یانە گردین شوٙتو ئەڎای

شوٙتو ئەڎای

140

شوٙتو ئەڎای

بوٙنەو حەفتەی جیهانی شوٙتدای ئەڎاییوە  هەکە بنەڕاو مانگەو ئوگوستی دەسپەنە کەروٙنە ، گەرەکمانە کەلکەکاو شوٙتو ئەڎای ” ئەڎێ ” وزمیٛ وەرچەمتا ، سەربارو ئانەی شوتی وشکی دروسکریا گردو مادەکاش چەنەنیٛ پەی گەشەو ژیوای زاڕۆی ، وەلێ هوٙروشکنای زانستی و پزیشکی سەلەمنانش هەکە هیچ شوٙتێو نمەبوٙ بە شوٙتو ئەڎای ، چونکەتەی بوٙ بە بایسو پاریٛزنای زاڕوٙی جە بڕێ نەوەشیا  وەختێو گەورە بونە ، پیٛسە نە وەشی کۆڵۆنی و خیش بیەی ، پەی زانیاریتا  کەلکەکاو شوٙتو ئەڎای وزمیٛ وەرەچەمتا :

  • وەرگەگیٛرتەی” مناعە ” بەخشوٙ بە زاڕۆڵەی جە سنعێوەنە هەکە وەرگە گیٛرتەیش کەمەن .
  • گەشنای و هازدارکەردەی مەژگ و  ویرو  زاڕوٙی
  • گەشنای کوٙئەندام هەرسو زاڕوٙی بە جوٙرێوە ڕیٛک و پیٛک
  • هازدار کەردەی پیٛوەنی بەینو ئەڎاو زاڕوٙڵەی
  • پاڵپەشتی کەردەی کوٙئەندامو هەرسی بە بەکتریای تازە هوٙرئامای و کەلکداری
  • پارێزنای لاشەو زاڕۆی هەکە دما ڕوٙنە خیش و کیٛشش فیٛشتەر نەکەروٙنە
  • شوٙتو ئەڎای متمانەدارا پەی ئانەی زاڕوٙ دماڕوٙنە توشو  بەد وەری ” بەد خوراکی ” نەبوٙنە

پەی ئانەی شوٙتو ئەڎای فیٛشتەر بوٙنە  پەنەوازەن  ئەڎا  ماساوی ” سەلەمون ”  بوەرا ،  هەرپاسە میوە  ” کیٛوی و تفە فەرەنگی ، هیٛڵە ، بەرهەمەکا شوٙتی ، سەوزەی گەڵادار ، مەکی یوٙد داریٛ ” .

هەفتەی جیهانی شوٙتدای ئەڎایی گرد ساڵیٛو  یەکو مانگەو ئوگوستی  1/8  دەس پەنە کەروٙ ،  یوەم جارا ساڵەو 1992 نەمان وەنە و بە بەشداری  79 دەوڵەتا، چیٛرو چەمداری  ڕیٛکوزیای تەندروستی جیهانینە  ، ئیٛساڵ ئی یادە بە بەشداری  120 دەوڵەتا و  488  ڕیٛکوزیایاو  ویارو  ئەڎا و زاڕوٙڵەی .

چی هەفتەنە کوٙشا پەی ئانەی هانەو ئەڎایا بدا هەکە زاڕوٙکەیشا بە شوٙتو ویٛشا پەروەردە بکەرانە ، هەرپاسە ئاژەو بارو دوٙخێوە ئارام بارانە دلیٛ تا ئەڎاییٛ بتاوا شوٙتو ویٛشا بڎا بە زاڕوٙکاشا ، موٙچیاریشا مکەرا  هەکە ئی جوٙرە واردا بوەرانە :

  • ” شوٙفان ”  :  شوٙفان بەهازترین واردەن کۆمەکو زیاد بیەو شوٙتی مکەروٙ، ئتر بە شیٛوەو شوٙرباویٛ بوٙنە یام  جوٙرێو تەر .
  • سەوزە : بەتایبە  سەوزەی گەڵادار ،  سەوزەی مەیلەو سور پیٛسە گیٛزەریٛ ” هویج ” چوٙننەری ، سیٛفە زەمینیٛ .
  • یەویٛ چەنی بریٛنجی سوری پاک نەکریای ، کۆمەکو زیاد بیەو شوٙتی کەرانە
  • واردێوە کالسیومی فرەش چەنە بوٙ پیٛسە شوٙتی و بەرهەمە کاش ، وامی فرەتەرین کالسیومش چەنەن ، کۆمەکو قەوەت بیەی پیٛشەکا زارۆی کەروٙ ، هەرپاسە ئەڎای پاریٛزنوٙ جە هەروٙڵ بیەی پیٛشەکاش .
  • واردەی تەریچ پیٛسە ” میژو  و نوەی ، ماساوی سەلەمونی ، گرد تومێو هاڕیا ، هەلچی بەتایبە هاڕیاوە ،  مەکی یوٙدداریٛ .

 

جە ئنترنیٛتۆ       د.ناجح گوڵپی  4/8/2018

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

ئایا کەشتیو حەزرەتو نوحی ئیٛرانەنە نیشتەنۆ؟

ئایا کەشتیو حەزرەتو نوحی ئیٛرانەنە نیشتەنۆ؟ بەپاو هەواڵو تیمو تاوتوکارێ”ئەنستیتو پەی…