یانە هەواڵیٛ پەڕتافنای کنوکاشکەرو”پارکێر”ی ڕوەو ڕۆجیاری

پەڕتافنای کنوکاشکەرو”پارکێر”ی ڕوەو ڕۆجیاری

168

پەڕتافنای کنوکاشکەرو”پارکێر”ی ڕوەو ڕۆجیاری

کنوکاشکەرو”پارکێر”ی ۲۰ وگەلاوێژو ۲۰۱۸ی عیسایی (۱۱وئوتی)جە پایگای ئاسمانی”کیپ کاناورال”و فلوریداو ئامریکای کیاستەو ئاسمانی بی.
کۆکەردەی  زانیاری جەبارەو “وا” ی و چەنیەتی تاجەو(کرونا) ڕۆجیاری و ئاشنایی کامڵ و پۆختە جەبارەو ئی هەسارە گەورە و پەڕتیشک و داخەیە، ئەرکی سەرین و سپاردەبیە پی کنوکاشکەرەیەنە.
“نیکلافاکس″یۆجە تاوتوکەر و زاشمەنداو ئی پروژە زانشتیە جە واتو واچیٛوەنە چەنی “ئسپێس″ی واتش:
ئەرک و ماموریەتو ئی کنوکاشکەرەیە، لوای ڕوەو دمایین یاگێ نەشناسیا و گەورەو سامانەو ڕۆجیاریا.
ئی کنوکاشکەرە یەرێ ئەرکێ سەرینێش هەنێ وپەیش دەست نیشان کریاینێ: چەنیەتی گەرم بیەو ئەتمۆسفرو تۆی بەرینو ڕۆجیاری؟
ساختارو”وا”ی ڕۆجیاری کە هۆرگیرو زەڕێ بارداریەن و چەنیەتی تەشک گیریشا؟
پەی بەردەی بە چەنیەتی و دلێنو تۆفەی گەورێ”یا سونامی ڕۆجیاری (متەی بار و جرمو تاجەو ڕوجیاری)و تاوتو کەردەی ئی پروسەیە؟
جواب دای ئی پەرسا هەنگامێ گەورێنە پەی شناسنای  چالاکی هەسارێو ئەوپەڕو سامانەو ڕۆجیارینە و هەرپاسە وەروینی چالاکی و کەردەیوەو هەسارەو ڕۆجیاری.پەی نمونەی متاومێ بە کارئامەیی بڕێ جە چالاکیێ ڕۆجیاری پسەو”وا”ی ڕۆجیاری سەرو گۆزەمینی و شێونای و شپێرزکەردەی پەیوەندی سەتەلایتی و تێکدای  شەپۆلەو ڕادیویی ئیشارە بکەرمێ.
ئیسەتێ ڕۆجیار ئینا جە ئاژەی ئارامەنە بەڵام تا چن ساڵێ ئایەندە دیسان ڕەوەندو تن بیەی چالاکی و سوخت و سازیش دەس پەنە مکەرۆ و زانشمەندێ ئۆمیدوارێنی تا ۷ ساڵێ ئایەندە بتاوا تاوتوی زانشتی سەرو ڕۆجیاری ئەنجام بڎا.
زانیاری فرە جە چنها ئاسمان گێڵێ تا ئیسەتێ جە کەردەوە و ئاژەو ڕۆجیاری کۆکریان و وڵاوێ بیێنێ،بەڵام هیچکام توانایی ئی کنوکاشکەریشانە نیەن و ئینەیچ جە جیاوازی کاری و تایبەمەندی کنوکاشکەرو”پارکێر”یا.
زانشمەندێ سازنەرێو ڕۆجیار پیمو پارکێری ئۆمیدوارێنێ بتاوا جە ۷ساڵێ ئایەندەنه فرەو جە کەردەوە و چالاکی ڕۆجیاری بوزا چیرو چەمدٚاری و ئانالیزو وێشا.
سۆلارپارکێر وەڵ جە گردٚچێوێ و هەر جە سەرەتانە،کیاستەو بازنەو گۆگێڵو زوهرەی(سیارە زُهرە,Venus)بۆنە تا بە کەڵک گێرتەی جە هازەو”گرانش”ی ئی سەیارەیە جە کرژی جمای بگنۆ.ئی بەشە جە هەرمانێ مشیۆ جە ڕۆدیارو ۱۰وترازێێ(۲ێ ئوکتۆبری) بلۆڕاوە،وەرو ئانەی ئی کنوکاشکەرە بە کەم بیەی کرژی جمایش خاستەر و بە ڕێک و پێکی فراوانی متاوۆ وێش نزیکو ڕۆجیاری بکەرۆ پەی هەرمانانێ دمایین،یانی مشیۆ یوەمین پلەی جە سەقامگیری دەورو بازنەی ڕۆجیاری تا ۱٤وگەڵاخەزانی (٥نوامبر) جە لاوکنوکاشکەرو”پارکێر”ی ئەنجام دریۆ.
ئاسمان پیمو”پارکێر”ی مەشوٙ جە ماوەو ۷ساڵانە، ۲٤جارێ بگێڵۆ دەورو بازنێ دەوروبەرو ڕۆجیاری و جە دمایین پلەو ئی هەرمانێ جە ساڵەو۲۰۲٥ی،جە دورایی ٦میلیون کیلومێتەری جە ڕۆجیاری یاگە گیر بۆ و سەقام بگێرۆ.ئی بازنەی دمایینە ئینا جە بەشو “تاج ـە”و ڕۆجیاری.
تاجەو ڕۆجیاری، گەرمتەرین و جە واقع داختەرین بەشو ئەتمۆسفرو ڕۆجیاریا و پەی وەرگیری جە وەراوەرو پێسە گەرمای فرەی،پەنەوازا کە ئی کنوکاشکەرە بە تفاق و ئەوپەڕو کاردەستی عالی ڕازیابۆوە.
دەما و بۆقو گەرماو(دما وحرارت)بەرو کنوکاشکەرو”پارکێر”ی جە کەمتەرین فاسڵە و دوریش بە ڕۆجیاری، نزیکو ۱۳۷۱ دەرەجەی سانتی گرادیا و پی بۆنەو تۆی بەرین وسپەرێ ڕۆجیارگیری جە کامپوزیتی کەربونیشا پەی سازنان تا گەرما و دەماو دلێو کنوکاشکەرەکەی تا ۳۰ دەرەجە سیلیسیوس بوەزۆرە و پارێزیو و توشو زیان و خرابی نەبۆ و جە کار نەگنۆ.سازکەردەی ئی تۆبەرینو پارکێریە نزیکو ۷ساڵێش خواینان.
دوربینو(کامیرا)”وایدفیلدئمیجێر”،یۆ چا کاردەستانەنە کە بڕیارا وێنێ ڕێکێ جە دەوروبەرو”پارکێر”ی بگێرۆ.
هەرپاسە دەستگایە بە نامێ”فیلدز″ی کارو ئەندازەگیری بازنێ ئیلێکتریکی و “میغناتیس″و دەورو ڕۆجیاری ئەنجام مدٚۆ پەی مودێل سازی و ئانالیزی دمایینی.

