یانە گردین زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما

114

زیانیٛو پاڵای پاژنە بەرزی پەی خانما

فرەو ژەنا دلێ زەماونڎ و مێمانیا و…حەز مکەرا پاڵای پاژنەبەرزێ بکەرا پا و ئینەیچ بیەن نونگەو توشبیەی بە قاچ ئێشەی و کۆم بیەی مازی کە دلێ خانمانە دیارەن و فرە مگنۆ وەرو چەمی.
فرەو خانما پاسه مزانا ئی پاڵا پاژنە بەرزێ هیچ جۆر زیانێشا نیەن بەڵام نونگەو خەیلێ جە قول و قاچ ئێشەی و فشار بە زەنگۆڵا،وەرو ئێستفادەی فراوانین چی جۆر پاڵای بەرز و پاشنەداریەنە.
پا دلیٛ ئی جۆر پاڵاینە بە ڕێکی دلێ پاڵاینە یاگەگیر مەبۆ و ئینەیچ ئێشی دمایین و فشار بە ماسۆڵاو پاژنەی و ڕانیش ئینا شۆنیوە.
وەرگیری جە جەریان و ئاما و لوای ونێ پەی ئەندامێو پای پسەو گلکێ و کەوە بیەی و ماسای وتەزای و سڕبیەی پەیا،جە ئێستفادەو خانما جە پاڵای پاژنە بەرزیا و ئینەیچ توش ئامای بە ناوەشیای تەریش ئینا شۆنیوە.
مودێل و مارکێ جۆراوجۆری جهانی و تەبلیغ و وێنماناو ژەنا دلێ میدیا و ورەتەی ئی جۆر پاڵا جە بازاری و باو بیەی و چەم و هەم چەمی، پاسەشە کەردەن بە خانما کە حەز بە پاڵای پاژنە بەرزی و ئێستفادە جە ئی جۆر پاڵاینە مکەران کە جۆرێ ئیپیدمی کۆمەڵیش دلێ خانمانە وەش کەردەن کە حەتا ترازیا جە زەماونڎ و مێمانی پسەو خیابان و کوچە و جە یاگای بە لێژایی و سەختەڕایچ،ئی پاڵانە مکەرا پا.
کاریگەری خراب سەرو مازی و زەنگۆڵ ئێشەی و لار و گیٛڕ بیەی گلکێو پەیا کە بڕێ جار کار کێشیۆ ئەو کەردەوەی نشتەرگەری و جەراحی.
شرکەتێ پاڵای پاژنەبەرزی جهانی جە ساڵێنە میلیونها دولار جە سەنعەتو فیلمسازی و مانکەن و شۆسیپاڵی و موسیقی پەی تەبلیغاتی و نیشاندای مودێلو تازەسازو پاڵای پاژنە بەرزی پول مدٚا و هەزینە و سەرمایەگوزاری مکەرا.
ئیسپانسیری و ساپورتی ماڵی و پوڵی جە بەرنامە و شۆتلویزیونی خەیلێ چی کاناڵا جە لاو شیرکەتێ گەورێ پاڵاسازی پاژنە بەرزی و داروسازی و کاردەستێ ئارایشی و تەندروستی ئەنجام دریوٙنە و ئینە بیەن هۆکارو وەڵکەوتەی بازرگانی و دەولەمەنی و پەڕسودی ئی سەنعەتا.
هەماهەنگی مافیایی شرکەتێ پاڵاسازی پاژنەبەرز چەنی شرکەتێ کاردەستێ ماساژ و رسازی و ئارایشی و زەریفی و تەندروستی،خەیلێ گومان خێز و یاگێ پەرسیەن.

پانویس:
پەی یوەمین جاری جە سەدەو یەرومو ڕۆجیاری(۱٥۹۹عیسایی/۹۷۸ی)گرویە جە نیزامی و جەنگاوەرێ ئێرانیێ جە سەفەرێوە بەروڵاتی ڕوەو ئوروپای پەی یاری و کومەک و هەمگرایی و گێرتەی نیروی سەربازی دژ بە ئیمپراتوری عوسمانی جە پاڵای پاژنەبەرزی ئێستفادەشا کەردەن و پیجۆرە دماتەر جە ئوروپانە بیەن باو.
[سەرچەمە:https:goo.gl/GrZ4p8 ]

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…