یانە هەواڵیٛ کتیٛبوٙ خەڵاتو پایزی پی زووانە گنوٙ بازار

کتیٛبوٙ خەڵاتو پایزی پی زووانە گنوٙ بازار

274

 ‍ڕوٙمانەو خەڵاتو پایزی نویستەو خاتو ” ئامینە ڕحیمی ” ئەژناسیێ بە “ژوان ” پی زووانە چاپ کریوٙ و گنونە بازار ، چی بارەو سەرنجەو کاک سەباح جەباری سەرو ئی ڕوٙمانیٛ وزمیٛ وەرەچەمتان .

زوان کەرەسەو ئەرەنماناو ویر و هەست و ئەندێشەین. پەی بەروستەی باوەڕەکانمان هیچ ڕایوە تەرەمان نیەنە جگەم کەڵک گێرتەی جە زوانی.دیارەن وەختەی باسوو زوانی مکریۆ.مەبەس تەنیا زوانوو واتەی( گفتاری) نیەن.زوانوو دیەی،ئەژنەویەی و لامێسەی جە نیشاندای هەستەکانمانە شۆنەماشا دیارەنە. فرەو وەختان بە ئەژنەویەی پارچێوە مووسیقی،چریکەو بۆڵبۆڵەی، قاسپەو ژەرەژەی یان دیەو دیمەن و وێنێوە دەسکردی،پەیامەی مگێرمێ کە ڕەنگەن بە وەنەو کتێبێوە نەگیریۆ. زوان نیشاندەروو کەسایەتی تاکی و فەرهەنگوو کۆمەڵگاین. گۆمانە نیەنە چانەی ئەوەمەنەو زوانەی پارێزنایش گەرەکەن و گرنگتەرین هەرمانە پەی پاڕیزنای نویستەین پا زوانیە. هەورامی چی سەردەمەنە کە فرەو زوانان ئینای تەرسەو فۆتیاینە ئەوەجەش هەن بە نویستەی.نویستێوە کە جیا بۆ جە زوانوو قسەکەردەی. نویستێوە کە بتاوۆ فرەو دەستوور و یاساکانوو زوانەکەی نیشانە بدۆ.
یۆوەم جار ڕۆمانەو خەڵاتوو پاییزیم دیە، پەڕ بە دڵ وەشحاڵ بیان.وەشحاڵ ئەچینەی پەی یۆوەم کەڕەتی( تا ئاگە خەبەرم بۆ) کەسەی هەورامانەنە تاواش دوور جە تەعەسۆبی ناوچەیی شۆنەو زوانەی نویساری بۆ.زوانەی کە هەر سووچەی هەورامانینە بوانیۆوە بە هەڵە نەیاواشەنە. هەرچن ڕەنگەن شێوازوو نویستەو ئی ڕۆمانێ چێوەی ئاسایی نەوۆ دلێمانە، بەڵام متاوۆ شۆڵە چراوەی بۆ پەی ڕاو نەسری هەورامی. پەر بە دڵ دەس وەشی مکەروو جە دادە ئەمینێ(ژوان) پەی ئی هەرمانە بە نرخێشە و پیرۆزواییش پەنە ماچوو.
چن خاڵێ وەرچەمێ دلێ زوانوو ئی ڕۆمانێ: بە شێوازەی ڕێک و پێک تاوانش ڕەگەرزی دلێ زوانەکەی نیشانە بدۆ،نیشانێ فێعلەکان ئینای سەروو یاگێ وێشانە- یۆوەم جارەن دلێ نەسری هەورامی ئی دوە تایوەیوەتمەندیێ وەرچەم گیریاینێ-،حاڵەتە سەرفیەکێ و نیشانێ دەستووریێ شێوازەی یەکدەسشان گێرتەن.
ئاواتوو سەرکەوتەی فرەتەری پەی دادە ئەمینێ.
سەباح جەباری
5/5/1397

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…