یانە هەواڵیٛ کۆنیشتو گەورەگیٛرتەی کەسایەتی نامی”سید عبداللە بڵبەری” دانامە و شاعیرو هەورامان زەمینی

کۆنیشتو گەورەگیٛرتەی کەسایەتی نامی”سید عبداللە بڵبەری” دانامە و شاعیرو هەورامان زەمینی

145

کۆنیشتو گەورەگیٛرتەی کەسایەتی نامی”سید عبداللە بڵبەری” دانامە و شاعیرو هەورامان زەمینی

یانەو فەرهەنگ و ئەدەبوو بێسارانی هەورامانی بە هامکاری زانشگا پەیام نوروو شاروو مەریوانی بەرۆ ڕاوە

بابەتی سەرینیو کۆنیشتەکەی:
۱-وەزعیەتو وئاژەی فەرهەنگی،کۆمەڵی، و سیاسی زەمانو “سیدعبداللە”ی
۲-شیکاری و وردوینی سەرو ئەندیشە و ئاوەزی دینی،ئەدەبی،عیرفان و زانشتی”سیدعبداللە”ی
۳-کتێب شناسی و پەیجۆری و تاوتوکەردەی نوسخێ”سیدعبداللە”ی
٤-یاگەدەسو”سیدعبداللە”ی جە ئەدەبیاتو هەورامانی تایبە جە زەمینەو شیعرێنە
٥-ئامەیرە ودۆستایەتی”سیدعبداللە”ی چەنی شاعیر و دانامێ و هەرپاسە بەگزادٚەگاو هەورامانی
٦-یاگەدەسو کەردەوە و کەسایەتی “سیدعبداللە”ی جە وڵاوکەردەی و گەشەی دینی،تایبە جە زەمینەو  “فقە،نحو،منطق،و تصوف”جە هەورامانەنە

دمایین وادٚەو کیاستەو دەقو بابەتا: ۲٥وئاوەوەرەی(شهریور)
هەواڵو گل دایۆ بابەتاو نویسەرا: ٥ و ترازیێ(مهر)
ڕۆ لواڕاو کۆنیشتی: ۱۹وترازیێ(مهر) ، وەراوە بە 11/10/2018 عیسایی

دەبیرخانەو کۆنیشتی: مەریوان،یەرەڕاو”نێ”،زانشگاو پەیام نوروو مەریوانی.
سۆڵاوا،ئیدارەو فەرهەنگ و ڕانمونی ئێسلامی،ئەنجومەنو فەرهەنگی ئەدەبی بێسارانو هەورامانی.
یاگێ لواڕاوەو کۆنیشتی:زانشگاو پەیام نوروو مەریوانی.

فەرماودیٛ بە کوڵی و پوختی ژیوانامەو سید عبداڵڵە بڵبەری : 

سیدعبداللە”بڵبەری گەورە دانامە و شاعیری هەورامی جە ساڵەو ۱۲۷۰ی کۆچی مانگی جە دەگاو کەلجی هەورامانی بەدنیا ئامان.
وانای وەڵین و سەرەتاییش هەر جە دەگاو کەلجی هەورامانی دەس پەنە مکەرۆ و پەی درێژەدای بە وانای و پاشکەوت کەردەی ئاوەزو و ئەندیشەی زیادٚتەر ڕاویارو شارو ”  سنە،سابڵاغ،بۆکان،کەرکوک و سلێمانیە و بەغدٚاوعێراقی بۆ و جە ئەنجام مسیارنامەش جە مەحزەرو ئوستادێ ترک زوانی جە دەمێشقو شاماتی مگێرۆ.

گوزەرانو”سیدعبداللە”ی پیجۆرە ملۆ وەرۆ تا جە بیارێ میاوۆ خزمەتو”شیخ عُمرضیاءالدین”ی نەقشبەندی و بە موچیاری و ئێرشاد و ڕانمونی شێخ عومەری مەیوە پەی بڵبەری و جە ساڵەو ۱۳۱۹ی کۆچی مانگی دەس کەرۆ بە سازنای و کەردەیەو خانەقاو بڵبەری و تا ئاخرو عومریش چی دەگایە سەرکەرۆ.
“سیدعبداللە”بۆ بە ئیمام جومعەو و جەماعەتی و ڕاوەبەرو ڕانمونی ئێسلامی و گوشایشو لکە کوٙریٛ و گرفتێ خەڵک و یاوای بە هەرمانێ دینی تەریقەتو”قادری و نقشبندی”بە گەردەن مگێرۆ و با خاستەرین شێوە بەرۆشا ڕاوە.
بەڕاسی هۆردەستی”سیدعبداللە”جە زمینەو زانشت و وانای و نویستەی،یاگێ باسیەن ومایەو شانازی هەر تاکێ هەورامی زوانی.
جە”سیدعبداللە”نزیکو ٥۰۰۰ بەیت شیعرێ جە زەمینەی مۆچیاری و تالیمی و ۲۷ دەست نویسی جە زانشتی جۆراوجۆری ئێسلامی پسەو:”نەحو،کەلام،تەسەووف،فقە”بە یەرێ زوانی هەورامی،فارسی،عەرەبی،بە یادگار مەنێنێ.
نزیکو ۱۳نوسخێ دەست نویسی”خط”یش مەنێنێ و داخەی گرانە تا ئیسەتێ فەقەت “مەولود نامە”ش چاپ و وڵاو بیەن.
“سیدعبداللە”جە ساڵەو ۱۳٥٦ی کوچی مانگی جە هەوارو”دەرەویان”چەمێ ئەو دنیای فانی بەسۆ و گێڵۆوە لاو پەروەردگارو وێش و جە دەگاو بڵبەری ئەسپەردەو خاکی مکریۆ.

وەڵاوگەو هەورامانی 

 

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

زیانیٛو پاڵای پاژنە بەرزی پەی خانما

زیانیٛو پاڵای پاژنە بەرزی پەی خانما فرەو ژەنا دلێ زەماونڎ و مێمانیا و…حەز مکەرا پاڵا…