یانە ویەردە و هەورامانی زەمان و گریوە؛ تۆمارو ویەردەی و پاریٛزنای ژیرانە

زەمان و گریوە؛ تۆمارو ویەردەی و پاریٛزنای ژیرانە

958

زەمان و گریوە؛ تۆمارو ویەردەی و پاریٛزنای ژیرانە

زەمان  و گریوە پێسە  نامێ  ملە یا بەرزایێ جە  بەینوو دەگا (سەریاس) و( شمشێر) نزیک بە شارو پاوەی هۆرکۆتەن .

ئی یاگێ وەڵتەر جە پەنجا ساڵێ پێسە یاگێ سەختێ کە خەتەری گیانیش پەی ڕاویاری زمسانان سەربیەن ناموو دەنگش لێ خەڵکوو دەڤەرەکەینە ئەژناسیا بێ .

 زەمان گریوە وەرزو زمسانینە  هەڕەتوو وەرو وارای یاگێ وەروەسەر (واو وادەمە ) و یاگێوە پەڕ مەترسی پەی ئامۆشۆی خەڵکی جە ڕوانسەر و کرماشان پەی لاو پاوەی و پێچەوانەکەش بیەن .

لای سەرینو دەگاو پاڵنگان نیشتگەو میرەکا پاڵنگانی  کە دماتەر ئەردەڵانەکێ کەردشا بە یاگێ حوکم ڕانی وێشا  یاگێتەر هەر  بە ئی نامێ ( زەمان ـ گریوە) پەی خەڵکەکەیش ئەژناسیان .

زەمان و گریوە جە بنەڕەت نامێ دوێ بران بیەن کە بە ئازایەتی نامو دەنگشان ئەژناسیا و خەڵکوو  سەردەمە وەڵینەکا بیەن .

ئی دوە کەسایەتیە حەولشان دان دەسەڵاتوو مەڵبەندەکەی وزان چێرو قۆرەتوو وێشان بەڵام میرێ پاڵنگانی دماو چەرمەسەری و زەڕو زیانی فرەی  تووشوو شکەستیشا کەران هەرچن ئازایەتی و مدرایشا وەرانوەرو لەشکەرو میرەکاوە تا ڕۆزگارو ئێمە ویرو خەلکەکەینە مەنەن و نامێشا چەنی هێزی دەسڵاتی مەرز نەژناسو سرۆشتی توورەی تێکەڵ کریاینە و سەرو ئا یاگاوە کە خەڵک  بە هاسانی نەتاوانشا  سەرشۆڕی زاڵی بان  و تەرسیشا  چا یاگا فرە بیەن پارێزیان .

ئینە ئاراسیە وزۆ وەرانچەم کە  هۆرکەوت و سەرئاما ، ئازایەتی تا حەناو کارەساتە خەمناکەکا ویەردەو خەڵکینە چا سەردەمانە کە نویسەی زەحمەت بیەن  هەرکام بە شێوازێ حەولوپارێزیایشا دریان .

سدێق بابایی

سەرچەمە :

١ـ فۆلکلۆر ، واتەدەم بەدەمەکا خەلكی

٢ـ مێژووی هۆرامان . م. هۆرامانی

 

 hewraman
  • شەبەکیٛ کیٛنیٛ؟

    #شێخ شەهابەدینی دزاوەری، پیرۆزتەرین شێخوو شەبەکەکان و گۆڕەکێچش گەورەتەرین مەرقەد٘وو موقەدە…
  • مەحمود خانو دزڵییٛ و گیانو هامکاری

    مەحمود خانو دزڵییٛ و گیانو هامکاری بوٙنەو یاڎو سەڎ ساڵەو ئازاڎ کەردەی سلێمانی چیٛردەسو ئین…
  • ویەرینو وەنگاو دەگاو گوڵپی

    ویەرینو وەنگاو دەگاو گوڵپی ئەگەر سەرنجە دەیمیٛ جە زەمانو قەڎیمیوە هەورامان هەمیشە یاگیٛ فە…
Load More In ویەردە و هەورامانی

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئەراگیٛڵی

ئەراگیٛڵی ئەگەر شەویە جە شەوەکان ئاسمانوو پەڕ جە هەسارەو یۆ جە هەوارەکاو هۆرامانی کەردیمێ …