یانە پەیلوای تاکی بیٛ هەرمان کۊمەڵگەی پژگیا بەرهەم مارۊ

تاکی بیٛ هەرمان کۊمەڵگەی پژگیا بەرهەم مارۊ

74

تاکی بیٛ هەرمان کۊمەڵگەی پژگیا بەرهەم مارۊ

یۊ جە بنەماکا پېکئاماو(دروسنە) کۊمەڵگێوە ئەرەمەرزیای و خاوەن شۊناسی، تاکی خاوەن کارو خاوەن وۍ هۊشیارین کە بە جۊرێ کۊمەڵگێوە بەرهەمدارو هۊشمەنڎ دروسکەرۊ کە تاوۊ سەرو پەیا ۋېشۆ مردۊرەو چەنی ڕەوتو مېژوی گەشە کەرۊ .
تاکی کۊردی ۋەرو ئانەی قۊناغەکۍ گەشەو مېژۆیی وېش نەبڕیېنۍ و نەتاوانش سەردەم شۊنەو سەردەمیرە ۋەراوەریۍ چەنی سروشتەکێش کەرۊ و بە پاو تەوانایش زاڵبۊ ملشەرەو سودش چەنە ۋینو بە تەریب و بەبۍ دەسەڵات وەراوەرو سروشتینە مدران و مېژووی قۊناغ بە قۊناغ فاڕانۆ بەبۍ ئانەی هیچ فاڕیێوە جە پېکئامایشو جە هۊشو ئاوەزشەنە ڕۊوەبڎۊ، ئانەی کە تاوانش کەرۊش وۍ ڕېکوستەیێ بیەن چوارچېوەو خېڵێنە و کارش گېڵای بیەن شۊنەو ژیوایرە.
ئا ڕەوتو ژیوایە بەردەوام بیەن تا یاوان بە ئارۊ کە ۋینمۍ تاکی کۊردی نەتاوانش پېکئامێوە بە ماناو کۊمەڵگەی دروس کەرۊ .
پېکئاماو خېڵی ئارۊ شکڵێ تازەش ۋەرگېرتەن بە نامۍ پارتی سیاسی یام حزبی سیاسی کە دلېشەنە تاک هەمان ویرکەردەیۆو هەمان وینگاش هەن پەی وېش و پەی خەڵکی کە تاکێ هەنش پەی خېڵەکێش، وەروئانەی ئارۊ تاکی کۊردی نمەتاوۊ ویٛسەری سەرو هیچ چېوێ قەرارگیری کەرۊ، بە عەینو تاسو حەمامی تاکو کۊردی شۊنەو ژیوایشەرە گېڵۊ ئیتر هەریاگێ بۊو هەر پارتێنە پەیش مسۆگەربۊ .
بە پېچەوانۆ تاکی هۆرامی وەرو ئانەی ویەردەنە تاوانش وەراوەرو سروشتی مدرۊو زاڵ بۊ ملشەرەو سودش چنە ۋەرگېرۊ تاوانش کەسایەتیێ ویٛسەری پەی وېش وەش کەرۊو یاۊو قۊناغو و (ویٛوەسی) کە ئینەیچە هۊکاو پېکئامای کۊمەڵگێوەن کە تاوانش قۊناغەکا مېژوی بڕۊو پېناسو کۊمەڵگەی وەرگېرۊ، بەڵام ئارۊ بە کایگەری کلتورەکا تەری و دورکەوتەیۆ تاکی هۆرامی جە ژیوای سروتی وېشو تېکەڵبیەیش چەنی پارتی سیاسی هەم تاکو هەم کۊمەڵگۆ هۆرامانیش گېڵنانۆ پەی دمایی و گەشەش مدرنان .

ئەسعەد هۆرامی ٢٩/٩/٢٠١٨ 
مانگەو ترازیۍ هۆرامیۍ

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

خاتو کیانا عەبدڵاهی فەڕ مەدالیای ئاڵتونیش هوٙرگیٛرت

خاتو کیانا عەبدڵاهی فەڕ مەدالیای ئاڵتونیش هوٙرگیٛرت خاتو کیانا عەبدڵای فەڕ، کناچیٛ هەورامی…