یانە گردین دەس پەنەکەردەی ساڵەی نەویٛ “مندایی”

دەس پەنەکەردەی ساڵەی نەویٛ “مندایی”

99

دەس پەنەکەردەی ساڵەی نەویٛ “مندایی”

جە کۆتایی مانگەو کۆپڕی[مانگەو گدیا] یانی ڕۆ ۲۹ ئی مانگە ویەردێ،ساڵەی تازێو “مندایی” دەسش پەنە کەرد (ساڵەو حەزرەتوئادەمی).
جە باوەڕو پەیرەوانو حەزرەتو یەحیای (ع)،کۆتایی کۆپڕو ۱۳۹۷ی ڕۆجیاری هام زەمانەن چەنی مانگەو”دولا  ” ۲۰۲۱ی یەحیایی و ۲۰۱۸ی عیسایی و ٤٤٦۳۸۸ حەزرەتو ئادەمی(ابوالبشر).
“صائبین مندایی”دوێ ڕۆی وەلێو دەس پەنەکەردەی ساڵەو حەزرەتو ئادٚەمی، ڕۆچێ”امبطل” ی مگێران کە تا ۱٤و”دولا ”  (یانی۹و گەلاوێژی)مخواینۆ.
دوێ ڕویٛ چی ۱٤ڕۆیە،ڕۆچی گەورێش مواچا وئەنجام دایش پەنەوازەن ومشیۆ بە یاگێش بارا.
۲۹ پاژەرەژمانگو ساڵەو ۱۳۹۷ی ڕۆجیاری ئێساڵیچ،ساڵو ۲۰۲۱ی “صائبین مندایی” بێ کە یوەم ڕۆ مانگەو”هطیا”یش مواچا.
“مندایی”یٛ کە جە ساتراپو خوزستانو ئێرانی بە”صائبین” مشناساشا،پەیرەو و شۆن کەوتەو ئایینوحەزرەتو یەحیای(ع) ـ یەنی و جە وەڵاتاو ئیران و عێراق و سوریەنە مژیوان.

ژیوای “مندای”یان،ئینا جە کەراخو ڕۆخانەو دیجلە وفورات و “کارون”ی و خواوەنڎو کتێبێ موقەدەسی بە نامێ”گنزاربّا”یەنی[گەنجی گەورە]کە دەستور و کەردەوە و مۆچیاری حەزرەتو ئادٚەم و”شیتل”ی (=شیث جە فەرهەنگو ئێسلامی) فەرزەندیش ئینا چەنە و بە وێشو مگێرۆ.
فرەو ئایین و کەردٚەوەی دینی”مندایی” چەنی ئاوێ لکەش واردێنە و وەرو ئانەی یاگێ ژیوا و مەسکەنیشا ئێنا پاڵو ئاوێنە و نمەتاوا جە ئاوێ دور بگنانێوە “.
چی چن ساڵێ چیوەڵیە کەم بیەو ئاوەو ڕۆخانەو کارون و کەرخەی بیەن هۆ کۆچ کەردەی و جیائاستەی ژیوگایشا پەی یاگانێ تەری وئینەیچە جە کەم بیەی ژمارە وجەمعیەتیشان بێ ئەو نەبیەن.
“مندای”یێ جە ڕۆانو یەکشەمەی وێشا بە”غُسل”و تەعمیدی مشۆران و پاک و تەمیس مکەران. ئێژاو واتەیا پێشەو فرەو”منداییا” زەڕسازی وقایەق وەش کەردەی و هەرمانێ دەسی بە کەڵک گێرتەی جە تفاقو ئا ڕۆخانەیەنێ کە لاشەنە مژیوا.
ژمارو منداییان جە ئێرانەنە نزیکو ٤۰ هەزار کەسێن،جەعێراقیچەنە جەنگ و ئاژاوێ،فرەو جە منداییاو ئی وەڵاتیشە هۆرنیان کە ژیوگایشان جیا بازان و ڕوە بکەران یاگانێ تەری.
واچەو”صائبین”ی پسەو ئایین و دینێ کۆن،یەرێ جارێ جە قورئانی پیرۆزەنە پاڵو یەهود و مەسیحی و زەردەشتیەنە (گاور)ئامان:
سورەتو بقرە ئایەو٦۲ێ
سورەتەو انعام ئایەو٦۹ی
سورەتەو حج ئایەو۱۷ی
جە باوەڕو منداییان،حەزرەتو ئادٚەمی،شیتل(شیث)،سام و یەحیا،پەیامبەرێ ئایشانەنێ ویەحیا(ع)دمایین پەیامبەرشا ، کەسێ بێ کە کوڕو دێڐێش یانی حەزرەتو عیسامەسیحیش(ع)جە ڕۆخانەو”ئۆردۆن”ی شت و پاک و تەعمیدێش کەرد.
مندایێ مواچا:جولەکێ دماو بەرزبیەی و عروجو حەزرەتو یەحیای(ع) جە ٦٤ ساڵەییش پەی ئاسمانا؛دەسشا دا کوشتارو پەیرەوانو ئی پەیامبەریە و پیجۆرە جە ۱۸۰۰ساڵێ چیوەڵی،ژیوگایشا جیائاست و جە کەراخو ڕۆخانێو دێجلە و فورات وکارونو ئێرانی نیشتەجای و سەقامگیرێ بیێ.
وەرو ئانەی منداییێ جە چن وەڵاتێنە پژگیاینێ،هەڵای خەیلێ جە ڕەوشت و شێوە خواپەرەستیشان دیار و ڕۆشن نیەن،بەڵام چی چن ساڵە ویەردەنە کەوتێنێ وەرو چەمی و تا ڕادێ شناسیاینێ بە دیگەرانی.

مەندایی = مەندائی

دەستورو وەنەی کتیٛبی پیرۆزی
غوسڵ و شتەی بەدەنی جە ڕوٙخانەو کارونیەنە

 hewraman
Load More In گردین

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…