یانە ئەدەب و هونەر فەتە لوان مەراسموو مۆعەڕەفی رەئیسی پەی شاری

فەتە لوان مەراسموو مۆعەڕەفی رەئیسی پەی شاری

103

فەتە لوان مەراسموو مۆعەڕەفی رەئیسی پەی شاری
واتم مەلە ، پەی چێشی ملی ، بە تۆ چێش ، تۆ سەرەو سیریەنی یا قنگەو پیازی.ئاخۆر تۆ کەس هەرت پەنە مەبینۆوە، کەس مەواچۆ چکۆوە مەی و پەی کۆگەی ملی ، ئاخۆر تۆ هیچکەس هیچ حەسابێوت پەی مەکەرۆ کۆگە ملی.ئانا ملیچ دەی بزانوو مانیا زیاتەرو زەڕخەرج کەردٚەی زیاتەر چێش قازانچ گەری.هەر ماچۆ ملوو.وەشا. گردٚ کەس ملۆ.تەنانەت سەلتێچ بەرای بەرێ،ناستم.واتم:«تۆ کۆڕەنی هیچت وەنە مەگۆنجیۆ.بەڵام سەلتێ نمێ .بەیچ من نمازوو! کناچێ پەی ئایاگا مەشیۆ!»
سەرەتا نەئێشنوو لوا وئاماوە و کاشف بە عەمەڵ ئاما من ڕاسم وات.مانیای زیاتەر هیچش پەی نەمەنەبێ.هاڵی و پەتی. بەڵام خۆئادٚ وێش نە ماڕێوە.واچێ:«هەم وەش بێ و هەم وەش نەبێ. وەش بێ چوون ژەنوو پیا پێوەرە نیشتەبێرە. گڕدٚ کەس دیێ پەی گردٚ کەسی تا نا بە مەرامەو تانا بێ مەرام.!» ماچۆ:«من ژەنێوێ سڵام کەردٚا وجوابم داوە » ئنە وەش ماچۆ:« سڵام پدرام جان».
واتم :«ئانەچەنیم مشناسی ؟بەڵام من پدرام نیێنا ؛ فەتەنا!»
ماچۆ:«بوەخشە ئیشتیبام گێرتەبێنی.»
واتم:«دەی قەیدٚوو چێشی کەرۆ.سڵام سڵاموو خودٚایا»
واتم :«فەتەنا؛کۆڕوو مام عەبەی.دیپلۆمی ناقس؛ خەڵکوو…»
گۆشش نەدٚانی پەنە.هەر نەمدٚرا. دوێ پێش بێنێ دوێتەرش قەرزێ کەردٚێ ئەجۆم لوا پدرامی بێزۆوە!.ئنە زەریفە و باڵا بەرزە بێ. تەقەو پاڵەیاش ڕوێوڕا لوێ.لچێچش سوورێ کەردٚێ بێنێ ئەجێ چارە چەقیلێنە.ئانە ناموو نیشانش بۆ ناخوونیچش سەوزێ بێنێ.»
ئەرێ واڵێ گیان سەرینا تا وەڵینا دنیا هەر چیمنە بیەن .ئێمە وەختوو وێش سەیکەو چنێ بێنمێ و ئیسەیچە بە لەونێوتەر هەر سەیکەوچنێنمێ.باروو ئێمە هەرچل منا ئێدٚ رەئیس بۆ یا ئادٚ بە من چێش ؛ بە تۆ چێش.
ماچۆ واتشا بە بارۆڵی :«زەماوندٚەنە با بلمدێ»
بارۆڵ ماچۆ:«دەی بە من و تۆ چێش؟»
واتشا:«دەی زەماوندٚەو براو تۆنە»
ماچۆ:«دەی بە شمە چێش!»
بەڕاسی فەتە گیان ئانا تۆ لوای مەراسم و ساندیس و کەیکێ ویچت واردٚ.ئانا کیسەتەنە نەزاناشا و یۆیچت ئاردٚەو پەی سەلتێ.دەی ڕۆڵە گیان خۆ پانەیە دەوڵەمەندٚ مەبی!تەقی بۆ ڕەئیس یام نەقی بە من و تۆ چێش.هەورامیا بە من چێش؟سۆرانیا بە تۆ چێش؟چەمەڕاسەکەم.چی مەلی چەنی تاتەیت چوار کۆڵێ بەری.ماچۆ ئەچی ڕوانە سەخت مەگێرا .بە کیلوو ماری.بەڵام هۆشت بۆ تەماعە نەگێرۆت؛کۆڵی قۆرس هۆرنەگێری ئاها واتەنشا تەماعەی زیادٚێ …پیای دڕۆ.
هۆرزدێ ژەنا. لابەردێ وێرەگاما پەنە بی ئانا وەرپڕا با کەرمێش بەهەشت بلمدێ یانە چێوێو وەش کەرمێ پەی وێرەگای. ماچۆ:«درۆ و ڕاسی قەرارا ئێشەو مانگەیچ گێریۆ!»با سەوای وێرەگا نەقڵوو مانگ گێریایتا پەی کەروو کەچەنی ئا ساڵە و ئا شەوە گردٚیما خەریک بێ زاڵەترەکێ بیمێ.
«وەلی فەتاحی»
97/5/5

 hewraman
Load More In ئەدەب و هونەر

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…