وەننەن

475

وەننەن ( ونند) :

پردەی کۆنێ سەرو ڕۆخانەو سیروان پەی دەگاو هەجیج ـ ی .

 وەنەن جە ئەساتیری کۆنەو مەڵبەندە کەینە بە واتاو ” خودای پاریزەر جە قارو قین و تووڕەیی سرۆشتی ” ئامەن .

ئی پردێ ئیسە ئیتر ئاسەوارش نەمەنەن بەڵام هەڵای لێ ویرو گۆکەردەی خەڵکوو دڤەرەکەینە نامێش هەنە یۆ جە یاگە هەرە مێژوویی و خوالە پیرۆزەکا  جە باوەڕ و هزرو خەڵکینە یاگێش پارێزیاینە .

وەڵتەر کە ئانزان (مرۆڤ) وەرانوەرو سرۆشتی دڵ رەق و توڕەیۆ بێ دەسەڵات بیەن . وەشتو وار فرە و وەهارانی وەرواوێ کەشەکا  هەرپاسە ئاوی ڕۆخانەکا پێسە سیروانی فرە سامناکێ بیەنێ خەڵکی بێ دەسەلات پێسە ئارۆی دەرەتانوو زاڵ بیەی و هۆربینای بەنداو و پرد و تۆنێل هۆرکەنی پەی وێ دەربازکەردەی [ئەوە پڕای] جە  ئاوە بەهەیبەتەکا وەهاریش نەبیەن .

ئی بێ دەسەڵاتیە بیەن بە هۆکار تا پەنا بەرۆ وەرو باوەڕە ئاسمانیەکا بەشکەم وێش جە زەرەر و زیانوو تان و پۆ هۆرکەوتە سرۆشتیەکا پێسە هۆرەگرمە( هۆرە ترێشقە یا بەرقو ئاسمانی ) .لافاوە، هۆرزای ئاوی ڕۆخانەکا چەمو دۆڵ ، تاریکی ،  ، گەرما ،قاتی و قڕی و فرێوەتەری پارێزنۆ.

وەننەن [ پردە ـ و هەجیجی] یۆ چا خوالە پیرۆزا بیەن کە دوەتۆ پردێوە پی ناموو نیشانە تاوانش خەڵکوو دەڤەرەکەی جە خنیکیای لێ سیروان و فۆتیای بە شەپۆلە بە سام و هەیبەتەکاش پارێزنۆ .

ئی پردێ پاسە کە باس کریان جە لەقو پۆ دارە مێو (ڕەز) چەنی موو بزێ کە درەنگ پووترکیان وەشکریاینە .

هەردوەلاو پردەکێ پێسە هێڵو شەمەنەفەڕی بە دارمێوی  قایم و درێژ ئیسەرو ئەوسەرو ڕۆخانەکەی هۆربینیان و بەینەکەش بە تووڵە مێو و موو بزێ چنیان .

ئی پردی جووڵیا و پێسە جۆلانێ نا سەقامە بیێنە .

خەڵکوو ناوچەکەی بێ تەرس  پاسە گێڵناوە ژەنی بە مەنجەڵێ پەڕ شۆت سەرو سەرەیشاوە ئاموٙشوٙشا سەرۆ کەردێنە.

جارێوە پردەو هەجیجی تووشوو پڕچیای مەی و دوێ ژەنی سەرشۆ گنارە دلێ سیروانی و ئاوی بەرۆشان .

گۆرانی واچەکێ ئی ڕووداوە تاڵیە کەرا بە شێعر و سینە بەسینە گێڵناشۆ پەی نەسڵا دماتەری. 

ئینە شێعرەو ئا گۆرانیێ کە نامێ ژەنە خنیکیاکاش چەنە تۆمار کریان .

گۆراڵــێ کــەشی کەردشا قەڵاخی …. کەوتێنە سیروان (ســەلما و ســەراحی)

گۆراڵێ کــەشا بەر نــەیـا جـە بار…. کەوتێـــنە ســیروان مەحبــووبێ نازار

سدێق بابایی

سەرچەمە:

 نویسیاکێ وێم.

مێژووی هۆرامان  م . ئە . هۆرامی   

 hewraman
Load More In ویەردە و هەورامانی

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…