یانە هەواڵیٛ درێژتەرین مانگ گیریای سەدەو ۲۱ی

درێژتەرین مانگ گیریای سەدەو ۲۱ی

144

درێژتەرین مانگ گیریای سەدەو ۲۱ی

گەلاوێژنامێ هەسارێن کە هەر جە قەڐیمەنە جە کۆتایی ئی برجیە وێش دیاری مڐۆ و مگنۆ بەرۆ ، دیاری دای  گەلاوێژی یانی بەزیای گەرمای و کوڵ بیەی ڕۆی و فێنێک بیەی هەوای.
وەشی گەلاوێژو ئێساڵی،ڕوەداوو درێژتەرین مانگ گیریای(مانگەی سورە) سەدەیەن، ڕۆجومعەی ٥ وگەلاوێژو۱۳۹۷ی ڕۆجیاری ۲۷٫و جولاو ۲۰۱۸ی٫خەیلێ جە ئەرەنیشتێو زەمینی متاوان سوربیەو مانگێ بوینان.
ئی مانگ گیریای جە ساعەتو ۲۱ و ٤٥ دەیەقێ ڕۆجومعەی(۹شەوێ) بە وەختو ئێرانی دەس پەنە مکەرۆ ، چی ساعەتەنە مانگە مگنۆ چیرو”نیم سێوەر”و زەمینی.
جە ساعەتو ۲۲ و ٥٤ دەیەقێ،سەیەو زەمینی مگنۆ سەرو مانگێ و کەم کەم تاریکی مانگێ وێش دیاری مدۆ.
هەرجە وەرۆ تاریکی مانگێ فرەتر و سێوەروگۆزەمینی،پانایە فرەتەری جە مانگێ پۆشنۆرە وخرتی مانگێ بە ڕەنگی سور و زەردی سۆتەی بەرمەی.
یانی ۱۷سانیێ دماو ساعەتو ۲٤و شەوێ (وەڵینەو و سەرەتاو ڕۆشەممە ی٦وگەلاوێژی)؛مانگ گیریای گردی و کامڵ ڕۆە مڐۆ وئیجا ۱۰۰٪ و خەرمانەو مانگێ مگنۆ چیرو سێوەرو گۆزەمینی ،  مانگە چی ساعەتە بە دما، بە ماوەو ۱ساعەت و ٤۲دەیەقێ،پۆختە مگێریو و ڕەنگەش فاڕیو.
دۆستدارێ ئاسمانو شەوێ چی وەختەنە متاوان چی پەردۆچیە کەڵک بگێران و درێژتەرین مانگ گیریای سەدەی بوینا.
ئەرەنیشتێ وەڵاتو ئیرانی جە ساعەتو ۲٤ی(۱۲وشەوێ) بە ماوەو یەک ساعەت و٤۲ێ دەیەقێ متاوان مانگێ بە ڕەنگی سور و زەریف بوینان.مانگ گیریای کامڵ و پۆختە،جە ساعەتو یەک و٤۲ێ دەیەقێ کۆتاییش مەی و تەنیا قەمەرو گۆزەمینی (قمرزمین) جە سێوەر و تاریکی بەرمەی،بەڵام تا ساعەتو ٤و پارشیوو ٦وگەلاوێژی،ئی مانگ گیریایە مخواینۆ(مانگ گیریای کەم) و چی ساعەتێنە کۆتاییش مەی.

وەختارێ جە بازنەو گیلاو زەمین و مانگێ دەورو ڕۆجیاری،ئی یەرە بگنا یەک ڕاستا و ڕاسەڕا چەنی یۆی با،بە جۆرێ کە زەمین بگنۆ دلێڕاسەو مانگ و ڕۆجیاری؛ مانگ گیرای(خسوف)ڕوەمڐۆ و چی وەختەنە سەیەو زەمینی مگنۆ سەرو مانگێ و پیجۆرە مانگ گیریای مقۆمیۆ.

ئێژاو واتەیا مانگ گیریای دمایین جە وەڵاتو ئێرانیەنە،ساڵەو ۱٤۱۱ی ڕۆجیاری یانی ۱٤ساڵێ تەری ڕوە مڐۆ.
تەنیا یاگێ کە ئی مانگ گیریایە دیارنیا و نمەپیویۆ،ئامریکای سەرنیشتەن.

جە مانگ گیریای ڕۆ جومعەی،جە ئاسمانەنە متاومێ هام زەمان”گۆمریخی” یچ بوینمێ ، “مریخ”هەردوە ساڵ و دوێ مانگێ جارێ، ئینا جە نزیکیو زەمینیەنەو و درۆشیاتەر مگنۆ وەرو چەمی و ڕۆ جومعەیش متاومێ چەمێ بوزمی ئەو ئاڎیچ.
ئەر چی شەوێنە بە”تلێسکوپ”بڎیەیمێ پەی مریخی؛متاومێ دەشت و بەرزاییەکاو جەمسەریش بوینمێ و ئینەیچ یانی پاڵو تماشاو مانگ گیریای،لایە بکەرمێ ئەو مریخی و جە ڕەنگەو سور و نارنجی و درۆشیایش چەشتێ بێمێ.

زەمان بەندی درێژتەرین مانگ گیریای سەدەی:
[دەس پەنەکەردەی نیم سێوەر-ساعەت ۲۱:٤٤:٤۹  ، ٥ و گەلاوێژی]
[دەس پەنەکەردەی گیریای کەم و ناچیز- ساعەت۲۲:٥٤:۲۷  ٥ و گەلاوێژی]
[دەس پەنەکەردەی گردی و پۆختە-ساعەت۰۰:۰۰:۱٥  ٦ و گەلاوێژی]
[زەمانو مانگ گیریای پۆختەی-ساعەت۰۰:٥۱:٤٤ ٦ و گەلاوێژی]
[دمایین زەمانو گیریای گردی و پۆختەی-ساعەت۰۱:٤۳:۱۲  ٦و گەلاوێژی]
[دمایین زەمانو گیریای کەم و ناچیز-ساعەت۰۲:٤۹:۰۰ ٦ و گەلاوێژی]
[کۆتایی گیریای نیم سێوەر-ساعەت ۰۳:٥۸:۳۷ ٦و گەلاوێژی]

 hewraman
Load More In هەواڵیٛ

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…