یانە گردین پروژەو عەرەبستانی سەعودی پەی ئایەندەو ئیقلیمی و جوغرافیاو قەتەری

پروژەو عەرەبستانی سەعودی پەی ئایەندەو ئیقلیمی و جوغرافیاو قەتەری

97

پروژەو عەرەبستانی سەعودی پەی ئایەندەو ئیقلیمی و جوغرافیاو قەتەری

بەپاو بەڵگەو و ئەسنادێ ئاشکرا کریای، عەرەبستانی سەعودی خەریکو پلان متەی سەرو جوغرافیاو قەتریا پەی ئانەی خەرمانەو و دەوراودەورو ئی وەڵاتە هام مەرزو وێشە،پسەو جەزیرێ دلێ ئاوێ بەربارۆ.
پلانو ئی بەرنامە پیجۆرەنە کە کاناڵێ بە درێژی ٦۰کیلومێتری، سەرتاسەر و حدود ومەرزو سەعودی چەنی قەتەری مگێرۆنە وەر و دماجار چێوێ بەنامێ مەرزی وشکی نمەمانو و قەتەر بۆ پسەو میان ئاوێ جە خەلیجی فارسیەنە.
وەڵتەر پەی یوەم جاری وردەکاری ئی کەڵەهەرمانیٛ جە لاو ڕۆنامەو”سبق”و [ریاض]ی چاپ و وڵاو بیەبێ.
چی ڕۆنامەنە ئامابێ: بڕیارەن ئی ئاوڕا گەورێ شۆنەو جەخت و پافشاری مقاماتی پایەبەرزو سەعودی،بە کەندەی و هۆرکڵاشتەی خاکی جە مەحاڵو”سلوی”عەرەبستانی و “خورالعدید”ی جە نزیکی قەتەری بیاوۆ ئەنجام و دماجار ئی وەڵاتە پەنگیو دلێ ئاوێ و پسەو جەزیرێ بەربەی.
ئی کاناڵێ؛٦۰ کیلومێتر درێژای،۲۰۰مێتر پانای و ۱٥ تا ۲۰ میترێ قوڵاییش چەنە بەرمەی.بە جۆرێ کە بە ئاسانی ئاماولوای کەشتی کانتینیری و موسافیری و گێڵاوویاری فەراهم مکەرۆ.
نونگەو و وەرپێکو دەوڵەتو سەعودی جە ڕاوبەردەی ئی هەرمانێ،پارێزنای خاک و وەرگیری جە دزەو تیروریسم و ئاژاوێ ڕادەبەدەری مەزهەبی! و ئیجا فشاری سیاسی و بازرگانی و سەپنای کەردەوەی زۆری و نیشاندای دەسی سەر و باڵا ملو وەڵاتو قەتەریەن.
چی دمایچۆ ڕۆنامەو”مکە”ی لواوە سەرو ئی بابەتیە و سوربیەی دەوڵەتو سەعودیش چی بارەو وستەنە ڕوە.
“سعودالقحطانی”،موشاور و ڕاکارزانو عالی “محمدبن سلمان”جە توییتێنە پێسشە نویستەن:
بێ گومان کەندەی و هۆرکڵاشتەی خاکو وەرهۆرزو “سلوی”متاوۆ جە فاڕیای ئیقلیمی و جوغرافیایی کارساز و کاریگەر بۆ و ئێمە پەنەما وەشا هەرچی زووتەر ئی کەڵە هەرمانێ بلۆڕاوە و پروسەو کاریش جابجا بۆنە.
مواچیو تائیسەتی پەی کەندەی ئی کاناڵێ،نزیکو پەنج شیرکەتێ گەورێ دەسشا وسەن وەرۆ و بەرئاوەرد مکریو ۳ێ میلیارد ڕیاڵو عەرەبستانی (۸۰۰میلیون دولارێ ئامریکای)یش بنریۆ لاوە و هەزینەش پەی بکریۆ.
هەڵای هیچ مقامێ قەتەری سەرو ئی هەرمانەو سەعودیە جوابێشا نەدٚانۆ و قسەو باسشا سەرۆ نەکەردەن.
ناکۆکی پەیوەندی و قەیرانی سیاسی و بازرگانی و دیپلماتیک میانو سەعودی و قەتەری چن ساڵێن دەسش پەنە کەردەن و حەتا چنڎ جارێ جە لاو دەوڵەتو سەعودی هەڕشەو پەیوەست و یەکلاکەردەی خاک و بومو قەتەری بە خاکو سەرزەمینی عەرەبستانی کریان و کەوتەن جەریان.
قەتەر داراو سروەت و سامانی فراوانی گازیەن و جەبابەتو پاشەکەوتی ماڵی و بازرگانی یۆ جە وەڵاتای وەڵکەوتە و مودێرنو وەرنیشتو ئاسیا و تایبە وەرهۆرزو دلێراسەیا و ئینەیچ ئاژێ سەخت و دشواری سیاسیش سازنان و بیەن هۆکارو ناکۆکی پەیوەندی سیاسی میانو ئی دوە وەڵاتە عەرەبیەی خەلیجو فارسیە و سەعودی نیگەرانو دماڕۆ وێش و زۆرگێرتەی هامسای سەرنیشتیشا.
قەتەر،چوار ساڵێ ئایەندە(۲۰۲۲) میماندار و میزبانو جام جهانی فوتباڵیەن و هەر جە ئیسەو خەریکو ڕاوبەردەی کاروبارو ئی پروژە گەورەیەنە.

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…