ئارمانو ” وەرپیٛک ” هەرمانێ، بەرڕەسی و وردبینی و ئێستەیەو و چەنی بیەو پەیوەندی ئی مێدٚان و گلێرگانە چەنی زەڕێ بارداری پلاسمای ڕۆجیاری و تاوتوی فرەتەری زانشتیەن.
ئی زەڕێ هۆکارو وەش بیەی و تەشک خۆڵقناو”وا”ی ڕوجیاریێنێ.
جەواقع شناسنای  فرەتەرو”وا”ی ڕۆجیاری کە بە “هواشناسی ئاسمانی” مشناسیو و کاریگەری فراوانێش سەرو کەردەوەی سامانەی ڕۆجیاریوە هەن، جە ئەسڵی تەرین پەنەسپاریاو کنوکاشکەرو پارکێریەن.
نامێ ئی ئاسمان پیمایە جە زانشمەندێ فیزیکزانی ئامریکایی خەڵکو شیکاگوی بەنامێ:

“Eugene N Parker”گیریان.
پارکێر یوەمین کەس بێ کە سەرو بابەتو”وا”ی ڕۆجیاری لوا و باسش کەرد و هەرپاسە”ناسا”یچ پەی یوەم جاریەن کە نامێ ئانزانێو زینەیش نیان سەرو ئاسمان پیمو وێش.
“سۆلارپارکێر”نزیک بە یەک میلیارد و پانسەو هەزار دولارێش پەی هەزینە و تەرخان کریان و ئەرک و بەڕاوبەردەی
کاریش تا ساڵەو ۲۰۲٥ی مخواینۆ.

پەڕتافنای ئاسمان پیمو”پارکێر”ی ڕوەو ڕۆجیاری
“Eugene Parker”

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…