یانە ئەدەب و هونەر نماو جمعه‌ی

نماو جمعه‌ی

152

نماو جمعه‌ی

مهدی ابری

 

هامن بێ،نیمه‌ڕۆیه‌ فره‌ گه‌رمو جمعه‌ی. باوایچم په‌له‌ش بێ بیاووٙ نماێره‌ .

—ئه‌رێ ژه‌نه‌کی، بۆ به‌ ژه‌قنه‌موتم ئی نان و چایه‌ چێش بی، زوکه‌رە دێرم سه‌ر ئامه‌ .

__خواێنه‌… هه‌وڵه‌هه‌وڵوو چێشیته‌ن.. ها.. ئانه‌ ته‌مامیا، ده‌ دوانزه‌ گوونکێم مه‌نێنێ .

که‌رگه‌یچ به‌ هه‌شت جوجه‌ڵێوه‌ قرازه‌قراز و جیکه‌جیک ،چیلاوه‌ ئارێشاوه‌ چه‌وڵاوه‌ پڕێنێ دلێ خه‌له‌که‌ی .پاوام وه‌روو مامایم یارایاش ملو گردیشا که‌نێ .

منیچ قه‌ڵماسکیه‌ زاڕۆڵانێ ده‌سموه‌ بێ و جه‌ ساعه‌ت نۆوه‌ خه‌ریکوو تیر ته‌قنای بێنا په‌ی سیسه‌که‌ریه‌ که‌ دلێ دلقه‌کانه‌ بێ .نه‌ تاوێنا پێکووش نه‌ ئاده‌یچ په‌رشی .ئه‌ڵبه‌ت پا قه‌ڵماسکه‌ و پا ده‌س و نیشانو منوه‌ مه‌حاڵیچ بێ پێکووش

باوام ڕوه‌ش که‌رده‌ من و واتش کڵۆ کویا ده‌ی واز باره‌ ،کاسیه‌ره‌ په‌ی وێت بیه‌نی چڵۆسکه‌ وه‌روو ئا وه‌ریوه‌ ،بۆ ده‌مو ئا جوجه‌ڵه‌ خۆدا بڕیاوه‌ .

__حه‌ر مه‌کشوش

_ئه‌رێ بۆ ها ،ئینه‌ ته‌ڵاقش بۆ تۆ ئارۆ ئا مریچڵێ کوشی په‌نچ تمه‌نێت په‌نه‌ مه‌ده‌و  ، په‌نچ تمه‌نێ په‌ی منیه‌ که‌ حه‌فتیه‌ به‌شم ته‌نیا په‌نچ قه‌رانێ بێ ،گه‌نجیه‌ بێ په‌ی وێش .

تۆنیه‌م نیا دلێ مانێ و ته‌قنام شانسه‌که‌و باوایم پێکام و کۆشته‌م .وه‌شیه‌نه‌ پام نه‌گنێنێره‌ زه‌مین .باوام واقه‌ره‌ بیه‌بێ ،به‌ بێ قسیه‌ ده‌سش که‌رد به‌خه‌ڵه‌شه‌ره‌ وپه‌نج تمه‌نه‌ش دانی .

ته‌ماشایه‌ ساعه‌ته‌کێش که‌رد و واتش ئه‌رێ ئی نانه‌ نه‌ته‌مامیا ،ئانه‌ سه‌ڵاتشا که‌رد

_ئاخ پیاکه‌ ئاخ ئه‌ر داخی تۆنه‌ په‌لکه‌ی سوور و سیاوم نه‌گێرتوه‌ و سه‌ره‌و وێم هۆرنه‌گێرت ،به‌ تۆ بوو ،ئانه‌ ته‌مامیا چیویه‌ش نه‌مه‌نه‌ن .

