یانە ئەدەب و هونەر چەمی چەپش نوقسانا

چەمی چەپش نوقسانا

267

چەمی چەپش نوقسانا
داستانېۉی کؤنەنە ئې و ۉاچې꞉ کابرێۉ هەرېۉش بە بارۆ پەنە، میاۉؤ لا کارۉانسەرێۉی. هەرەی بەرۆ بینؤۉە و پەی پشوېۉی ملؤ دلې. دما ئیسراحەتی مزیؤرە و مدیؤ هەرە نەمەنەن. چەپەرە لۉا بؤ؟ ڕاسەرە لۉا بؤ؟ مەزانؤ و هەر پاسە و گؤترەی ملو ڕێ گېرؤ و درېژە مدؤ بە ڕاکېش. ڕانە بە هەر کەسی میاۉؤ هەۉاڵو هەر و بارەکەیش پەرسؤ بەڵام کەس سؤراخېۉ مەدؤ دەسۆ تا کابرێۉ جە جوابەنە ماچؤ꞉ پای ڕاسو هەرەکەیت شەلې؟
خاۉەن هەرەیچ جواب مدؤۉە و ماچؤ꞉ بەڵە قوربان چکؤت چەم پەنە کۆت؟
کابرا ماچؤ꞉ نەدیەنم.
و شؤنەو ئانەیەر هەم پەرسؤ꞉ ئایا بارش خەلە بې؟
کابرای خاۉەن هەر هەم ماچؤ꞉ بەڵې قوربان، چکؤت دی؟
کابرا ماچؤ꞉ نەدیەنم.
و هەم پەرسؤ꞉ چەمی چەپش کؤر بې؟
خاۉەن هەرە هەم قوربانو سەدەقش بؤۉە و ئەۉیچ هەر ماچؤ نەدیەنم. 
سەرو ئی بەزما بؤشا ۉەنە قڕە و کارشا میاۉؤ لا قازی.
خاۉەن هەرە دەمو شکاتیۆ ماچؤ꞉ ئی کابرا گرد نیشانېۉەو هەرەکەیم و بارەکەیش مدؤ و کەچی ماچؤیچ نەدیەنم.
قازی ڕوە کەرؤنە کابرای شکات ۉەنە کریای و پەرسؤ꞉ دەی خاسا جەرەیان چېشا؟ ئەر نەدیەنت چەنی ئا گردە نیشاناشە پا ڕاسیە مدەی؟
کابرا جواب مدؤە و ماچؤ꞉ قوربان هەرەکە ڕاکېنە سمی ڕاسی دماینش خاس نەچەقا بېرە و زانام کە شەلا و مرؤچېچم چەم پەنە کۆتې کە خەلە دەمشاۉە بې و زانام پی ۉەهارە تەڕەنە هەڵای وەختو خەلەو خەرمانی نامان و حەتمەن هنو بارېۉی بیەن.
قازی مێۉە جواب و ماچؤ꞉ دەی خاسا ڕاس ماچی بەڵام چەنیت زانا چەمی چەپش کؤرا؟
کابرا جواب مدؤۉە و ماچؤ꞉ بەڵې قوربان، دیانې مدیەو ئا هەرە، گیۉاۉو لا ڕاسو ڕاکېش واردەن بەڵام دەمش نەدان گیۉاۉو لا چەپو ڕاکېۉە و پا جؤرە زانام کە چەمی چەپش نوقسانا.
قازی بە ئەژنیەی ئی باسا، میاۉؤنە کابرای و مزانؤ کە ڕاس ماچؤ و کابرێۉی خاۉەن ئاۉەزا و پا بؤنۆ چەنی ئازاد کەردەیش داۉاو چەنەۉیەردەیچش ۉەنە کەرؤ و ….

 hewraman
  • هەڵقە دوکەڵێو!

    هەڵقە دوکەڵێو؛ ڕوٙمانێوە کوڵە بە قەڵەمو بەختیار لهونی، وەڵاو گەو هەورامانینە بواندیٛوە، حە…
  • ئه‌ڎای غیرتیە و لالۆی قه‌وم دوس

    ئه‌ڎای غیرتیە و لالۆی قه‌وم دوس داستانێوه‌ جه‌ کاکه‌ موحه‌ممه‌دغه‌ریب مه‌عازی نژادی  …
  • ویرەوەریە جە ڕۆ کۆمساو 1391 ی

    ویرەوەریە جە ڕۆ کۆمساو 1391 ی ڕوێ شۆنەو کۆنگرە تارێخیەکەو مامۆسا ئۆسمان هەورامیرە (1391 .2…
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…