یانە گردین ورەتەی زانیاری کاربەرێو”فەیسبوک”ی

ورەتەی زانیاری کاربەرێو”فەیسبوک”ی

159

ورەتەی زانیاری کاربەرێو”فەیسبوک”ی..!!!

“فەیسبوک”بە کەڵک گێرتەی جە نەرم دەستیارو(نرم افزار)هۆشی ناسرووشتی،کەردٚەوە و ڕەفت و نویسەو کاربەراو وێش دەستەبەندی مکەرۆ و مڐۆش بە شێرکەتانێ تەبلیغی و پروپاگاندای گەورێ جهانی.
جە هەواڵێ کە”میل ئانلاین”ی دانش جبەر،ئی نەرم دەستیارو هۆشی ناسروشتی فەیسبوکی متاوۆ گرڐو ڕەفت و نویس و کەرڐەوەو کاربەرانش پێش بینی بکەرۆ و دماجار بورەشۆش بە شرکەتانێ گەورەی پەی هەرمانانێ دمایینی!! و شناسایی ئەندیشە و زەین و ڕەفتارو سیاسی و….
چی دماوە بەڵگە و ئەسنادێ کەوتێنێ جبەر کە شێرکەتو فەیسبوکی بە بڕێ جە شێرکەتانێ ئامریکایی و ….ئیجازەو دیدبانی و چەم وستەو سەرو پەیام و نویستەو کاربرانیش دان و پی بۆنەو میلیونها دولارێش بەدەس ئاردەن.
ئی سیستمە بە”وەر وینی وەفاداری و یەک ڕەنگی”!!! نامێش بەرکەردێنە و گرڐو ئا زانیاری و ئاگایی و ئێتلاعاتو کۆبیە و پاشکەوت کە ئینا جە پروفایلو کاربەرانشەنە،منیۆش چیروودەسو ئی کومپانیانە ، ئی زانیاری وئێتلاعاتە،گردٚونیاز٫ئەندیشە٫ئاوەز٫شێوەوفکر و ئێدولوژی و ئایین و حەتا سیپاڵ و پوشش!! کە وابەسەیی کاربەرا بە جەریان یا سیاسەتێ تایبەتی بە کودێ تایبەت نیشانە مدٚۆ موزۆ ئیختیارو ئی کومپانیا پەی شیرە بیەی دماجاری و وستەو بەرەو ئی زانیارانە و ورەتەیشا بە دەوڵەت یا گلێرگانێ ئەمنی و سیاسی و…
فەیسبوک ماوێ چیوەڵ،ئێتلاعاتو 50 میلیون کاربەرا وێش،نیاش ئێختیارو شرکەتێ ڕاوچار و مۆشاورێ سیاسی٫ئەمنی و پارێزگایی وەڵاتو ئامریکای، کە ئی کارە قاڵێ فرەش هۆرخێزنا و بی بە بهانێ و ڕسوایی پەی ڕەییس و کارمەندێ ئی شێرکەتیە تا ئا یاگێ کە”مارک زاکربێرگ”،مەحکوم بی و چڕیا پەی کونگرەو ئامریکای پەی جواب دای بە دزەو ئیتلاعاتو50میلیون کاربەرێ جهانی و دەس یاوای ڕاحەت پی ئیتلاعاتیە.
زاکربێرگ داواو بەخشش و چەنە ویەردەیش جە کونگرەو ئامریکای و هەرپاسە گرڐو کاربراو فەیسبوکیش واست و واتش:ئی شێرکەتە جە زەمینەو پارێزناو دادە و ئاگایی خسوسی کاربەراش کۆتاییش کەردەن و قەولش دا وەرو ئێستفادەی نادروستو ئاکەسا مگێرمێ کە دەسشا یاوان پی ئێتلاعاتیە.
شۆنیشەرە بڕێ جە سێناتورێ ئامریکای جەبارەو یاسا و قانونو فەیسبوکی و دوپێک نەبیەو ئی ئاژەی چەنی زاکربێرگی قسەوباسشا کەرد کە زاکربێرگ قەوڵو هامکاریش دا و بە سوری سەرو ئی بابەتیە لوا کە دماڕۆ تۆڕو کۆمەڵی فەیسبوکی،دماڕۆیە ڕۆشن و عالەن و پارێزیاو ئاگایی و ئێتلاعاتو کاربراو فەیسبوکیش بە ئەرکی سەرینو شێرکەتەکەیش زانا.

هەرپاسە هەڕەشەو فیلتر و وەرگیری فەیسبوکی جە چن وەڵاتێ ئوروپای جە پەی ئامەو دزەی ئێتلاعاتو کاربراو فەیسبوکی بێ کە بی هۆ ماڕیای و وەستەیرەو سەهامێ ئی شێرکەتیە جە بازارو بورسی جهانی تاڕادێ کە ئی شێرکەتە توشو زیانی ماڵی فراوانی بی و ئێستفادەکەرێ ئی تۆڕە کۆمەڵیەیشە تۆرنای و فرێشا ناچارێ بیێ فەیسبوکی باوە دما یا لانی کەم فرەتەر و بە ژیری ئاگاو ئێتلاعاتو نویستەو وێشا با و هۆشیارتەر جە جاران واتار و چێوای تەریشا چی تۆڕێنە بوەزنانێرە.

وەهارو۱۳۹۷ی ڕۆجیاری

دەستیار = دەسینە = ئامیٛر

زاکربێرگ”Mark Zuckerberg”جە کونگرەو ئامریکاینە

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…