یانە هەواڵیٛ دیڎارو یاوەر هەورامی لوا ڕاوە

دیڎارو یاوەر هەورامی لوا ڕاوە

165

دیڎارو یاوەر هەورامی لوا ڕاوە

 

ئاروٙ چوار شەممە 2018 / 8 / 8  سەنتەر و گەشەدای چالاکی لاوا  ئوٙفیس و خورماڵی هوٙرئیٛست بە ساز کەردەی دیدارێ تایبەتی پەی هوٙنیاری کوٙچکەردە و هەورامانی ( ئیبراهیم عبدالکریم ) ئەشناسیا بە یاوەر هەورامی جە هوٙڵ و گوڵعەمبەری جە خورماڵنە ، بە ئامادە بیەی فرەو ئەدیب و ڕوٙشنویر و دوٙسو یاوەارا هوٙنیاری .

چی دیڎارەنە  ژیواینامەو هوٙنیاری و بەرهەمەکاش ئانارەشا دریا پەنە و هەرچا دیڎارەنە یوٙ تەر جە بەرهەمەکا هوٙنیاری کوٙچکەردەی بەنامیٛ ( محمد د.خ سالاری مەدینە )  وەڵاو کریاوە .

هوٙنیار زیاتەر جە ( 15 ) بەرهەمیٛ چاپکریٛش هەنیٛ و چنڎ بەرهەمیٛش مەنیٛنیٛ کە چاپ کریاو گنا وەرچەماو وانەرەکاش .

یاگیٛ باسکەردەین  هوٙنیار بە بەرهەمەکاش خزمەتیٛ فرەش بە ئەدەب و هوٙنیاو هەورامانی کەردەن و دەسیٛ باڵاش بیەن جە ژیونایۆ و زیننە ئاستەی  زوانو ئەڎایی ویٛش کە زوانو ( هەورامی ) ن .

هوٙنیار بابەت و هوٙنیایەکاش زیاتەر جە دەور  و ( ئاین ، نیشتیمان پەروەری ، پەروەردە  )ینە گیٛڵیٛنیٛ ، بیٛجگە چانەیە کە تەمام و هەوڵەکاش پەی ئانەی بیەن بەرهەمەکیٛش  جە خزمەت و هەورامانینە باو وە هەمیشە سروشتە زەریفەکەو هەورامانی فرەیی هوٙنیاکاش داگیر کەردەن و ڕەنگش دانوٙ دلیٛشانە .

جەدمایی دیدارەکەینە خەڵات و ڕیٛزنیای  ئەو خانەوادە و هوٙنیاری جە لاو ( م. جەمال بیٛدار )ی ، نویسەر و هوٙنیار و هەورامانی و یاوەر و هوٙنیاری کوٙچکەردەی بەخشیا بە خانەوادەکەیش .

هوٙنیار  2018/ 4 / 26  جە مەراسیمیٛ تایبەنە کە پەی شەهیدا ئەنفال و خورماڵیٛ سازکریابیٛ ، دمای وانایوٙ هوٙنییٛوە چا مەراسیمەنە  بە نونگەو ( سەکتە و دڵی )وە کوٙچ و دمایش کەرد ،  بە لوایش کەلەلەبەرێوە گەوریٛش وستە دلیٛ خزمەتکارا زوان و فەرهەنگو  هەورامانی .

 

ڕیٛباز گوڵپی  / شارو خورماڵی

2018 / 8 / 8

فوٙتوٙ : شەماڵ

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…