یانە زانای سەلمیای و دیەی”یوفۆ”ی جە جەمسەری پانیشتنە دماو چنها ساڵیٛ

سەلمیای و دیەی”یوفۆ”ی جە جەمسەری پانیشتنە دماو چنها ساڵیٛ

228

سەلمیای و دیەی”یوفۆ”ی جە جەمسەری پانیشتنە دماو چنها ساڵیٛ

قوٙمیای ئی ڕوەداوەیە مگێڵۆوە پەی ساڵەو1965ی عیسایی و ڕاس بیەیش بە چنها بەڵگە و سەنەدێ دماو چنها ساڵێ سەلمیان.
چی ساڵێنه(۱۹٦٥) جە ڕاسەرو یۆ جە میان ئاوێو جەمسەری پانیشتی بەنامێ”دیسێپشین”ی ،چێوێ پسەو یوفۆی دیاریش دان و کەوتەن وەرو چەمی.
۱۸ساڵێ دماو حکایەتەو کەوتەیرەو یوفۆی جە”ڕازوول”و نیومکزیکۆی،جە چنها ڕۆنامێ جهانی باسو دیەو یوفۆی جە جەمسەری پانیشتی نویسیاو و کەوت جبەر و دۆستدارێ ئاسمان و گیاندارانی متافیزیکیش دڵبەستە کەرد و خەڵک فرەتەر شۆنگیرو ئی جۆر بابەتانە بی.
ڕاپورتو پەیدٚابیەی یوفۆی جە پایگاو ئارژانتین و شیلی جە میان ئاوو “دیسێپشین”و جەمسەری پانیشتی بەڵاجەوی و سەرنج دار بێ.
ڕاسی ئی ڕووەدایە و ویناو یوفۆی جە جەمسەری پانیشتی جە لاو وەڵاتاو ئارژانتین و شیلی کەوت بەرۆ و لوای سەرشەرە، بەڵام پایگاو ئێنگلیسی، ئی بابەتەشە شاردۆ و بابەتێ سەلمیا و ڕەسمیش چی بارەو نەوست بەرۆ.
دەوڵەتو بریتانیای جە ساڵەو ۱۹٦٥ی تا ماوێ چیوەڵ بە هیچ جۆرێ ددٚانێش نەنیا سەرو ڕاسی ئی بابەتیە و چی بارەو قسەو وباسێ نەوێ تا ئینە کە بەڵگەو و ئەسنادێ کەوت جبەر کە نیشانە مدٚوٙ جە میان ئاوو “دیسێپشین”ی یوفۆشا دیەن و ئی بابەتە ڕاسەن و حەتا ئی بەڵگە،داراو سەرلاپەڕەو ڕەسمی گلێرگاو تاوتوی زانشتی جەمسەری پانیشتو وەڵاتو بریتانیایەن.
ئی بەڵگە جە ڕۆدیارو 22ێ ئوکتۆبرو ۱۹٦٥ی بە دەسی گەراڵێ نامی جەمسەری پانیشتی بە نامێ “سرویویان”ی مۆر و کڕەنویس(امضا) کریان و دماتەر کیاستەو وزارەتو وەرگیری بریتانیا و وەزیرو وەرگیری ئی وەڵاتیە بیەن.

جە دلێن نویسو ئی بەڵگەیە پێسە ئامان:
پایگاو کنوکاشی زانشتی پانیشتگای (جنوبگان) جە ڕۆدیارو۱۲وجولاو ئێساڵی(۱۹٦٥)،جە میان ئاوو “دیسێپشین”و جەمسەرو پانیشتی ڕاپۆرتێش کیاستەن پیجۆرە:
پایگاو ئارژانتینی جە میان ئاوو دیسێپشنی،تیشکێ ڕەنگامەش جە ڕوانو۷و۲۰و ژوئەنی و۳و جولای دیەن و گوزارشێش کەردەن.
پایگاو وەڵاتو”شیلی”یچ هەرپاجۆرە ڕاسەرو ئی میان ئاویە و بە هەمان شێوە پێسە چێوێشا دیەن.
جە پایگاو وەڵاتو ئێنگلیسیچ تیشکانێ بە ڕەنگەو زەرد و سور و سەوزی کەوتەن وەرو چەمی.سەیرو گێڵاو ئی تیشکانە جە لاو سەرنیشت پەی وەرنیشتی و دوبارە بە لاو سەرنیشتی کیشیان و چاگەیچ بە ماوەو ۲۰ دەیەقێ دیاریش دان.

