یانە گردین هەژدیهاو کومودوٚی(komodo dragon)

هەژدیهاو کومودوٚی(komodo dragon)

209

هەژدیهاو کومودوٚی(komodo dragon)

گیانەوەرێ بە تاپۆی تەرسناک وزاڵەترەکن ، نیشتەجاو میان ئاوو کومودوٚ ئەندونزی و دەوروبەریش(ئوسترالیا و..)،درێژی ئی هەژدیهایە نزیکو یەرێ میترێ وتوانایی بێ وێنە جە مەلەکەردەی و هەرپاسە هۆروەستەی بە دار ودرەختیش هەن و دیدو چەمیش ئیناسەرۆ و تواناو دوروینایش تا یەرەسەو میترێ میاوۆ.
قلێچکێ وڵمانی(ماهیچەایی) و بە تواناش هەن و عانو دەرگیری چەنی گیانەورای تەری بە عالتەرێن شێوە چەنەش ئێستفادە مکەرۆ.
زوانو ئی گیاندارەیە جە ڕەدگیری یاگەپای و بۆ بەرئامەی فرە کارئامەن ، پەی ڕاوکەردەی،وێش مدٚۆ پەنا و بە شێوازێ فرە هوشمەندانە مڵاس مگێرۆ و دماجار تەپ مەکوۆ سەرو نەچیرەکەیش ، و بەڕاسی ڕاوچیێ هۆردەستەن.
هاروێ و کەلاوێ بە قوەت و زوردارێش هەنێ و سەخت تەرین گۆشت و حەتا پێشەوپەڵای گیاندارانیچێش پەنە هاڕۆ،ئینەیچە مگێڵۆوە پەی ساختارو دڐانانێش کە فرە تیژێنێ ، ئی گیاندارە گۆشت وەرەن و دماو ڕاوەو خوراکەکەیش،تەنیا دوانزە جە سەدٚو لاشەو ئا شکاریە مازۆ جیا و ئەوی گردٚ موەرۆ. ڕینگی دەمو ” لیکە ” و ئی گیاندارەیە نزیکو پەنجا جۆر باکتریێکوشەندیش چەنەنیٛ  و عانو گازی گێرتەی،گردی مەمجۆ دلێ بەدٚەنو نەچیرەکەیش .
ئەر حەیوانی دما گازەو ئی هەژدیهایە بتاوۆ بەرشۆ،ئننە شانسو زینەبیەیش نیەن،وەروئانەی ئی ڕینگێ پسەو ژەحرێ کوشەندە و خەتەرناکیا و دماو چنڎ ساعەتێ ئا نەچیریە جەبەین بەرۆ.
هەژدیهاو کومودوٚی تا دە ساعەتێ مگنۆ شۆنەو نەچیرەکەیش و بە ئارامی و نەتەرسی منیشۆ دیارو تا نەچیرەکە جە پای بگنۆ و ئیجا بوەرۆش.
کومودوٚ متاوۆ گیاندارێ بە گەورەیی دە وەراوەرو وێش ڕاوە بکەرۆ و ئینەیچ جە تایبەمەندی ئی خزۆڵکەیەنە.
هەژدیهاو کومودوٚی جە دمامەنەو چینو دایناسۆرانەن و بەشێ جە قەدٚیمیتەرین گیاندارانو سەرو زەمینیەن کە تا ئیسەتێ مەنەن.
بابەتێ جالب و سەرسڕئاوەر جەبارەو هەژدیهاو کومودوٚی بیەو تایبەمەندی و ویژگی کەردەوەی نێرمایی ئی گیاندارەیەنە، پیجۆرە کە جنسو مایینو ئی خزۆلکەیە متاوۆ بی کەردەوەی نیرمایی و هامسەرگیری،بە شێوەو”وێ زایی “(بکرزایی)حەتا بێ ئانەی هەر چەنی جنسو نێری لکا و پەیوەندی نێرماییش بۆ،هێڵێ بکەرۆ و بەچۆلەکێش بە دنیا بارۆ و بەڕاسی کەم جانەوەرێ پێسە تایبەتی بەچکەدیەیش هەن و ئینەیچ بیەن هۆ ماندگاری و مەنەی تخم و نژادو هەژدیهاو کومودوٚی.
بەچۆلێ کە پیجۆرە جە هێڵەی بەرمەیا،گرد نێرینێنێ!! و شۆنەو وێگێرتەی نێرمایینی(بالغ جنسی)، چەنی کومودوٚی ئەدٚایشا کەردەوەی جنسی ئەنجام مدٚا و هەیتاهەیتا پیجۆرە زاوزێ مکەرا و بەچۆلێشا با.
ئی گیاندارە بەشکۆوە ئینا مەتەرسی جەبەین شیەیی و ئینا جە نمودارو گیاندارانی جە مەتەرسی قڕکەوتەی جهانی و تائیسەتێ میلیونها دولار هەزینەو پارێزنایش پەی تەرخان کریان.
ئی گیاندارە بەشێ جە زەنجیرەو ئیکوسیستمو میان ئاوو کومودوٚیا و نەخشێ کرێڵی بەشێ جە ترازو ژیوای جانەوەری ئی میان ئاوە و هەرپاسە یاگانێ تەری جهانیش هەن.

 

بەچۆلەو کومودۆی کە بە شێوەو”وێ زایی”[دلێن ئامێتەی جنسی]بە دنیا ئامان
خەرمانەو ژیوگاو هەژدیهاو کومودۆی

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…