یانە ویەردە و هەورامانی هەورامان و خەزانەی دەوڵەمەنڎش

هەورامان و خەزانەی دەوڵەمەنڎش

92

هەورامان و خەزانەی دەوڵەمەنڎش

ئانە چی واتەنە مەی جە کتیبێوەنە نەنویسیان بەڵام حازرو بازر جەسینە، دڵ و سوچاو سوچو ئی وەڵاتە ئازیزو پەڕ بەرەکەتیەنە بیەی ویٛشان سەلەمنان.

پەنڎ و موٙچیاری، قسیٛ وەشیٛ و پەڕ مانێ کە ڕەنگا هەر یوەشا هەم سەربەردەی دەوڵەمەنڎش چەنە بوٙ و هەم فیٛرکەردەی پا سینە کە وەختو ویٛش دیٛر زەمان، موٙڵەت یا کەل و پەل  پەی نویسیایش نەویەبوٙ پەوچی حەول دریان پیٛخامەکەی پەی نەسڵی دماتەری(وەچەو ئاروٙی) چامنە دلیٛ یوینە سمڕنا(کورت کەراوە) تا دەم بەدەم سینە بە سینە هوٙرگیریوٙ و یاوناش دەسو دماتەرا.

پەی وەرگیٛرتەی جە فەوتیای زیاتەرو ئی گەنجینە بە قیمەت و دەوڵەمەنڎیما هەرمانەی قورسە یا قورسایی ئی هەرمانیٛ گنوٙ سەرو شانەو جوانە تازە پەنەیاواکاما کە فیٛرگەنە وانانشاو فیٛریٛ بیێنیٛ، بلا شوٙنیەرە و وڵاوڵ گیڵا و چەمیٛشا کەراوە، تا پەی دماتەرینا بوٙ بە دەسمایە، سەرەما دلیٛ سەرانە پی چیٛوە خاسا کە هەنیٛما بەرزو بەرزتەر بوٙ.

ئینە مشتێو جە خەرواریەنە:

“هەواڵ بەران پەی پەی یەزەجرتیٛ  کارداریٛ کارەکەریٛ گرتیٛ”!

یەزەگرت دماتەرین پاڎشاو ساسانیان کە بەپاو واتەو زاناکا حاکمیٛ هەورامییٛ ئیٛرانییٛ بیێنیٛ.

دمای مەڕیای ساسانیا دەسەڵاتو عەرەبی، بیٛ ڕەحمی و نزم ڕەوشتیش یاونا ئاگە کە بەژەن و زاڕوٙیچ ڕەحم نەکریا، یا کوشتیٛشا یا کەردیٛشا دیلو دەسو ویٛشا. ژەنی فرەو خەڵکیشا بە زوٙرو بەنامیٛ ” غەنیمەتی جەنگی” جە کەسوکاریشا کەردیٛ، پاسە کەتاریخ گیٛڵنوٙوە، هەورامان یوٙ چا یاگا بیەن کە بیٛ ڕەوشتی و بیٛ ڕەحمیٛ عەرەبا بە ئەوپەڕش یاوان !

باڵوڵی ماهی فەرماوانش:

زوٙرکاری ئەرەب کەردەنە خاپور    گنا ئی پاڵە هەتا شارەزوور

ژەن و کەنیکا بەدیل بشینا       مەردی ئازا تلی وەڕووی هوینا

چی تاومەغانە کە عەرەب ئی گرد یانە ویٛرانیە توشو خەڵکی کەروٙ، چنڎ کەسێ بیٛ مایی، کە گرد لایێوە ویٛنەشا جار جار بەرگنوٙ، ویٛشان نزیکو عەرەبەکا کەراوە، وەرو ئانەیە ویٛشان لاو عەرەبەکاوە شیرین کەرا، زیاتەر ئازار و ئەزیەت و خەڵکی مڎا.

هەورامییٛ پەی کارکەرە تازە پەنەیاوا، یاوانە کە ئەقڵو زانستێوی چامنەشا نیا کە ئاگاشا جە خەڵکی هەژاری بوٙ و غەیر جە نوٙکەری چیٛوێوی تەر مەزانا با بە جاشیٛ ئیٛڎ و ئەوی، پەشتی کەرا خەڵکی و ئاو و خاک و میللەتو ویشا و بیٛگانەی هوٙروچنا، ئی مەسەلیٛ گیٛڵناوە کە دماو ئامای عەرەبەکا ڕوەش دێنە.

هەرپاسە ئینە ئانەی یاونوٙ کە دمای نزیک بە 1500 ساڵا ئامای عەرەبی، لاو ئیٛمەنە بیگانەی نەتاوانش یاگیٛ ویٛش کووٙرە، هەر بە بیٛگانە سەیر کریوٙ. هەرکەس یارمەتیش بڎو خەڵک بە نوٙکەرش مزانوٙ، جا ئەگەر دەسەڵاتدار و پایەبەرز و دوژمەنیچش بوٙ.

سدێق بابایی

ئاڵمان

 

 

 hewraman
  • زەمان و گریوە؛ تۆمارو ویەردەی و پاریٛزنای ژیرانە

    زەمان و گریوە؛ تۆمارو ویەردەی و پاریٛزنای ژیرانە زەمان  و گریوە پێسە  نامێ  ملە یا بەرزایێ…
  • وەننەن

    وەننەن ( ونند) : پردەی کۆنێ سەرو ڕۆخانەو سیروان پەی دەگاو هەجیج ـ ی .  وەنەن جە ئەساتیری ک…
  • مشتێ جە خەرمانێو

        مشتێ جە خەرمانێو ئەگەر لاپەڕەکاو مەژەی هوٙردەیمیٛوە ، چنڎەها ڕازیٛ سەیرو سەمەریٛ گنا و…
Load More In ویەردە و هەورامانی

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…