[ئی زانیاریێ کە سەرەنە واچیای تەنیا بۆنەو فشارو میدیای پسەوBBCوNBC نویستەنم و دانم جبەر. سپاس٫وی ئی فوچێز]

زەنجیرەو چەم پەنە کەوتەو یوفۆی جە وشکایی پانیشتگای جە۷وژوئەنو۱۹٦٥ ی دەسێش پەنە کەرد، ئا عانە هەواشناسێ ئارژانتینی بەنامێ”خۆرخە ئێستانیچ” جە دوورایی دووە کیلومێتری ،تیشکێ زەردڕەنگە موینو و ئینە مدٚوٙ کەڵکەڵەو زەینیش و پەیش جالبا ، ئی تیشکێ ئننە نمەخواینۆ و دماو چن سانیێ گمەبوٙ .
جە بەڵگە و دەس نویسو ئی هەواشناسەیە ئامان : ئی چێوە نورانی و بە تیشکی ڕەنگی،نزیکو ٥۰ میترێ “گلێرگای خەتی”ش بیەن و ڕۆی دماتەریچ هەمتەر کەوتەن وەرو چەمی.
جە ۱۸و ژوئەنی،ئەرەنیشتێو پایگاو”شیلی”یچ چی میان ئاوەنە چێوێ ڕەنگامەی زەرد و سور و سەوزشا دیەن و بە جۆرێ کە کرژی جمای زیگزاگیش بیەن و بە ماوەو ۱٥ دەیەقێ جە ئاسمانەنە دیاریش دان.
هەرپاسە جە ۳ێ جولای، ۹ کەسێ بە شێوەی هام زەمان گێڵاو چێوێ نورانیشا دیەن کە بە ماوەو ۲۰ دەیەقێ پسەو عەدەسیە(دەوری ئاسای) گەورەی جە ئاسمانەنە جما و جوڵەش بیەن،هەرپاجۆرە ۲ێ دەیەقێ دماتەریچ،۱۷کەسێ جە پایگاو ئارژانتینی هام زەمان ئی چێوشانە ڕاسەرو ئی میان ئاوەیە دیەن….

ئینە تەنیا یۆ جە چنها بەڵگە و سەنەدێوا کە جەبارەو یوفۆ و چێوانێ ئاسمانی چی چن ساڵەنە کەوتەن بەرۆ و سەلمیاو گیاندارانی ئاسمانی و مێتافیزیکیش بەرەو ڕاسی نزیک کەردەنۆ.
هەڵای خەیلێ جە بەڵگە و ئەسنادێ یوفۆی جە جهانەنە و تایبەت جە ئامریکا و چین و…جە قاڵبو سڕی و ئەوەشاریای نەترازیاینێ و نەکەوتێنێ جبەر کە پێش بینی مکریۆ جە دماڕۆیە نزیکەنە بڕێ تەر چی بەڵگە کرێڵیا گنۆ بەرۆ و نهانو گیاندار و دەوری باڵداری ئاسمانی پەی فرە کەسی ئاشکرا و ڕۆشن بۆوە.
ئیسەتێ جە وەڵاتو چینی میلیونها دولار هەزینەو ئێستەیەو و موتالێعاتو چێوانێ ئاسمانی مکریوٙ و جە سەرتاسەرو جهانی و تایبەت جە ئامریکانە داواکەر و عەلاقەمەندێو بابەتو یوفۆ و…ڕوبەڕو فرەتەرێ با.
چنڎ دانێ مەجەلە و چنها ئەنجومەنێ دوستدارێ گیاندارانی ئاسمانی جە جهانەنە پایشا گێرتەن و وەشێ بیەنێ و حەتا بیمەو مافو پارێزنای جە هوتەرەو گیاندارانی ئاسمانی پەی ئانزانی جە ئامریکانە چالاک بیەن و فرەکەس چی بارەو خەریکو هەزینە کەردەیەنێ!!
پانویس:
UFO
٫Unidentified flying object
یوفۆ٫بشقاب پرندە٫شی ناشناس فضایی٫دەوری باڵدار٫چێوی ئاسمانی٫دەوری ئاسمانی٫

کشوەرو ئامریکای٫وێنێو قەدٚیمی جە”یوفۆ”ی ساڵەو ۱۹۲۹ی

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…