یانە گردین پیٛوەنو چڕوچەمی 

پیٛوەنو چڕوچەمی 

160

پیٛوەنو چڕوچەمی 

مەجەلەو”نەشناڵ جێووگرافی”جە تازەتەرین ژمارەی چاپ کریایشنە، بابەتێ سەرنجدار و کرێلیش جەبارەو پیٛوەنو” چڕوچەم “یش  وڵاو کەردەن و وستەنەش وەرو چەمو وانەرا.
یۆ چی پیٛوەنو چڕوچەمیە هینو کناچێوەن بەنامێ”کەتی ئێستابلفیلد”ی کە ساڵەو2014ی و جە سنعەو ۱۸ ساڵەییەنە بە هۆ ناڕەحەتی و خەمی دەرونی و بۆنەو شکەستێو عەشقی و دڵداری،بە تەقنای گولیٛ ئەو دەم و ڕووێش بەشێ فرە جە ڕواڵەت و زەریفیش جە دەس مدٚۆ.
پزێشکی هۆردەستێ جونکاری چڕوچەمی نزیکو۲۲ کەردەوەی نەشتەرگەری سەرو”کەتی”یێوە ئەنجام مدٚا.
ئی پزێشکێ،”کەتی”یێ یەرێ ساڵێ بە ژیوای و زندگی ئومێدوار مکەرا،بەڵام ژیوا و گوزەرانو”کەتی”یە پەیش ناوەشا و بە هۆ نەبیەی لچ و لەوسێ بە سەختی متاوۆ چاشتی بوەرۆ و درکنۆ و قسێ بکەرۆ و سا ژیوایش وەنە تال بۆ.
شۆنیەرە پزێشکێ پەی ئەنجام دای چنڎ نەشتەرگەریێوە  سەرو چڕوچەمو “کەتی”یێ،وەرو ئانەی چەمێش جە قاڵبو ڕواڵەتیشۆ نەترازیا و جە یاگێ وێشانەنە جم نەوەرا؛کەلاوێش ماڕا و پەی ئانەی کە دماتەر لکناشۆ و جۆشش داوە؛ کاردەستێ منیا سەرو چڕوچەمیشوٙ پەی بازسازی دمایینی و پیجۆرە چڕوچەمو ژەنێ مەردێ۳۱ساڵێ پیٛوەن مدٚا بە ڕوەو”کەتی”ێوە.
ئی کەردەوە گەورە و شاکاری نەشتەرگەری چڕوچەمیە  نزیکو ۱٦ ساعەتێش خواینا،یانی پزێشکێ هۆردەستێ،۱٦ساعەتێ خەریکو کەندەیەو و جیاکەردەی چڕوچەمو ئا ژەنێ بیێ کە پێشکەش کەرەو پەیوندی بێ و دماجار لوای سەرو ڕواڵەتو”کەتی”ی کە مەشوٙم ئا چڕوچەمەیە سەرشۆ پەیوەز بدا.دماوە پۆختە چڕوچەمو ئا کەسە مەردەیە(کە پەی کەتییێ،ژەنێو بیەنە کە بە هۆ مەرگی مەژگی گیانش جە دەس دان)جیا مکەراوە و ئی هەرمانە هەناسە بڕیچە نزیکو ۱٥ساعەتێ مخواینۆ تا ئی ڕوێ پەیوەزە دریۆ بە چڕو چەمو”کەتی”ێوە.

پیٛوەنو چڕوچەمی ؛هەنگامێ بەرزە ڕوەو دماڕۆ متمانی پزێشکی و ئانزانی؛ پیٛوەنو چڕوچەمی بەماناو  جیاکەردەی پوختەی  چڕوچەمو  کەسێ(کە توشومەرگی مەژگی بیەبۆ) بە چڕوچەمو  کەسێ تەریش مواچا کە چڕو چەمو وێش جە وەنەقۆمیای سرووشتی یا ئەدٚازایی و توش ئامای سەروکار و هەرمانی،جەدەس دان یام شێوازی ناشیرینێش بە وێشۆ گێرتەن.
پەیوەندی چڕ و چەمی جە سەخت تەرین ودشوارتەرین نەشتەرەری پزێشکی جهانیا کە فرە جار بە ڕێکی و بە حەزو ئا پەیوەندگیرەیە ئەنجام نمەبۆ.
بەڕاسی پارامێترێ پسەو”گرو و جۆرو ونێ”و هەرپاسە گل دای پەڕبەدڵ جە لاو کەسی پەیوەند گیری جە ئەنجام دای وکەردەوەی ئی نەشتەرگەریە موهێم و کرێڵیا.
یوەمین پیٛوەنو نیمەچڵو چڕوچەمی جە جهانەنە سەرو ڕوەو ژەنێ فەرانسەیە بەنامێ”ئیزابێل دینووار”ی ئەنجام دریا.
ئی ژنێ بە هۆ حەملەو توتێوە وەحشی ڕواڵەتێش شپرزبۆ و جە زەریفیش موزۆ و ئی بانووێ ناچارە بۆ نەشتەرگەری پزێشکی پیٛوەنو ڕووێ ئەنجام بڎۆ.
یوەم کەسیچ کە پیٛوەنو چڕوچەمیش سەرۆ ئەنجام دریا ساڵەو۲۰۱۰ینە  ،کشتوکاڵ کەرێ ئێسپانیایی بێ.
بابەتی ئەخلاقی و ساچیای بە دەم و ڕواڵەتو  کەسانی تەری  چی هەرمانێنە فرە موهیما و چێوێ کە مەی وەرۆ و یاگێ پەرسیەن،ئانەن کە کەسێ پیٛوەنگیر جە گردٚو ژیوای و تەمامو عومریش مەشوٙ بە ڕواڵەتو ئانزانی تەری سەربەرۆ و ئی بابەتە نگەرانیوەش پەی مارۆ وەرۆ و بە جۆرێ،خەم ئاوەر و سەختەن کە موزاۆ جە ڕاوچار و موشاورەو ڕەوان ئەشناس و دەروون ئەشناسی بەهرە بگێریو و بەڕاسی ئینە پەی پیٛوەنگیرو چڕوچەمی خەیلێ پەنەوازەن.

دکتر و کەتییٛ
ڕواڵەتی وەڵین و دماین و کەتییٛ
 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…