەراوە  و مانیایی و شەکەتی ژیوای ئارۆی بە تەماشاو هۆرپڕکێ چڵە وەنەوشەو چڵەپوینەی وەشبۆی چەنی هۆرمژتەی عەتریشان سیۆوە  ئینجا بە مێوە بەهەشتیەقەسەم سەر وریاکاش  وازیای  تاسەی ساڕێژ کەران.

هەورامان : سەرو وێش دۆڵاو دۆڵ ، چەماو چەم ، خڕاو خڕ، کەوێڵا و کەوێڵ  زیارەتوو هەوارگەو خاڵخاسان[ ژیوار، گاوۆڵ، زۆم …]  کەرۆ . سەرو ڕاینە چکۆ ساحیو دڵێ دڵشان بە دیمەنە  ویر نەشیاکا سپەردەن  بارگە بووزۆ، ئیتر ئانە عەوداڵان بۆیان کۆساڵان  زاوڵی یان کوڕە مریەم ، تەتە یان ڕینگەناو ، ماکوان یان هانەساو ،هانیە یان ئاوێسەر[ئەوێستا] ، ناڵەما یان سیلکەوان ، سەروپیری یا نوەی جاڕ، شرام یان پەروینی، هەرات یان هۆگر ، پیازدۆڵ یان مەسناو[ مەزد یەسناـ ئەوێستا] هەر یۆ بان چ باک،  وەرکەمەر، بەرزەڵنگ و بۆژانە پایەندازو رایشانەن.

هەورامان: گێلنۆتاوە پەی دووری دووری ئاوەختە گوڵو ژیوای چەکەرەو وێش چەنی تەوەنە ڕەق بەڵام وەشەسیاکا ئی کەشوکۆیە وەشەسیاییشا پێوری لکەدان . وەشەویسی ئی خاکیە ڕیشەش ئاستەرە . ئازیزی دیمەنە تاقانەکەیش سەروو تەوەن نماو هەر حەوز و هاناێوەنە تێکەڵاویش ئامێتەو دیاو ڕەمو کوڕ و کناچە تازە پەنەیاواکا بیی.

سیاوچەمانە واتەی، نماوەنەی بە شۆکرانەو ئی نێعمەتیە کەمەراو کەمەر ژیوای پاک و بێ گەردش پێشە نامەنیای زاڕۆی چڕی گۆشێ یۆ بە یۆ  بوونەوەر و سرۆشتە ئەهوراییەکەیشەرە.

خێر ئامای وەخێر هەی بەرگوزیدە  ….  بۆ نەجای مەردم پابنیــە دیدە

                          سدێق بابایی                                          مەولەوی

 

                                                                       

 

   

 

 

 hewraman
  • چەمە زەخم

    چەمە زەخم چەمەزەخم عادەتیٛوە قەدیمین دلیٛ میلەتو هەورامانی و کوردەوارینە  بیەن و هەن، دیار…
  • کوڕ و تاتە

    کوڕ و تاتە تاتە زەڕم گەرەکا تاتە جلیٛم گەرکیٛنیٛ تاتە کتیٛبم گەرەکا تاتە ماتوڕەم گەرەکەنە …
  • دیاری (جەژنەو ھەناری)

    دیاری (جەژنەو ھەناری) ئاکۊ_مارانی ٢٥و نۆڤەمبەرو ٢٠١٨ ڕەنگا پەی ئی سەردەمەیە (جەژنەو ڕۊگنار…
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…