یانە هەواڵیٛ شرکەتو زەنجیرەیی قاوەو”کوستا”ی بە ٥.۱ میلیارد دولارێ ورەشیا بەکوکاکولای

شرکەتو زەنجیرەیی قاوەو”کوستا”ی بە ٥.۱ میلیارد دولارێ ورەشیا بەکوکاکولای

147

شرکەتو زەنجیرەیی قاوەو”کوستا”ی بە ٥.۱ میلیارد دولارێ ورەشیا بەکوکاکولای

شرکەتو کوکاکولای ڕۆ یەکشەممەی هەواڵشدا کە چەنی شرکەتو زەنجیرەیی قاوەو کوستای سەرو ئەسای ئی شێرکەتیە بە ئەرزشی ماڵی ٥.۱میلیارد دولارێ ڕێکێ کەوتێنێ و ساختەشا ئامان.
کوکاکولا ئی مامەڵە گەورەیٛ بازرگانییٛ بە هەنگامێ فرە خاس و تازێ مزانۆش و چا باوەڕەنە کە ئی پەیمان نامێ جە “ئێستراتژی فرەیی وجۆراوجۆری کاڵا”و بەرئامە و دەستکەوتو ئی شێرکەتیە خەیلێ کارئامەن.
گرو”ئاتلانتای”شۆنەو کەمبیەی ئەسەی و واردەی نوشابێ گازدار جە لاو خەڵکیوە،گەرەکشەن تا ڕادێ ئی زیانە ماڵیە جوبران بکەرۆ.
کوکاکولا،بە جۆروستەی ئی مامەڵە گەورەیە،بازارو قاوەو جهانی بەدەس مارۆ و پا منیۆ یاگەپا شێرکەتانێ گەورەی پسەو”ئستارباکس″و “نەستلە”ی و پاڵو و هامپاو ئی شرکەتانە،وێش فرەتەر چینەی دیاری مدٚۆ ومگنۆ وەرو چەمی.
کوکاکولا وەڵێ ئی پەیمانێچەنە جە زەمینەو سەنعەتو واردەی نوٙشای پسەو ئاوێ،چای سەرد(ئایس تی)و ئاومێوەی،دەسی باڵا و نام ونیشاندار بیەن و وەرپێک و نونگەو ئەسای و ڕێک وستەی ئی مامەڵەو شێرکەتە گەورەیە،ئیستراتژی نەوی ماڵی وبەدەس ئاردەی و گێرتەی بازرگانی مایەدار و پەڕسودو قاوەیەن.
شێرکەتو زەنجیرەیی” کوٙستا “ی جە ساڵەو ۱۹۷۱ی عیسایی جەشارو لەندەنیەنە پایش گێرتێ و نریارە و بڕیارەن چیولای شرکەتو کوکاکولای بە مارک و برەندو” کوٙستا “ی ورەتەی قاوەو ئی شێرکەتیە جە سەرتاسەرو جهانینە وبەنامێ کوکاکولای دەس پەنەبکەرۆ.
کوکاکولا هەرپاسە چنڎ ڕوێ چیوەڵیچ شێرکەتو موکسی(Moxie)ش ئەسا. کاری بازرگانی ئی شێرکەتیە،وەش کەردەی جۆرێ سودای(ئاوێ گازدارە) وەش تام و مەزەیەن.
کوکاکولا ئیجا جە مانگەو”ئوت”ی ویەردەی جە سەهامێ پوڵی نوشابێ و لوشیای ئنێرژی زای”بادی ئارمور”یچ سەرمایەگوزاریش کەرد.
کوکاکولادماو ئەسەی و خواوەنی سەرو شێرکەتو کوستای،متاوۆ جە ۲٤۰۰یاگێ ورەتەی ئی شێرکەتە گەورەیە جە ئێنگلیس و ۱٤۰۰ یاگێ ورەتەی جە سەرتاسەرو جهانی و هەرپاسە جە ۸۰۰۰ ماشین و دەستگای قاوە وەشکەرێ جە مارکیت و فروشگای گەورێ و پومپ بەنزینێ،بەهرەمەند بو و سود بەدەس باورۆ.

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…