یانە زانای سازنای باڵەپڕێو بە کرژیی جمای سەرو دەنگی جە ئایەندەی نزیکەنە

سازنای باڵەپڕێو بە کرژیی جمای سەرو دەنگی جە ئایەندەی نزیکەنە

74

سازنای باڵەپڕێو بە کرژیی جمای سەرو دەنگی جە ئایەندەی نزیکەنە

دماو گڕگێرتەو هواپیماو”کۆنکۆرد”ی(Concorde)جە ساڵە2000ی و کوشتەو 130کەسێ چی ڕوەداوە سەختەیە،فرەکەس یادٚ و بیرەوەری تاڵێش چی جۆر باڵەپڕانەهەن.
بەڵام جە تازەتەرین هەواڵێ کە شێرکەتو “بووینگ”وئامریکای(BOENG) دانش جبەر جە 10تا 20 ساڵێ ئایەندەی مودێلێ تایبەت و جیاواز جە باڵەپڕی بە کرژیی جمای سەرو دەنگی سازکریۆ کە موسافرەکێ وێش بە کرژیی جمای 5 بەرابەرو دەنگی جابجا مکەرۆ.
یانی سەفەر و ویاری ئاسمانی میانو شارو”لوس ئانجلێس″تا “توکیۆ”و ژاپونی فەقەت 3ساعەتێ خواینۆ.
وەڵتەر هواپیماو”کۆنکۆرد”ی جە پەروازو میانو “لەندەن” پەی”نیۆیورک”ی،2ێ ساعەتێ و52دەیەقێ ئاسمانەنە بێ و ئینە یانی وەڵکەوتێ جە زەمینەو باڵەپڕی بە کرژایی جمای فرەتەر ئیناڕاوە و تا چن ساڵێ ئایەندە مگنۆ چیرو بارو ترافیکی پەروازی و خزمەت بە ئانزانی.
ئی مودێلو باڵەپڕو شێرکەتو “بووینگ”ی پی مانایەنەکەجابجایی ئاسمانی8بەرابەر وسورعەتو هواپیماو ئارۆین.
ئەر کرژایی جماو”کۆنکورد”ی نزیکو دوە بەرابەرو دەنگی یانی2ێ”ماخ”ێ(Mach) بێ ئیسەتێ باڵەپڕێ بە کرژیی جماو 5 بەرابەرو دەنگی یانی5″ماخ”ێ ئینا ڕاوە.
“بلەک شوول”(Blake Scholl)پایە نیا و ڕەییسوکومپانی”Boom Supersonic) یۆ چاکەسانەنە کە ماچۆ تاساڵەو2025ی
باڵەپڕی بە کرژیی جماو سەرودەنگی بە گونجیاو55موسافرێ ئینا خزمەتو ئانزانی و متاوۆ کەڵکش چەنە بگێرۆ و پەنەش جابجابۆ.
ئی باڵەپڕە بە کرژیی جماو2714 کیلومێترجەهەرساعەتێ، یانی نزیکو160 کیلومێتر جە هەر ساعەتێ جە ئەوپەڕو سورعەتو هواپیماو”کۆنکورد”ی،ئاسمانی پیمۆ.
کارکەردو ئی باڵەپڕیە جە بارەو سوتەمەنی،30٪کەمتەر جه”کونکۆرد”ی و شرێخەو دەنگیچێش،خەیلێ کەمتەر چاڎیەن.
“ناسا”و”لاکهیدمارتین”یچ،خەریکو پروژەو”DemonstratorLow Flight” پەی کەمتەر کەردەو شرێخەو ئا مۆدێل جەهواپیمانەنێ کەکرژیی جمایشا، سەرتەر جە سورعەتو دەنگیا تا زەمانو هۆرزونیشتو ئی جۆر باڵەپڕا، شرێخەو دەنگ وسدٚایشاکەمتەر بەی وپەی هامسایو نیشتگەی پەروازی ئازار و زەحمەتێش نەبۆ،پی بۆنەو”ناسا” پەیمانێ247 میلیۆن دولاریش چەنی ئی کومپانیە بەستەن و بڕیارا تا ساڵەو 2021ی، ئی مۆدێل هواپیمایە جە کالیفورنیاو ئامریکای گل دۆوە و بوزۆش چیرو پاو موسافێرا.

کونکورد

 hewraman
Load More In زانای

داواچیٛو بنویسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

بابەتو دماتەری

پیکوڵی:  tribulus terrestris

پیکوڵی:  tribulus terrestris پیکوڵی یام پیکوڵە، گیواوێن وەھارێنە سەوز بۆنە، سەرانسەرو دنیا…