یانە گردین ڕەمزکەردەیەو پەیپەر نویستێوە میسری

ڕەمزکەردەیەو پەیپەر نویستێوە میسری

176

ڕەمزکەردەیەو پەیپەر نویستێوە میسری

تاوتو و پەیجۆری زانستی زانستمەندێ زانستگاو”ستراسبورگ”و فەڕانسەی، پەردەشا سەرو نهیٛنییٛ ۱۳۰۰ساڵەی لابەرد.
ئی کەتیبەپاپیروسیە،موکلێن(تەلیسم) کە پەی پەیوەند و دڵداری و عەشقی کەڵکش چەنە گیریان و بەکار لوان.
چی کەتیبەنە وێناو دویٛ گیانداریٛ باڵداریٛ مگنا وەرو چەمی کە چەمشا وستەن ئەو چەمو یۆترینی تماشا مکەرا. هەرپاسە جە سەر و پایینو ئی وێنەیە،نویستێوە دیارەن کە بە خەتو”قیبتی” نویسیان.
زانستمەندێ مواچا کە پەلەوەر و باڵندیٛ چی کەتیبەنە،نمادو و نیشانێوە جە ژەن و پیای دڵدار و عاشقیا،وئی موکلو تەلیسمە،سەقامگیرو هەست و عشق و پەیوەندی نێر و ماین.
پەیلوایێوە تەر سەرو ئی کەتیبەیە هەن کە مواچۆ: ئینە دوێ پەلەوەرێ ئەهریمەنیێنێ کە خەریکو خەڵەتنای ئانزانیەنێ.

ئیجا زانستمەندیٛ میسرییٛ جە میانو مانگەو ژوئەنی،شۆنەو هۆرکڵاشتەی خاکی جە ئەسکەندریەو ئی وەڵاتیە،تاووتێ سیاوی گەورەی چەنی یەرێ مومیایی نیمە شپرزێشا ئێستێوە.
“مصطفی الوزیری”سەروٙکو شۆنەمای باستانی میسری چی بارەو واتش:
جمجمەو یو چی مومیاییا مەڕیان،و ئینەیچشە وات کە ئی مومیاییە هینو پیایو دەلیر و ئازاو جەنگەرانی بیەن.
بڕێ جە کۆن شناسێ دماو ئێستەیەو ئی تابوتیە،ئەجیێشا ئینە مومیایی ئەسکەندەری مەقدونیەن،کەسێ کە هەڵای گۆڕەش گم و نادیارەنە.
بابەتێ کە مشیوم ئیشارەش پەنە کەرمێ ئینەن کە ئی تابوتە دماو چنها سەدا، دەس درێژیش نەکریان سەر و نەدزیان کە ڕەنگا بۆنەو تەرس و وەهمێ کە ئانزانێ چی تابووتیە بیەنشا، زاتشا نەبیەن دەسش دا پۆوە و پیجۆرە ویٛشا دوور داران چەنەش،تا ئیسەتێئی تابوتە پسەو وێش ساق وسەلیم  مەنەن و پارێزیان.

ئێژاو واتەیا کەباستان شناسیٛ میسرییٛ جە مانگەو فیبریەی،گۆرستانێ گەورەشا جە مەنتەقەو”تون الجبال”ی جە پانیشتو قاهیرەی پایتەختی ئێستەو کە هەشت گۆڕیٛ و ٤۰ تابوتێش چەنە بێنێ

پەیپەر:paper یام پایپروس یونانن papyrus… جۆرێوەن جە کاغەزی چازەمانەن جە نەیجەی و قاڕامی وەش کریان.

سەرچەمە:
https://t.co/aHjhFsMmin

This 1,300-Year-Old Egyptian ‘Love Spell’ Has Finally Been Deciphered
An ancient Egyptian text more than 1,300 years old, which would originally have been used as a magic spell, has finally been deciphered – and it seems like love was the goal. Today of course, many of us might just use a dating app instead.

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…