یانە زانای چەنی مزانی زاڕوٙی شوٙتەوەرە پیٛسە پنەوازی نمەوسوٙ ؟

چەنی مزانی زاڕوٙی شوٙتەوەرە پیٛسە پنەوازی نمەوسوٙ ؟

84

چەنی مزانی زاڕوٙی شوٙتەوەرە پیٛسە پنەوازی نمەوسوٙ ؟

وتەی زاڕوٙی شوتەوەرەی جە هەفتەکا بنەڕاو پەیدا بیەینە هەتا مانگیٛو ، یاگیٛ سەرنجیٛ و ورکەو ئەڎاو تاتەینە ، زاڕوٙ ئەچیٛ دەمەنە ، فرەو وەختی وتەن ، وەلێ شیٛوەو وتەکەیش جوٙرێوەن ، وەرمش زڕیوٙ و وەرمش گنوٙوە پوٙرە ، ئتر ئینە بوٙ بایسو ئانەی ئەڎاش ورکە پەیدا بوٙ دڵشەنە ، واچوٙ  پیٛسەو پەنەوازی مەوسو ، کەم موسوٙ ،  یام فرە موسوٙ  .

بە پاو ڕاپوٙرتە پزیشکیەکا زاڕوٙ   14 – 17 ساتیٛ مەوسوٙ  جە ماوەو ڕویٛنە ( 24 ساتانە  ) ، بڕیٛ زارویٛچ هەنیٛ  11 ساتیٛ موسا ، بڕێوەتەریچ  ڕەنگا 19 ساتیٛ بوسانە ( ئەچی ماوەو عەمریشانە ) .

فیٛشتەر وتەی یام کەمتەر وتەی جە ( 14 – 17 ) ساتا ، بە نونگەو نەوەشی ،  یام ئاورایی ، یام هەراو هوٙریاو دەنگە دەنگو دەور و وەرین نمازوٙ وەرم کەروٙ .

حەفتەی یوەم و دووەم جەپەیدابیەش زاڕوٙ  وەنەوزیٛ کەروٙ پەی ماوەو  ” 30 – 45 ” دەیەقا  ، وەلێ دریٛژ تەرین وەنەوزیش  ” 3 – 4 ” ساتیٛن ، ئتر هوٙر مئیٛزوٙوە پەی شوٙت واردەی .

زاڕوٙی شوٙتەوەر هەرگیز نمەتاووٙ پەی ماوەو  3 ساتا سەرو یۆی هایش بوٙ ، وەرمش گنوٙوە پوٙرە ،  زاڕوٙی شوٙتەوەر هەتا ماوەو 6 مانگا نمەتاوٙو وتەیش ڕیٛک بکەروٙ ، وەلێم دمای 6 مانگا ئتر وردە وردەی  وتەیش ڕیٛکوپیٛک بوٙنە .

وەروئانەی پەنەوازەن ئەڎاو تاتە  هەمیشە چەمداری  وتەی زاڕوٙکەیشا بکەرانە  ، چونکەتیم  بڕێ هوٙکاریٛ هەنیٛ کە  وتەی زاڕوٙڵەی تیٛک مەڎانە ، پیٛسەو  کوای ” وٛاکسن ”  کەردەی ، چوون وٛاکسن بوٙ بە هوٙکارو  یاو گیٛرتەیش ، یام  کەمی شوت واردەیش ، ڕەنگا شوٙتو ئەڎایش بەشش نەکەروٙ ، کەم بوٙنە .

هەرپاسە ئەگەر زاڕوٙی شوتەوەر فرە بوسوٙ ، ئاوەختە شوٙتی تەمام نمەوەرۆ ، و وینی پیسی کەم مکەروٙ ” دایبی پیس نمەکەروٙ ”  مەشوٙ لاو کەمیوە ڕوٙیٛ 4 جاریٛ زاڕوٙی پاک بکەریوەو  واڕیش ،  شوٙت کەم واردەیش بوٙ بە بایسو ئانەی هەکە گەشە نمەکەروٙ بە شیٛوەی سروشتی  ، مەشوٙ ئەڎاو تاتە وریاو ئینەیچ بانە  تا زاڕوٙکەشا  بە بوٙنەو فرە وتەیوە نەوەش نەگنوٙنە .

جە ئینترنیٛتەو

 د.ناجح گوڵپی   25/7/2017

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…