یانە ئەدەب و هونەر ویرەوەریە جە ڕۆ کۆمساو 1391 ی

ویرەوەریە جە ڕۆ کۆمساو 1391 ی

32

ویرەوەریە جە ڕۆ کۆمساو 1391 ی

ڕوێ شۆنەو کۆنگرە تارێخیەکەو مامۆسا ئۆسمان هەورامیرە (1391 .2 .14 ) کە بە ڕاسی فرەو ڕازە سەر بە مۆرەکاو فەرهەنگی ڕێخەڐاروو هەورامانی جە زوانوو دوکتور ئەردەڵانی، دوکتور دەرویشی، دوکتور قوتبەدین سادێقی، مامۆسا ئەنوەر (قەرەڐاخی ـ سەرگەتی)، مامۆسا جەلال شەفێعی و باقی شارەزایاوە، پەرڐەشا سەر هۆردریاوە و گەورەیی و عەزەمەتوو فەرهەنگوو هەورامانیشا پەی گرڐ کەسی ئاشکرا کەرڐ، بە شاڐی و کەیفی فرەوە لوانێ پەی جەژنەو کۆمسای.
وەروو وێمەرە ئەجیام کەس نەکەوتەن وەڵێم، بەڵام وەختێ بڕم دا وەرۆ، ئەجێ تەنیا من مەنەنا جیا!!
هەورامان مەوجێ وەرێ، قەرەباڵق بێ، خەڵک پێسە کارەوانەو مرۆچەی گێڵەنە بێ. دەسێ پەی سەروو پیشالیاری لوێنێ، دەسێ چەوسەرۆ ئێنێوە، دەسێ دەسکاروو هەورامانی ئەسانێنێ، دەسێ چەنی کاناڵە تەلەفزیۆنیەکا خەریکێ قسە و باسی بێنێ و ….
ئەگەر سەرەنجت دایە، هەر یۆ یاگێوە ئاما بێ و بە زوانێ تایبە قسێ کەرێ.
یۆ داڵەهۆوە ئاما بێ، یۆ یەزد، یۆ تاران، یۆ ئازەربایجان، یۆ مەهاباد و …
یۆ لەکی قسێ کەرێ، یۆ فارسی، یۆ ئازەری، یۆ موکریانی، یۆ سۆرانی، یۆ هەورامی و … گرڐ جە یۆترینی یاوێنێنە و ئەجێ جە یەک ئەڐێ بیێنێ!!
بە دیەی ئی دیمانەیە بڕێ مەسەلێ قەڐیمیێ وێما و هەرپاسە ئا زوانە هامبەشە کە پائۆلۆ کۆئیلیۆ جە کیمیاگەرەنە باسش کەرۆ، ئامێوە ویرم. پێسە:
مانگە دایم پەشتەو هەورینە مەمەنۆوە!
هەقێقەت چێروو پووشینە مەشاریۆوە!
ڕەگ جە ڕیشە، گلەر بنە تۆم!
گرڐ چێو هۆرگێڵۆوە سەروو بنەڕەتوو وێش!
گیواو سەروو بنجەو وێشۆ سەوز بۆوە!
و …
هەرپاسە پەیم ئاشکرا بی کە ئی خەڵکە کە هەر یۆ جە یاگێوە ئامان، بێ مەرام ڕاو ئەهوورامانیش نەگێرتێنەنە وەر و ئەجۆ تەنیا چاگە هاوارش وەستە بۆ!
واوەی پەیم بەرکەوت کە هەقێقەت هەر ئا چێوەنە کە بێ دەنگ خەریکا وێش مرمانۆ و باست چەنی کەرۆ!
ئی جم و جووڵە سەمەرەیە بەرڐا دلێ بەحروو خیاڵیرە و وەرە کۆرپێ ئەوسای ئامێوە ویرم. ئەگەر سەرەنجتا دابۆ، ئەوسا وەختێ وەهارەنە مەی کەرێنێ گەلە و وەرە کۆرپەکێ جە ئەڐێشا بڕیێنێ، ئانە ئاڐێ قاڕەشا ئێ و بێ قەرارێ ئەڐایەکاشا بێنێ. بەڵام وەختێ وزێنیشا وەڵی پەی گەلەی، هەر دوورۆ زانێنێ تا نەختێتەر بە دیڐاروو ئەڐایەکاشا شاڐێ باوە؛ پەوچی دەس کەرێنێ ڕەمای. هەر کام بە دەنگ یا بووە، ئەڐاو وێش ئێزێوە. وەختێ بە دیڐاروو ئەڐێشا شاڐێ بێنێوە و شۆت وەرێنێ و سینەسێرێ بێنێ، دەس کەرێنێ کەی کەرڐەی و کەیف و وەشی! شاڐ بیەی بە دیڐاروو ئەڐێ، بێ سەبەبوو ڕەزامەنڐی و دڵوەشیشا.
دیەی ئا دیامانیە (کۆمسای) چەنی ئی دیمانەیە موو لا نەڐێ.
ئا خەڵکە کە ڕوو بە پیشالیار لوێ، پەلەو دیڐاریش بێ و ئانێچە کە زیارەتشا کەرڐەبێ و بە مراڐوو وێشا یاوێ بێنێ، جە ئەوپەڕوو وەشی و ڕەزامەنڐینە ئای ئێنێوە و ئی وەشی و شاڐیە ئاشکرا ڕوومەتشانە دیار بێ!
جا جە ئاخرۆ ئی داپەرسێ داشا مەژگم:
تۆ واچی ئینێ ڕۆڵێ ئا ئەڐێ با و چەنەش بڕیە با؟!
تۆ واچی هەورامان هەر ئا ئەڐا دڵسۆزێ و جەرگ سۆتێ بۆ و جەبروو ڕۆزگاری ڕۆڵەکێش پەرەم پەرەمێش کەرڐێ با؟ (یۆ سەرنیشتوو ئێرانی، یۆ قەڵاو قوروەی، یۆ کەنوولەو کرماشانی، یۆ سیستان و بەلووجستان، یۆ ئێسفەهان، یۆ کەرکووک، یۆ شەبەکستان، یۆ داڵاهۆ، یۆ درسیم، یۆ، ێۆ، یۆ …)؟!
تۆ واچی ئاڐیچێ ڕوێ پێسە زاڕۆڵەکاو هەڵەبجەی بەیاوە باوشەو ئەڐێشا و بە دیڐارش شاڐێ باوە؟!

سوبحان ئەمینی هانە گەرمڵە
ڕۆدیار: 1391. 2 . 16

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…