یانە ئەدەب و هونەر کاسپی پێسەن توٙشەو میٛ، هەروەخت ئاورات بی کەرەیشوە و نەواردیچت هەنت پەنە.

کاسپی پێسەن توٙشەو میٛ، هەروەخت ئاورات بی کەرەیشوە و نەواردیچت هەنت پەنە.

59

حسەین خوورا:
“حکایەت”
“کاسپی پێسەن توٙشەو میٛ، هەروەخت ئاورات بی کەرەیشوە و نەواردیچت هەنت پەنە.”

ماچا پادشایە ژەنیش نەبۆ و بە وەزیرەکەیش ماچۆ دا گێڵە گاهەز تووشوو کناچیە عالێ بەی ،با مارەش کەروو.
وەزیرەکەش سۆحیە زوو گنۆ ڕا ملۆ پەی دەگایاو دەور و بەری.
ملۆ نزیکوو دەگایە کابرایە خەریکوو درەوێن و ملۆ وەڵێوە بێ قەزایش کەرۆ و شۆنەو قسە و باسیرە . دەمی وێرەگا بۆ ملاوە پەی یانەی .
وەزیرەکە ماچۆ ئیسە پەیچیە نەبۆ چی سەراوکۆنە بنیەیشرە عەزا یاوی سەر، (ئامانجوو وەزیری ئینە بیەن چوون ڕا توولانیە بیێنە سەروو قسێە هۆر درۆ ، سەرگەرمێ با) ،کابرایچ ماچۆ ئی پیا خۆ شیتا ئاخۆر چنارێ چکۆ بیێ یاواوە ئاگە، ملا ڕارە یاوا خەلیە چەپ و مل کەوتەبێ و هەورێشڵێ کەرێ .وەزیرەکەماچۆ ئەگەر سەوزی وەر نەکریابۆ فرەعالا.
هەر پاسە قسێ کەرا و ملاڕارە یاوا دەگاکێ وکابرا خۆڵکەو وەزیرەکەی مەکەرۆ و مزگیش نیشانە مڐۆ و خوا حافێزی کەرا.
کابرا ملۆوە یانە.
ماچۆ بە کناچەکێش یاوانی کابرایە ئەجێ سەروو وێچش نەبێ خۆڵەکەم نەکەرد لوا پەی مزگی.
کناچەکێ ماچۆ دەی تاتەگیان شەڵڵایا خۆڵکەت کەردایا نان وەرێ لوێ مزگی دەی من هێڵێ گرینۆ چەنی نانی بەرەش پەی .
دوانزە هێڵێ و سی نانێ پێچۆوە کابرا بەرۆشا.

یاوۆ مزگی تفاقەکەی منیۆرە پەی وەزیرەکەی ماچۆ ئینە کناچەکێما کیاستەن ماچۆ جیایی ئانەی خۆڵکەم نەکەردەنی ئی نان و هێڵا بەرە پەیش.

تۆشەبەرەکێ کەرۆوە مڐیۆ یانزە هێڵێ و بیس و نۆ نانێش پێتێنێوە، وەزیرەکە ماچۆ دوانزە مانگێ ماهەنێ و سی ڕوێ ئیسە هەریۆ ڕۆیەشا وریان.

کابراملۆوە یانە کناچەکێش ماچۆ تاتە بەردێت.
ماچۆ :ڕۆڵە چووزانوو کابرای وات ساڵە دوانزە مانگینە نە یانزە و هەرمانگیەیچ سی ڕوێنێ نە بیس و نۆ.

کناچەکێ ژیرە بۆ.
ماچۆ تاتەگیان بخوا حەلایە هەن هێڵیەو نانیەت واردێنێ.
وەزیرەکە ماچۆ وەڵڵا برا کناچێ پی ژیری مەیۆزوو وە.
سۆحش ملۆە پەی لاو پادشای ماچۆ قوربان کناچێم یۆسێنەوە ” ئیٛستیٛنەوە ”  با بلمێ هێجبیش.
پادشا ماچۆ دەی لوە. وەزیرەکەیچ ملۆوە پەی دەگاکێ ملۆوە پەی لاو کابرای ئیجار وێش مژناسۆش پەنە وماچۆ من وەزیرنا و ئامانا ئی کناچێتە هێجبی کەروو پەی پادشای.

