یانە زانای چەنی دەسەبەندی ونیٛ بوٙ بەهۆکار پەی کیٛشتەی میچا؟

چەنی دەسەبەندی ونیٛ بوٙ بەهۆکار پەی کیٛشتەی میچا؟

125

چەنی دەسەبەندی ونیٛ بوٙ بەهۆکار پەی کیٛشتەی میچا ؟[1]

ئەگەر ونەکیٛت جە دەسەو ” A ” بوٙ  ، ئانە  دوورگنۆ جە گیٛڵای دلیٛ جەنگەلەکانە و دلیٛ ئاژەڵینە  ، وشکنای تازە سەلەمنانش هەکە ئا کەسیٛ  جە دەسەو ونیٛ  ” A ” نیٛ  ، میچی ” گەنیٛ ” فرە گەزوٙشا .

زاناییٛ وەڵاتو تشیک پەیشا بەرکەوتەن هەکە  ” میچی ”  زیاتەرحەزشا جە ونەو ئا کەسانە کە جە دەسەو”  A  ”  تا جە دەسەکاو تەری ” B  ، AB  ، O  ” .

مشەوەریٛ ون ورلوشیٛ کۆمالێوە نەوەشییٛ فاڕاوە ، بەکتریایی و ڤایرۆسی ، مشەوەری  ، پێسە نەوەشی ” لایمی ” lyme disease    ، کەنەوەشێوە کوشندەن و باکورو ئەوروپای و ئەمریکانە هەن ، نەوەشییٛ هامبەشیٛ ئاژەڵی و ئانزانی ، هەرپاسە نەوەشی ” کریمەن کۆنگۆ ڤیڤەر  _ یاو و ون وەربیەی _ تای خوێن بەربون ” هەکە ئیسە جە عیٛراقەنەو کوردەسانەنە هەن ، میچی فاڕوٙشەو جە ئاژەلۆ پەی ئاژەڵی .

هوروشکنەکیٛ یاوینیٛ بە وەرپێکێوە دماو ئانەی  نمونەو ونیٛشا ئاوردەن و سەرو  هەرچوار دەسەکەی  ”  A  ، B  ، AB  ، O   ”  نیانشا سەرو کاخەزو پەرزنای جە تاقیگەنە  ، ئیجا میچی شا وەردیٛنیٛنە  ئەو ونەکیٛ ، چەمڎاری  جوڵیای میچەکاشا کەردەن ،  ئی وشکنایشا جە زانگاو ماساریکی کەردەن  کە 206 کم جە پایتەختو چیکی  “پراغ ” دورەن ، سەڎان جارێ ئی  وشکنایشا واوەی کەردەنەو ،  بەرکەوتەن کە  ونەو دەسەو  ” A ”  جە گردو جۆرەکا تەری وەشەسیێنە لاو میچەکاوە ، بە ڕاژەو % 36  ، هەرپاسە ونەی کەم وەشەسیێ ونەو جۆرو ” B   ”  کە بەڕاژەو  % 15  .

هوروشکناکەو دکتۆرە ئەلینا  زاکۆڤسکا  کە سەرینەو  وشکناکەی و تیمەکەی  بێ ، سەرسامی وێش و تیمەکەیش نیشنەدان پەی ئینەی کە میچی جۆرێوە جە ونیٛشا لاوە وەشەسیێنە ، هانەو ئاکەسایچشە دا هەکە ونیشا جە دەسەو ” A ” هاگادری ویٛشا بکەران .

میچی یام گەنیٛ زیاد جە سەدان نەوەشییٛ فاراواوە پەی ئانزانی ، نەوەشی بەکتریای و ڤایرۆسی و پرۆتۆزوایی ، جا چێگەنە باسشا نمەکەرمیٛ تەنیا حەزمکەرد ئانەی رۆشنکەروە کە ئانزانی هوٙرگیرو ونەو دەسەو  A  زیاتەر توش و نەوەشیەکا مکەروٙ .

  د .ناجح گوڵپی  16/7/2018

 

[1] میچی : کرنگ : جۆرێوەنە جە گەنیٛ ، فرە یانەوەینە ، یانی شەوێنە سەرو  ئاژەلێوە لەوەڕیوٙ ، ڕۆنە وەزۆرە وێش شارۆوە ، سەوای شەوێ ملۆ سەرو ئاژەڵێوەتەری ،  وەلێ گەنیٛ خڕەری سافە  تەنیا سەرو یەک ئاژەڵیوە لەوەڕیو ، هەتا نەتەقوٙوە  وازنمارۆ .

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

هەمارو زانایی بیٛسارانی 

هەمارو زانایی بیٛسارانی پەیجوٙریێوەن بە قەڵەمو کورش ئەمینی ، بە تیٛر و تەسەلی لوان تانو زا…