یانە پەیلوای کوڵیلە سەرنجێ سەروو ئی شێعرێ

کوڵیلە سەرنجێ سەروو ئی شێعرێ

62

کوڵیلە سەرنجێ سەروو ئی شێعرێ

نویسەر:سۆهەیب فاروق
شاعێر:ب.م (شارۆ)

ئا وەختە کە
ڕەگوو ژیوای
سەروو مژنوو حەزوو تاتەیم
پەی ئەڕفانای کامێ کاڵی
بێسانوو لەشوو ئەدایمنە
کەوت فڕتەفڕت
ئا وەختە کە
فیسیا تاسەو حەزوو ئەدایم
سەروو سینەو ئۆخەیێوە کرچ و کاڵی
جواڵوو کەیلوو کەیفەکاشا
کادانوو ڕۆحوو مننە کەردۆ هاڵی
ئا وەختە کە
قومێ لەززەت
کریا سەوقات پەی واشانوو ڕۆحوو تاتەیم
ئاوەختەکە
چووزیا نەفەس
سیروانوو لەمزاو ئەدایمنە
کۆماشا بەست دەشتێ دڕەی
پەی ئازارەو ژیواو ئارۆیم
ئاوەختە بێ
دوورگەو نادیاروو ژیوایەنە
چەکەریانێ
ئیسە منناو
عۆمرێ جادە!

خاسترین زانستێ کە هامکاریما کەرۆ، پەی وانایوە ئی تێکست ــ دەقە شیعریێ ــ خەتەو بەینو ــ سایکۆلۆژیای و سۆسیۆلۆژیاین ــ یان با نامێش بنیەو وانایۆیێ سۆسیۆ سایکۆلۆژی،چی چاگەوە کە شاعیر ملۆوە دلێ وێش، گنۆوە ئاژەو وێش و ناڕاستەڕا پرسیارە سەروو بییەی ــ بوون ــ یش‌ کەرۆ،گرد ڕستێوە دلێ دەقە شیعرییەکێ پەی وێش پەرسێنە مشۆم شۆنەو جوابەکەیشرە گێڵمی،من چی هەنا؟ بییەی من گنۆ کۆگەو ژیوایۆ؟من بۆنەوچیشیوە و بە چ ئامانجێ ئامانا دلێ بییەیۆ؟ منی شاعیر گنۆ ئاژەو ژڵێونای پەرسێ شاعیرانێ تایبەتێوە،خەیاڵشا وزۆش دلێ ئێمەوه ئا پەرسێ،کامما جە بییەی وێش ڕازین، من تۆ ئێمە؟بێ پەرس ئامێنمێ بییەی ئاخۆ متاومێ چێش کەرمێ چێش بواچمێ؟ ئێمە گێرابۆنەو غەڵەتێ ئەڐێ یان تاتەیماوە ئامێبیمێ،گوناحو ئێمە چێشەن، ئێمە پێسە ئینسانی وزۆما چێرو ئی پەرسێ پرسێ فرەجوانەنە ئایا ئینسان وێش هۆکاراــ وەسیلەن ــ یان ئەنجاما؟ ئێمە وەسیلەو چێژ ــ لەزەت ــ و ئەیاو بابەیمانمێ؟فرێما بێ پەرس بێ هیچ ڕۆشنویریێ پەروردەیی وزیێنمێوە، کەوتێنمێ کۆڵانەکاو ژیوای،دەردێ دەروونیێ وکۆمەڵایەتیێماهەنێ هەم پسە شەخس،تاکی هەم پێسە جمع ــ کۆی ــ قەلەقیێ ڕاڕایێ……. تا دمایی
هەر پاسە ئی شیعرێ داراو پەرسێ فەلسەفیێ دینیێنە بە ڕاو من پێسە پەرسەکاو ــ خیام ــ ی وەختێوی ماچۆ: من ــ ئامای دنیێم بە دەسو وێم نەبییەن و کەچی محاسبەیچ کریەو ـــ ئەگەر سەرو ئی پەرساو بلمێ و گنمێ شۆنەو جوابیرە حەتمەن یاومێ یاگێ چوون هەر زانستێو،شناسنامەو وێش هەنش پەی ماهیەتو ــ بوون ــ و ئێنسانی.
هەر پاسە گێرا شاعێر جە ڕوەو ناسەقامگیری دەرونیی سیاسی کۆمەڵایەتی…..کەوتەبۆ دلێ ئی ئاژەو شیعرێ ئەگەرچی پێسە شەخسی وێش پەرسی کەرۆ بەڵام دماجارنە شاعیر مێ دلێ گردیماوە وجیای دنەدننەو ئێمە پرسیارە کەرۆ کێما هەن ڕووانە جۆرەها پەرسێ چانێش پەی وەشێ نەبا؟ شیعرەکێ زوانش میانیا(دلێڕاسە)بەینو قووڵی و سادەینە،وەلێم فیکرەو پەشتەو شیعرەکێ قووڵا کریۆ ئی کەلیما کەرمێ کرێڵ پەی وانایۆ شیعرەکێ ــ تاتە وئەدٚا، ژیوای،پەیدابییەی،زەمان،مەردەی، سەرچەمەو بییەی ئینسانی،لەزەت، سێکس،پیاسالاری،کۆمەڵگەی نەریتی و شەرقیی و…..تادمایی
هەر پاسەجوانتەرین ڕەسم وێنەی شیعری دلێشنە ئانەن کە ماچۆ:جەواڵوو کەیلوو کەیفەکاشاکادانوو ڕۆحو مننە کەردۆ هاڵی،ئافەرم شاعیر کەلیمی تەئریخیێ دوورێ و واتەی تازە،مانای تازێ و سەردەمییە،ئانەن سەلێقەی شعێرانە، ئەنناجەواڵ چکۆو کادان چکۆو؟پرسیارە و ژیوای و بوونی چکۆ؟ ئەشیا ئێمە چی دێڕێنە سمەری و مڵێ و خێزەرە و تەپوتۆزما فکر کەوتێوە کەچی ژیوایما فکرکەوتۆ،من پێسە وێم ئا قەڵەمی ماچکەروو ئە پێسە جوان منویسۆ.

 hewraman
Load More In پەیلوای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…