یانە زانای جیپ(Jeep)،ماشینێ ئامریکایین

جیپ(Jeep)،ماشینێ ئامریکایین

276

جیپ(Jeep)،ماشینێ ئامریکایین.
جە ژانویەو ۲۰۱٤ی،شۆنەو ئەرەمەرزیای گروپو”فیات کرایسلێر ئوتومبیلز″ی،(Fiat Chrysler Automobiles)بی بەشێ چی زەنجیرە کومپانیە.
سازنای”جیپ”ی پەی یوەم جاری جە زەینو فەرماندێ و سەرپەلێ نیزامی جە جەنگی جهانی بروسکەش شانا. وەختارێ هازەو سەربازی و ئەسپی چوارپای بێ دەسەڵاتی جە دلێ زەل و هەڕ و چڵپاوی چەقێنێ و ویەردەی ڕای ناهموار پەیشا سەخت و دشوار و هیچشا چەنە نێ و حەتا گیانو وێچشا بەخت کەرێنێ و ئینەیچ جۆرێ شکەست و نگرانی ئارێ وەرۆ.
پیجۆرە،ئی وەزعێ،بیە بە نونگێو پەی سازنای ماشینێ چنڎ کارەی وهەرپاسە دوەدیفرانسیەڵی(دوەئەکسل) بەنامێ”جیپ”ی.
نامێ جیپی جە واتێو “General Purpose”بە ماناو چنڎ کارەی(GP) گیریان و دماوە بۆنەو واوەی کەردەی سەرەمڕەی زوانی بی بە”Jeep”.
“جۆ فریزێر”ڕەئیسو لێژنەی کومپانیاو “ویلیز″ی(Willys)،ساڵەو ۱۹۳۹ی عیسایی،ئەندیشەو سازنای ماشینێوە سوکی پەی کاروبارو شناسایی-نیزامی جەنگی داش زەینیش و بە دەس پەنەکەردەی جەنگی جهانی دوەمی جەڕۆدیارو ۳ێ سپتامبری جە ئوروپانە و وەروینی دەرگیربیەی و کێشتەو وەڵاتو ئامریکای ڕوەو جەنگ و قەیرانێ، کەوت کنوکۆی فرەتەر.
چۆئامەو گفتگۆ و شۆنگێرتەی “فریزێر”ی چەنی ئەفسەرای ئەرتشی پەی سازنای هەرچی زودتەرو ماشینێ جەنگی کە توانایی باڵاش جە مێدٚانو جەنگیەنە بۆ، بی بە پەیمانی تا کومپانیاو ویلیزی نمونیو سەرەتاییش چەنە سازنۆ.
پاییزو ئا ساڵیە کومپانیاو”ویلیز″ی زاناش کە کومپانی “بنتام”یچ،(Bantam)دەسێش بەردەن دلێ ئی هەرمانێ،کە دماتەرۆ کاشی بەعەمەڵ ئاما کە کومپانی”بنتام”ی خەریکو سازنای مودیلێ جە ماتورسیکلەتی سوکی جەعبە باخەڵدارێ(Side Car) یەرە نەفەرەین.
ساڵەو ۱۹٤۰ی،تەرح”دیزاین” و مودێلی فەنی سەرەتایی ئی ماشینیە جە لاو هازەو زەمینی ئەرتشو ئامریکای دیاری کریا و جە میانو ۱۳٥ کومپانی سەنعەتی کە چڕیای بێنێ پەی ڕاوەبەردەی ئی پڕوژەیە، یەرێ شرکتێ بە ناماو: بنتام،ویلیز و فورد-ی دەسشا وست وەڵێ و هۆرچنیای.
مودێلو سەرەتایی موتورو چوار سیلەندرو جیپی،جە ساڵەو ۱۹٤۰ی بە سفارشو کومپانیو”بنتام”ی و جە لاو شرکەتو”کونتینانتال”ی(Continental)دروس کریا بەڵام شۆنیەرە،ئی شرکەتێ جە ئیدامەو سازنای ئی ماشینیە لاش دا و دەسش چی هەرمانێ کێشتەو.
تەرح متەی نمونەو سەرەتایی جیپی کە دماتەر بی بە ماشینێ جەنگی (ویلیس ئم بی,Willys MB)،بەدەسی موهەندێسێ خەڵکو “دیترویت”ی بەنامێ”کارێل پروبست”ی(Karl Probst)چنیا.
کارێل چاوەڵی جە چن کومپانی ماشین سازی هەرمانەش کەردێبێ پیجۆرە جە لاو ویلیام ئس( William S)، ڕەییسو”کومیتەو ڕاوچارو پەدافەندی نەتەوەیی”،خوٙڵکە کریا.
“پرابست”جە ۱۷ ژوییەو ۱۹٤۰ی،دەس بەکاربی و جە ماوەو تەنیا دوێ ڕوانە،تەرحەی سەرەتایی ئی ماشینیشە ئامادە کەردە کە دماتەرۆ نامێشا نیا “جیپ”.
یوەمین نمونەو دەس سازو بنتامی جە ۲۱وسپتامبرو۱۹٤۰ی ئامادە بی و شۆنیەرە دوێ شرکەتێ”ویلیز و فورد”ی بە پاو نمونەی داواکاری و پەسەندکریای ئەرتشوئامریکای، هەرمانەکێشا بەردە وەرو و دوێ مودێلشا سازنای کە هینو ویلیزی،”کوئاد”(Quad)و هینو فوردی،”پیگمی”(Pygmy)نامێ نریای کە شۆنەوئاژەی سەختی بازرگانی ئازەمانیە و ناتوانی شرکەتو بنتامی و سەرکەوتەی ماشین سازی ویلیسی، پەیماننامە،هوٙرشانیاوە و دریا بە کومپانیاو”ویلیز ئوورلەند”ی.
کومپانی ویلیزی شناسنامەی کامڵو ئی ماشینیشە دا بە کومپانیاو فوردی، وەرو ئانەی فورد جە سازنای سیستمو تەولید و بەرئامەی بە کۆمەڵ،خەیلێ توانمەند بێ.
وەش کەردەی و سازنای ئی ماشینیە، کارخانێوەنە جە شارو”تولیدوئوهایوی” دەسش پەنەکەرد.
دوێ کومپانیێ ویلیز و فوردی جە زەمانو جەنگی جهانی دوەمی فرەتەر جە ۷۰۰هەزار دەسگایش سفارش گێرت و ٦٤۰هەزار دەسگا چی ماشینیە کە جە کومپانی ویلیزی وەشێ بیەبێنێ بە”ویلیس ئم بی”(Willys MB)نامیێ بیێ.
ئێژاو واتەیا کە یوەمین مودێلو سواری (غەیرەنیزامی)جیپی جە ساڵەو ۱۹٤٥ی عیسایی ڕوانەو بازاری کریا.
۱٥۰۰ دەسگا جیپێ بە ژمارە سریاڵو (زەنجیرە)”۲٥۷۲ تا۱۰۷۲″ و بە ژمارە سەبتیW-2015919 سازکریای کە ئیسەتێ جە بازارەنە دەس نمەگنا ودوستدار و داوکارێ فرێشا هەنێ، پسەو کلکسیون و مەجموعەدارێ جهانی.
ئیدارەو مەرکەزی جیپی کە بەشێن جە کومپانی کرایسلێری ئینا شارو میشیگانو ئامریکای و بە مودیری و سەرپەرسی “مایکل مانلی”مگێڵۆ.

هۆروەستەی جەپلەکانێو تەلارو پارلمانو ئامریکای
 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…