باوام ده‌سیه‌ش ئاورد سمێڵه‌کاشه‌ره‌ و سووچوو که‌پره‌کێنه‌ نشته‌ره‌ ،جوجه‌ڵه‌کایچ لوایوه‌ ڕوو به‌ خه‌له‌که‌ی .ئه‌نه‌ ئاما و لوابێ شۆنیشاره‌ هێزش چه‌نه‌ نه‌مه‌نه‌بێ .داریه‌ لاو ده‌سیشه‌نه‌ بێ نه‌ماشه‌ن و فڕه‌ش دا په‌ی جوجه‌ڵه‌کا .به‌ کش تۆپاکه‌یشوه‌ هه‌ر هه‌شتش پێکاێ و گرد تۆپاێ ،یاگێ وێشه‌نه‌ وشک بی ئه‌دا گه‌ورێم وه‌زعه‌کێش دیه‌ که‌ردش به‌ قاڵه‌ ،باوایچم په‌ی ئانه‌یه‌ مه‌عره‌که‌نه‌ به‌رشۆ ویانێش گێرته‌ مانگاوه‌کێ .

ئا به‌سه‌ زوانێتانه‌ ئارۆ ئاوی نه‌داێنه‌ با به‌رووش په‌ی لاو هه‌سارێ و ئاویش ده‌و . تا هه‌نامه‌ش نیا ڕۆ  مانگاوێ پاش گیریا مێوه‌ژێڵیه‌ و به‌ سه‌ره‌وه‌ لوا ،مانگاوه‌یچ سڵش که‌رد و پێچیا ،وه‌خته‌ بێ مڕداره‌وه‌ بؤ به‌ هه‌ر به‌دبه‌ختیه‌ بێ چه‌قوه‌ما یاونا و ته‌نافه‌ما قرتنا .مانگاوه‌یچ نیاش دلێ خه‌له‌ و ته‌ڕه‌کاڵی ،هه‌ڕه‌ش داپۆوه‌ .

باوام چنه‌ دژمانیه‌ش داێ و یاواشیه‌ لوا بێخه‌و تفه‌کێنه‌ کیشیاره‌ گه‌ره‌کمه‌ن بوسوو ،زه‌هریچ نموه‌روو قاوم نه‌که‌ردێنه‌ .

منیچ وه‌شی په‌نج تمه‌نیه‌که‌ینه‌ وێشیرینیم که‌رد و واتم باواگیان ئه‌ێ نماکێ جمعه‌ی؟.

کۆره‌ باواو کۆفت نماو جمعه‌و چێشی ؟

پی به‌خت و ئێقباڵوه‌ ئارۆ ڕوه‌ش که‌ردێنانه‌ ،بلوو په‌ی مزگی مه‌ڵا جیاتی وه‌رنمایی بۆ به‌ چۆپیکێش و خه‌ڵیفه‌یچ بۆ گۆرانی واچوو که‌راش به‌ ڕه‌شبه‌ڵه‌ک .

با به‌ داخه‌و وێموه‌ گنووره‌ .تا په‌نچ تمه‌نیه‌که‌یم چه‌نه‌ نه‌ستێنیوه‌ بڕه‌مه‌ ئا جووجه‌ڵا به‌ره‌ وزه‌ لاو ده‌ره‌ی په‌ی تووته‌کا  ، سه‌ره‌ش نیاوه‌ و وت .

 hewraman
  • خێزنای شیٛعریٛ و ئایرەکاش

    خێزنای شیٛعریٛ و ئایرەکاش عادل محەمەد پور زەنجیرە باسێوە تێئۆریکیێ شێعرێ سەردەمیانێ * بەشو…
  • ئەحمەق

    ئەحمەق نویـسەر: ئانتوان چێخۆف هوٙرگیٛڵنای جە ئێنگلیسیوە: فەرشید ڕوستەمی چن ڕوێ چێوەڵتەر یو…
  • فەتە دیپلوٙمش گیٛرتەن

    مامۆژەن«عەینا»ومامۆ«عەبە» وەشیێ وەختا با ئاندٚەتەر. جەوەشیێنە پاشا ئەرە زەمین مەگنۆ. «فەتە…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…