تاتەۆ کناچەکێ قسیەش مەبۆ و ماچۆ کناچێ حەساوەنە ، بەڵام کناچەکێ ماچۆ ئەگەر کاسپی زانۆ جا شووش کەروو پەنە .
وەزیرەکە ماچۆ ئاڐ پادشانوو کاسپیش پەی چێشین ماڵ و سەروەتی فرەش هەن.
ماچۆ هەروەخت کاسپیش زانا جا بۆوە.

ملۆوە شەرتە و کناچەکێ ماچۆ بە پادشای .
پادشا ماچۆ واچە باشا هیچیە ئاڐە واچۆ کاسپی فێر بوو.
پادشا سەرقاڵ بۆ بە فێربیەی کاسپی و بۆ کاریە فێروو حەسیر چنیەی بۆ و کناچەکێ شووش کەرۆ پەنە.
پادشا حەسیرە جوان خاسە و ڕیک و پیکە وچوار قۆڵپە چنۆ پەی ئۆتاقەکێشا.
شۆنەو ماویەرە پادشا ئتێفاقی دلێ شارنە بۆ. چەتێ دزاش و بەراش چێر زەمینیەرە گەرەکشابیەن کوشاش.
پادشاکە ماچۆ مەکوشدێم، من کاسپی زانوو . من حەسیرێ چنوو شمە ورەشدێشا و پووڵەکەش پەی وێتا.
ئادێچ قەبووڵ کەرا. پادشا حەسیریە زەریف عەینوو هنەکاو ئۆتاقەکێشا ورازۆ.
چەتەکێ بەراش پەی بازاری و کابرا سەروو شانەیشوە هەی حەسیر کەرۆ.
ژەنەو پادشایچ دلێ شارنە پەی پادشای گیڵوٙ ، حەسیرەکەی پێونۆ سەروو شانەو کابرایوە ،مڐیۆ عەینوو هنەکاو ئۆتاقەکێشانە.
ماچۆ بە چەتەکەی بۆ بلمێ پەی یانەیما من سانووش . نان و چایش مڐۆ و ماچۆ من بوو مۆشتەریتا هەرچیتا با بارەشا پەی من.

کابرا گنۆ ڕا ملۆوە پەی لاو ڕەفێقەکاش و ژەنەکێ دەسوور مڐۆ دۆێ ئەسڵحەدارێ گناشۆنیش و یاگێ نیشتەیشا میٛزاوە.
وەختیە ملا مڐیا چەتەکێ لوای چێرزەمینیەرە وئاڐیچێ ملا مڐیا پادشا هەن چاو ئازاڐش کەراو چەتەکا دەسگیر کەرا و ملاوە پەی قەسرێ.

کۆ کەردەیوە:حسەین خوورا

 hewraman
  • ویرەوەریە جە ڕۆ کۆمساو 1391 ی

    ویرەوەریە جە ڕۆ کۆمساو 1391 ی ڕوێ شۆنەو کۆنگرە تارێخیەکەو مامۆسا ئۆسمان هەورامیرە (1391 .2…
  • داستانەو مانگاوە زەردیٛ

    داستانەو مانگاوە زەردیٛ محەمەڎ غەریب مەعازی – پاوە تا چنڎە ساڵیٛ چێوەڵی فرەتەرو مەردمی جە …
  • نماو جمعه‌ی

    نماو جمعه‌ی مهدی ابری   هامن بێ،نیمه‌ڕۆیه‌ فره‌ گه‌رمو جمعه‌ی. باوایچم په‌له‌ش بێ بیاووٙ ن…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…